ايه انواع الفتيس الموجوده ؟؟؟ والفرق بينهم
عرض للطباعة
ايه انواع الفتيس الموجوده ؟؟؟ والفرق بينهم
يا باشا انت استعجلت حبتين :)
جايلك بـ3 مشاركات... إن شاء الله يكون فيهم معلومات كافية.
...
تقدر تقول إن أنواع الفتيس (أو ناقل الحركة) الموجودة حاليا تنقسم إلى 3 أنواع رئيسية:
1- ناقل الحركة اليدوي (Manual Transmission)
2- ناقل الحركة الآلي (Automatic Transmission)
3- ناقل الحركة متغير السرعة باستمرار (Continuous Variable Transmission) اللي بيسموه CVT
وباقي الأنواع اللي بنسمع عنها هي مجرد تحسينات أو تعديلات على الأنواع دي..
خلينا ناخد فكرة سريعة عن الأنواع الرئيسية الأول:
ناقل الحركة اليدوي:
طبعا كلنا عارفينه...
http://s.hswstatic.com/gif/transmission-model.jpg
أهم صفاته إنه بيشتغل عن طريق عصاية بنحركها بإيدينا.. وكمان محتاج دواسة مخصوص علشان تقدر تنقل بين سرعاته (دواسة الدبرياج).
http://www.aamcovenice.com/wp-conten...ch-Pedals1.jpg http://www.europeanservicecenter.com...Gear-Lever.jpg
الفتيس من داخل عبارة عن مجموعة من التروس معشقة مع بعض باستمرار .. ولكن نقل الحركة الفعلي بيبقى عن طريق أجزاء مسننة على الأكسات الداخلية بيسموها dogs وهي دي اللي احنا بنحركها لما نحرك عصاية الفتيس.
زي الصورة دي
http://i.imgur.com/FcwbK.gif
youtube.com/watch?v=8KDuk2-4s6E[/youtube]
الفتيس بياخد حركته من الموتور عن طريق حاجة إسمها "القابض" أو Clutch بالانجليزي.. واحنا بنقول عليه الدبرياج.. ومهمته مجرد فصل وتوصيل الحركة بين الموتور والفتيس..
والدبرياج عبارة مجموعة من جزئين أساسيين هما القرص المعدني اللي بيركب على الموتور.. واسطوانة مرنة من مادة قابلة للتآكل (اسطوانة الدبرياج) بس ليها معامل احتكاك عالي جدا .. علشان كده بيعملوها من نفس مادة تيل الفرامل.
http://www.procarcare.com/images/sha...a/8852JG01.gif
ده فيديو مبسط عن الفكرة الأساسية جدا للقابض
How does a clutch on a car work? Dummies Guide - Video Dailymotion
إنما القابض فعلا بيبقى شكله معقد أكتر من كده شوية... زي كده
http://repairguide.autozone.com/znet...3f8020d9bc.gifhttp://blog.ebayimg.com/motors/blog/...ar-575x450.jpg
إنما فكرة التشغيل واحدة.
أكبر مميزات الفتيس اليدوي كالتالي:
1- عمره طويل ومش محتاج صيانة كتير.
2- بيديك التحكم الكامل في كيفية أداء عربيتك.. وبالتالي تقدر تطلع أحسن أداء منها "لو كنت محترف"
3- موفر في البنزين مقارنة بالفتيس الآلي (الأوتوماتك)
4- تقدر تستخدمه في تشغيل العربية لو البطارية نامت (الرمي)
أبرز عيوبه:
1- متعب للسائق في الزحمة
2- محتاج وقت للتأقلم والتعود عليه .. خصوصا لمبتدئي القيادة.
3- ممكن يتسبب في أضرار للموتور وله هو نفسه لو استخدمته بشكل خاطئ.
ناقل الحركة الآلي (الأوتوماتك)
الفتيس الأوتوماتك اخترعوه أساسا علشان نتخلص من عيوب الفتيس اليدوي المذكورين فوق.. بحيث إن أي واحد مبتدئ يقدر يسوق العربية كويس.. ومرتاح أكترمن اللي بيسوق بفتيس يدوي كمان.
علشان كده .. أهم صفة للفتيس الأوتوماتك إنه بيشتغل "أوتوماتك" أو آليا بدون تدخل من السائق.. وبالتالي ما بقاش فيه احتياج لدواسة الدبرياج بتاعت الفتيس اليدوي..
http://www.drivingtesttips.biz/wp-co...nsmission1.gif http://ecx.images-amazon.com/images/I/41uNmP50pHL.jpg
وعلشان يشتغل .. كل المطلوب منك إنك تجيب عصاية الفتيس على وضع معين (D أو Drive) علشان العربية تقدر تمشي..
