Nissan Sentra 2016 نصيحه لو سمحتوا

**amr011111** · 30-10-2015 10:51 PM

التقفيا المصرى كلمه بتتقال كده وخلاص. لان البى ام بتتجمع فى مصر وعربيات كتير اوروبى بتتجمع فى الصين. المصانع ديه بيبقى عندها نفس الماكينات اللى بتجمع العربيات هناك ومعظمها تجميع الى. وفيه رقابة جوده طبعا. والا كانت الشركات ديه قفلت من زمان نتيجه تجميعها فى دول غير منشأها. السنترا بصراحه طالما ب 140 الف فهى فئة اعلى من عربيات كتير مناظرة لها فى السعر. على سبيل المثال الريو فئه اقل من السنترا واغلى منها فى فئاتها العاليه

**essam10** · 31-10-2015 08:12 AM

السنترا عربيه ممتازه وانا رايى ان اول دفعه تجميع محلى حتكون متميزه وبدون اى عيوب وانا بفكر فيها وكلمت سمير ريان لاقيتها موجوده عنده تسليم فورى

**yassermahmmoud** · 02-11-2015 07:56 AM

أنا ركبتها في الخليج كنت مأجرها .. عربية حلوة وناعمة وعالية والخامات كانت نوعية ممتازة
بس مش عارف التقفيل المصري هيكون أزاي

**وحيد غالى** · 03-11-2015 05:46 PM

التيدا تقفيل انجليزى

**mahmoudelazab** · 04-11-2015 02:45 PM

الكروز كويسة و كل حاجة بس وااااطية على الأرض هتبهدلك فى المطبات
ثانيا السنترا أحلى منها
ثالثا الناس بتشكر جدا فى التقفيل بتاع السنترا
أخيرا بقى مفيش عربية بتيجي مصر إلا و فيها حاجات متجمعة هنا يعن يمثلا بيستوردها من غير كاسيت و من غير إنذار و من غير باك سنسور و من غير وردة رفع و ريموت إلخ إلخ و يركب الحاجات دي هنا ممكن يكون جايبها أوريجينال و كل حاجة بس كده ارخص فى الجمارك بكتير فامتفتكرش أن الكروز 100 فى المية بتاعت بلدها يعني

**ahelaly** · 16-11-2015 11:52 AM

طب ليه مفكرتش في التوليدو

**AHMADALY1999** · 10-12-2015 12:45 PM

بص يا باشا حضرتك عامل زيى حلاتى
انا طالع من لانوس و i10 فى رايى اللانوس تقفيلها افضل من ال i10 اساسا
رايى فى السنترا بقى بالنسبالى حاسس انها مرسيدس ههههههههههههه مش حاسس انى ماشى فى الشارع اساسا
عكس واحد كان معاه مثلا سيفيك ........ او حتى مرسيدس قديم ......... وارد متعجبوش السنترا

**aymanhosni** · 16-06-2016 07:42 AM

هى السنترا اسعارها ايه حاليا؟؟

**bluemail** · 16-06-2016 11:25 AM

المشاركة الأصلية كتبت بواسطة aymanhosni

هى السنترا اسعارها ايه حاليا؟؟

172.5
واحد من الزملاء لسه مستلم

**أحمد ابراهيم م** · 13-07-2016 05:31 PM

يا جماعة السينترا فراملها مش حلوة وفيها مشاكل كتير ، انا معايا العربية وماشية 11 الف كيلو، هي تكييف حلو بس فرامل وحشة ومش متقفلة من تحت الموتور كويس لو فتحت الكبوت هتشوف اﻷرض، افتح بقى كبوت اي عربية تويوتا هتلاقيها متصفحة من تحت الموتور، اما الفرامل فا انا عربيتي هيغيرولها سيرفو في الضمان بس مش موجود ومستنيه بقالي اسبوعين وروحت اشتكي لاقيت واحد بيشتكي وبيغيرولوا طنابير بعد 2000 كيلو .. دا غير ان العربية دلوقتي وصل تمنها 190 الف ومبقتش رخيصة عشان يبقا فيها عيوب خطيرة زي دي