السلام عليكم

انا مش عارف اشكركم ازاي ياشباب على آرائكم بصراحة إنتوا فعلا قمة في الاحترام .. شكرا ليكم بجد

المشكلة شبه إتحلت امبارح ... هي قالتلي احنا عايشين تحت ضغط شويتين .. الازمة المالية بتاعتنا وشايفة كل احلامنا اللى بنحلمها بتطير .. لإننا فعلا مش قادرين ودا الواقع وانا مبدأ عصبيتى كنت شوفت حاجة إنت متعود تجيبهالي ولما شوفتها وانا فعلا كنت محتاجاها بس إنت بصيت عليها وديرت وشك الناحية التانية وانا كان نفسي فيها بس ما ينفعش اقولك هاتها عشان ازمتنا

فاساعتها اتخنقت ومقدرة موقفك والموقف بتاعنا وحالتنا حاليا ... ربنا يفكها من عنده

انا قولتلها طيب انا دخلي إيه فسري تعبيراتك عشان استحملك مش الاقي نار إتفتحت عليا بدون اسباب

موضوع الاكل .. قالتلي واقسمت بالله إنها ماكنتش بتاكل اصلا ونفسيتها تعبانة كانت ماتعرفش هي بتأكل الاولاد إيه

بصراحة برغم استقرارى النفسي حاليا بس مازلت تعبان جدا

مش قادر اسيطر علي موضوع اهلها برغم إننا مسافرين برا مصر ... كل حرف اهلها يقولوه يتنفذ بالحرف

كلامي نصه يتنفذ ونصه تقولي نسيت برغم إنها فاكره كويس جدا بس دا مكر حريم

10 سنين في المعاناه مع اهلها مش لاقي حل .. لدرجة إنى بفكر ارضي بالامر الواقع بس مش قادر استحمله