الفتيس ده جواه تروس بردو... بس طريقة تعشيقها وحركتها مختلفة جذريا عن الفتيس اليدوي..
https://upload.wikimedia.org/wikiped...ission_cut.jpg
التروس جواه متركبة مع بعض بشكل إسمه "التروس الكوكبية".. ودي عبارة عن ترس مركزي بيسموه "ترس الشمس" أو Sun Gear.. وحواليه 3 أو 4 تروس بتدور حواليه .. وبيسموا كل واحد منهم "ترس كوكبي" أو Planet Gear على أساس إن الكواكب بتدور حوالين الشمس... وبيحيط بيهم حلقة مسننة Ring
http://www.precisiontransmission.biz.../planetary.gif
فكرة تخفيض السرعة صعبة إنها تتشرح بالكلام... فالفيديو ده هيوضح الفكرة تماما.
https://www.youtube.com/watch?v=-ue_usZqHYs
كل مجموعة من التروس دي بتشتغل عن طريق مجموعة من القوابض أو دبرياجات (Clutches) خاصة بكل مجموعة على حده.
http://www.precisiontransmission.biz...ClutchPack.gifhttp://www.hks-power.co.jp/en/produc...ack_img_09.jpg
http://www.samarins.com/maintenance/...ansmission.jpg
الفيديو ده بيشرح باختصار فكرة مجموعة القوابض اللي بقت مستخدمة في أجزاء كتير في العربية
https://www.youtube.com/watch?v=TcYsV063lk8
ولما العربية بتبقى ماشية على الأول.. كل الكلتشات بتبقى معشقة.. ومع كل تعشيقة زيادة فيه كلتش بيفصل.
تشغيل وفصل الكلتشات بيتم عن طريق ضغط الزيت من خلال شبكة معقدة من المجاري الداخلية وبلوف الزيت.
http://static.howstuffworks.com/gif/...sion-brain.jpg
ومع ذلك.. فحاليا بقى جزء كبير من التحكم داخل فيه الكمبيوتر .. اللي بقى بياخد عوامل كتير في الاعتبار أثناء القيادة علشان يديلك أداء أحسن.
الفتيس ده بياخد حركته من نوع تاني مختلف تماما من القوابض.. وبيسموه "محول العزم" أو Torque Converter.. والنوع ده هو اللي خلانا نقدر نستغنى عن دواسة الدبرياج.
والجزء ده في الحقيقة يعتبر روح الفتيس الأوتوماتك... ومازال يعتبر من أعقد الأجزاء فيه...
http://www.railmotorsociety.org.au/i...tc_page_00.gif
فكرته الأساسية إنه عامل زي مروحتين قصاد بعض.. واحدة فيها كهربا وشغالة (اللي جاية من موتور العربية).. والتانية مفصولة من الكهربا (اللي رايحة على الفتيس).. بس بتلف بردو علشان تيار الهوا اللي جاي من المروحة المقابلة خلاها هي كمان تلف.
http://www.rainsight.net/blog/wp-con...c51a92bb5.jpeg
محول العزم بيستخدم الزيت بدل الهوا... علشان ينقل الطاقة الكبيرة اللي جاية من الموتور ويقدر يحرك وزن العربية.
حاليا بيركبوا جزء تالت بين المروحتين لزيادة كفاءة نقل الحركة بيسموه "Stator"
http://drive2.subaru.com/Fall02/Fall...rt/Diagram.gif
المشكلة الأساسية فيه إنه بيعمل نوع من "التفويت".. وبالتالي بنلاقي عادة إن الفتيس بيطلع عدد لفات أقل من المفروض بحوالي 10-15 % بسبب التفويت ده..
حاليا.. محولات العزم بقى راكب عليها جزء رابع كمان... عبارة عن اسطوانة دبرياج زي بتاعت الفتيس اليدوي.. بيسموها القابض "القافش" Lockup Clutch.. ومهمته إن يمنع أي تفويت عن طريق ربط المروحتين ببعض.. بس الكلام ده بيحصل بس بعد ما العربية تاخد سرعة معقولة أو ثابتة.
http://www.learneasy.info/MDME/MEMmo..._converter.jpg
أهم مميزات الفتيس الأوتوماتيك هي:
1- راحة كبيرة للسائق خاصة في الزحام.
2- وجوده خلى قيادة السيارة أسهل بكتييييير.. خصوصا للمبتدئين.
3- بيخلي حركة السيارة سلسة بدون اهتزازات.
4- بيحافظ على الموتور بشكل كبير.
أهم عيوبه:
1- استهلاك أعلى للوقود بسبب وجود محول العزم
2- أداء العربية بيكون أقل بشكل عام.
3- مش بيدي متعة في القيادة.. خصوصا لما الفتيس بيختار نسبة غير مناسبة لرغبة السائق أو لظروف القيادة.
4- محتاج صيانة بشكل متكرر.. بالذات تغيير الزيت
5- تكلفته على مشتري السيارة أعلى.
ناقل الحركة متغير السرعة باستمرار (CVT)
ده نوع لسه منتشر قريب في العربيات... مع إنه مستخدم بشكل أوسع في الماكينات الصناعية من عشرات السنين..
وعلى عكس أي فتيس تاني في عالم السيارات... الفتيس ده مفيهوش تروس !!!!
http://cdn.wemotor.my/blog/wp-conten...ission-CVT.jpg
أمال بيخفض السرعة إزاي؟
عن طريق الطارات .. أو Pullies
باختصار ... الموضوع كله عبارة عن طارتين وماشي عليهم سير.. بس ما هماش طارتين عاديين.. دول فيهم خاصية تغيير المقاس بتاعهم "بالتبادل"... بحيث إن لما واحدة توسع فالتانية تضيق... وبالتالي السير اللي ماشي عليهم بيغير مكانه حسب وسع الطارتين.
http://www.ipmd.net/assets/userfiles...May_2012/2.gif
ومع كل تغيير في مكان السير على الطارتين بناخد نسبة تخفيض مختلفة... ومنه نقدر ناخد عدد لا نهائي من سرعات الفتيس... مش مجرد 5 أو 6 أو حتى 8 نقلات في فتيس التروس العادي.
http://www.media-tech.info/image/no-dp/CVT-top.gif
تفاصيل الفرق بين التروس والطارات موجودة في المشاركة الجاية
على فكرة.. الفتيس بياخد حركته من الموتور في أغب الأحوال عن طريق محول العزم .. زي الفتيس الأوتوماتيك.
ميزة ناقل الحركة متغير السرعة باستمرار (CVT) هي:
1- سلاسة كبيرة في نقل الحركة
2- توفير في الوقود بنسبة حوالي 10% عن الفتيس الأوتوماتيك العادي.
3- حجمه صغير جدا
عيوبه:
1- ما تقدرش تحط عليه مواتير بقدرات عالية قوي... وأكبر موتور راكب على فتيس CVT لحد دلوقتي بقوة 300 حصان.
2- مالوش تصليح لحد دلوقتي... حاصة وإن النوع ده يعتبر لسه جديد نسبيا في الأسواق.
...
نقل الحركة أو الـTransmission له طرق كتير كلها ميكانيكية
وتغيير السرعات في نقل الحركة بيتم بكذا أسلوب... بس كلهم مشتركين في حاجة واحدة.. إن عندنا عمود بيدور وبيطلع حركة وله قطر معين وبنسمي العمود ده "القائد" أو Driver أو Drive ... وعندنا عمود تاني بيستلم الحركة وله قطر تاني مختلف.. وبنسميه "المنقاد" أو Driven
http://machinedesign.com/site-files/...ears-belts.jpg
نسبة التخفيض دايما بتتحسب عن طريق قسمة القطر الخارجي لقطر "المنقاد" على القطر الخارجي لـ"القائد"
طبعا الكلام ده له إثباتات وبراهين مش مكانها هنا.
طبعا... أشهر أسلوبين لتخفيض السرعة هو التروس Gears والطارات Pullies... والباقي هو خليط ما بينهم
أولا .. التروس Gears
ودي طبعا معروفة لينا كلنا.. وليها أشكال وأنواع كتير
http://i00.i.aliimg.com/photo/106658...gn_service.jpg
طريقة حساب نسب التخفيض بتبقى جاية أساسا من حساب النسبة بين قطري الترسين.. واللي بتترجم عن طريق معادلات إلى عدد أسنان لكل ترس
http://www.roymech.co.uk/images/Gear.gif
وساعتها بنقول إن لو عندنا ترس قائد عدد أسنانه 20 وترس منقاد عدد أسنانه 40.. يبقى نسبة التخفيض = 2:1 .. بمعنى إن كل لفتين من الترس القائد تساوي لقة من الترس المنقاد.. يعني السرعة نزلت إلى النصف
طبعا.. الكلام ده ما يمشيش إلا إذا كانوا الترسين ليهم نفس حجم الأسنان تماما (ودي قصة تانية .. مش مجالها هنا خالص).
http://www.technologystudent.com/images5/gr1a.gif
http://www.engineerstudent.co.uk/Ima...ratio_anim.gif
http://www.procarcare.com/images/sha...a/8852JG06.gif
ميزة التروس الأساسية هي إنها قوية وعمرها طويل ومفيهاش مجال للزحلقة.
بس عيبها الأساسي إنك محتاج تخلي العمود القائد جنب العمود المنقاد وده بيدي قيود تصميمية عالية... ولو احتجت تطول المسافة هتحتاج تروس تانية في النص ما بتعملش حاجة غير مجرد نقل الحركة ومالهاش أي فايدة غير كده
http://www.technologystudent.com/images5/gr4a.gif
ده معناه وزن عالي وتكلفة إضافية وأحتكاك أكتر واستهلاك طاقة أكتر
أو ممكن نستخدم جنزير... وفي الحالة دي .. ما بقاش اسمها تروس في علم التصميم الميكانيكي... إنما بقى اسمها مسننات أو Sprockets.
https://d2t1xqejof9utc.cloudfront.ne...0d6/medium.gif
وغالبا المسننات بتكون أضعف وما نقدرش ننقل عليها أحمال كبيرة.
ثانيا... الطارات
ودي أول حاجة استخدمها الإنسان في تخفيض السرعة.. لإنها بسيطة في التصميم وسهلة في التنفيذـ
http://www.nonstopsystems.com/radio/...length-dwg.jpg
طريقة حساب التخفيض ببساطة زي ما قلنا من شوية.. نقسم القطر الخارجي لطارة المنقاد على القائد
http://facweb.cs.depaul.edu/sgrais/i...on/pulley4.gifhttp://www.technologystudent.com/images3/pulley12.gif
مثلا.. لو عندنا طارة القائد قطرها 10 سم وطارة المنقاد قطرها 30 سم يبقى نسبة التخفيض = 3:1 ... بمعنى إن كل 3 لفات من الطارة القائدة تساوي لفة واحدة من الطارة المنقادة... يعني السرعة نزلت إلى الثلث.
ميزة الطارات الأساسية هي بساطة تصميمها.. وكمان حاجة مهمة جدا.. هي إننا ممكن ننقل الحركة ما بين أماكن بعيدة نسبيا عن بعض.
أهم مشكلة في الطارات هي زحلقة السير اللي ممكن تحصل نتيجة ضعف الاحتكاك بين السير والطارة، وده له كذا سبب:
1- ضعف شد السير
2- مقاومة شديدة أو قوة إدارة شديدة
3- وصول مادة تسبب الزحلقة إلى مناطق التلامس بين الطارة والسير .. زي الزيوت والمية مثلا.
مسألة الزحلقة ممكن نتغلب عليها بشكل كبير عن طريق إننا نزود مساحة التلامس .. بزيادة عدد السيور أو تغيير شكل السير
http://www.irantpm.ir/wp-content/upl...E2%80%8C-v.jpg
أو عن طريق استخدام طارات مسننة شبيهة بالتروس بعض الشيء
http://www.fingertechrobotics.com/im...%20pulleys.png http://www.acastronovo.com/ClassHtms...BeltPulley.gif
وده مستخدم بكثرة لما تكون مسألة التزامن في الحركة مهمة جدا ... زي فكرة سير التقسيمة مثلا.
طيب لو عايز أغير نسبة التخفيض في نظام الطارات ده.. أعمل إيه؟؟
أجيب طارتين بمقاس مختلف .. بس ساعتها يمكن أغير مقاس السير
http://www.technologystudent.com/images3/pulley8.gifhttp://facweb.cs.depaul.edu/sgrais/i...on/pulley4.gif
أو أعمل حاجة زي دي
http://machines.blanchard.s3-website...mages/belt.gif
http://colinhansen.files.wordpress.c...10/slide15.jpg
وهنا أنا مش محتاج أغير مقاس السير .. مجرد نقله من مستوى لآخر هيديني تغيير في نسبة التخفيض.. بس علشان أعمل كده مضطرين في معظم الأحوال إننا نفصل الحركة أو نوقف الماكينة أو الموتور.
http://www.notesandsketches.co.uk/pi...pedpulleys.jpg
من هنا جت فكرة الـCVT أو الـContinuous variable transmission
وهي إننا قدرنا نغير قطر الطارات أثناء التشغيل... والأهم إننا نقدر ناخد نسبة التخفيض اللي احنا عايزينها وما نلتزمش بنسب محددة زي الطارات الثابتة أو التروس.
http://www.autoslexikon.hu/images/CVT.gifhttp://upload.wikimedia.org/wikipedi...xRotRotVar.gif
النقلات المستخدمة حاليا في العربيات اللي فيها CVT بتتم عن طريق اختيار أوضاع معينة للسير... بمعنى إنه رجع للوضع القديم بتاع الطارات المتعددة اللي اتكلمنا عليها من شوية بس بطريقة أكثر سلاسة.
Dodge CVT Animation - YouTube
من أهم المميزات لفتيس الـCVT هو صغر الحيز اللي بيشغله، وده بيدي مساحة أكبر لمصممي السيارات إنهم يرتبوا ما داخل الكبوت بطريقة منظمة أكتر وأسهل في الصيانة.
http://auto-blogger.org/wp-content/u...transmissi.jpg
أشهر عيب في فتيس الـCVT هو نفس عيب النقل بالطارات عموما... الزحلقة!!!
علشان كده.. مش هتلاقي فتيس CVT راكب على عربية موتورها أكتر من 300 حصان .. لحد دلوقتي.
...
دلوقتي هنتكلم على الأنواع التانية من نواقل الحركة..
الأنواع دي كلها زي ما قلنا قبل كده عبارة عن تحسينات على نواقل الحركة المعروفة أو مزج بينها... بحيث نقدر نسميها كلها نواقل حركة "نصف آلية" أو Semi-Automatic
خلينا نتكلم عن أشهر الأنواع دي:
ناقل الحركة الآلية اليدوية Manu-Matic Transmission
وده أكتر نوع منتشر حاليا.. ومشهور بكذا إسم... ستيبترونك.. تيبترونيك .. سبورتماتيك.. إلخ
وده باختصار عبارة عن فتيس أوتوماتيك عادي جدا.. والفتيس بيشتغل وينقل لوحده زي الفتيس الأوتوماتيك العادي... بس فيه وضع تقدر تخلي التحكم فيه يدوي بحيث إن قرار نقل السرعات فقط بيرجع للسائق...
http://carphotos.cardomain.com/ride_...0050_large.jpg
ميزته الأساسية هي إن السائق بقى عنده القدرة على التدخل للحصول على أداء أعلى من الفتيس.. خصوصا في الحالات الطارئة أو عند الرغبة في تسارع أعلى من المعتاد.
الفتيس ده لازم يكون راكب على محول العزم بتاعه كلتش الربط (Lock-up Clutch) علشان يدينا إحساس الفتيس اليدوي.. بمعنى إنك لو شلت رجلك من على البنزين هتلاقي الموتور لسه دورانه عالي .. وده بيدي عزم كبير في الحالات الطارئة.. والرياضية.
ناقل الحركة المتتالي Sequential Transmission
وده عبارة عن فتيس يدوي عادي جدا... ولكن عملية التحكم ونقل السرعات وفصل الدبرياج بقت عن طريق تحكم آلي (كهربائي وأو هيدروليكي أو هوائي)
http://image.motortrend.com/f/featur...arbox_view.jpg
زي ما قلنا.. عملية النقل بقت آلية بسبب وجود قطعة صغيرة مربوطة مع دراعات النقل داخل الفتيس... ومجرد دورانها حوالين نفسها بيفك تروس ويعشق تروس تانية...
http://www.formula1-dictionary.net/I...ential_box.jpg http://s.hswstatic.com/gif/sequentia...ector-drum.jpg
http://s.hswstatic.com/gif/sequentia...-animation.gif
الاختلاف الأساسي في الاستخدام إنك في الفتيس العادي تقدر والعربية واقفة مثلا تختار السرعة الرابعة بدون ما تروح على التاني أو التالت قبلها.. في حين إنك - وبسبب القطعة دي - ما بقاش ممكن إنك تختار سرعات التروس بمزاجك بالكامل كده... إنما لازم علشان تروح للسرعة التالتة بقى لازم تعشق الأول وبعدين التاني علشان توصل للتالت.. والعكس صحيح..
أسلوب التعشيق ده هو اللي خلى الفتيس ده اسمه ناقل الحركة "المتتالي" Sequential
ميزاته الأساسية :
1- تعشيق أسرع بكتير للنقلات
2- بقى ممكن نستغنى عن دواسة الدبرياج أثناء السواقة.. ولو إن فيه منه بعض أنواع بيبقى فيها دواسة دبرياج علشان تقوم العربية على الأول.
3- فيه منه بعض أنواع بتنقل لوحدها زي الفتيس الأوتوماتيك.
عيوبه الرئيسية:
1- ما تقدرش تمور العربية وانت ماشي.
2- فيه صعوبة في سواقة العربية في الزحمة.
ناقل الحركة ثنائي القابض (DCT) Dual Clutch Transmission
الفتيس ده معقد شوية.. ومع ذلك.. واضح إن فيه توجه عالمي ناحيته
وأشهر شركة بتستخدمه هي فولزفاجن.. في كل عربياتها وماركاتها تقريبا .. فولزفاجن - أودي - سيات - شكودا - لامبورجيني... وحتى بنتلي... ومسمياه تجاريا باسم (DSG).. ودي اختصار لكلمة Direct Shift Gearbox.
الفتيس من الداخل شبيه جدا بالفتيس اليدوي المعتاد... لكن الفرق الجوهري موجود في منطقة نقل الحركة بين الفتيس والموتور.. أو بمعنى آخر.. الدبرياج.
http://gearpatrol.wpengine.netdna-cd...-lead-full.jpg
الدبرياج المستخدم هو عبارة عن مجموعتين من القوابض (Clutch Packs) زي اللي شرحناهم قبل كده في الفتيس الأوتوماتيك..
المجموعتين محطوطين ورا بعض بطريقة تخلي حجمهم ضغير جدا... وكل مجموعة منهم بتشغل عدد من النقلات في الفتيس ..
http://s.hswstatic.com/gif/dual-clut...mission-10.gif
غالبا.. واحدة من مجموعة القوابض بتشغل السرعات الأول والتالت والخامس في الفتيس... والمجموعة التانية بتشغل التاني والرابع والسادس.
http://s.hswstatic.com/gif/dual-clut...mission-13.gif
http://i.imgur.com/lONRlUE.gif
طبعا.. كل الحركات دي بتتم عن طريق تحكم كامل من الكمبيوتر .. ونقدر نقول إن الفتيس ده فيه كل تعقيدات التحكم الموجودة في الفتيس الأوتوماتيك والفتيس المتتالي... بحيث تقدر تسوق العربية بشكل أوتوماتيكي بدون الحاجة للتفكير في النقلات أو ضغط دواسة الدبرياج.
مميزاته الأساسية :
1- تعشيق سريع جدا
2- أداء أعلى للعربية بشكل عام
3- راحة للسائق
أهم عيوبه:
1- تعقيدات كبيرة بالذات على مستوى مجموعات الدبرياج والتحكم.
2- عمر مجموعات الدبرياج قصير وتكلفة تغييرها عالية جدا جدا.
...
تسلم ياباشا
العفو يا باشا... على إيه؟؟
أنا عارف إني اتأخرت على ما رديت على سؤالك... بس الموضوع أخد مني شوية وقت على ما جمعت التجميعة دي كلها.. مع إني كنت كاتب منها حاجات كتير قبل كده..
بس اكتر حاجة بتوقفني إني ألاقي الصورة المناسبة اللي توصل الفكرة بسهولة.
...
الله ينور يا باشا
و إسمح لى بإضافة صغيرة أوى لما ذكر و هى العلاقة العكسية بين العزوم و السرعات...كل ما السرعة تعلى العزم يقل والعكس...لنفس الطاقة المتولدة من الموتور....علشان كدة بنطلع العربية على الترس الاول صاحب اقل سرعة و نطلع المطالع على الغيار الاقل...و عملية النقل للغيار الاعلى فى جميع انواع الفتايس لا تتم الا بعد وصول السيارة لسرعة و عزم مناسب للترس الاعلى تكفى لاكمال السير بدون توقف الموتور...و دا السبب ان العربية مش غيار رابع و خلاص :) تطلع بيه و تنزل بيه
يعنى التروس كما انها مختلفة فى السرعات فهى مختلفة فى العزوم (القوة بتحرك..و العزم بيدور)
http://www.autocarpro.in/IMG/292/102...schaeffler.jpg http://image.slidesharecdn.com/pptau...?cb=1425869845
http://www.globalsuzuki.com/globalne...4/img/0114.jpg
:bye (1)::bye (1):
a new transmission Auto Gear Shift, which combines merits of both manual and automatic transmission