الموضوع: شويه استفسارات بخصوص e46

مبدأيا الحمد لله ربنا كرم وجبت bmw e46 موديل 2001 بس فى شويه اسأله حابب اسأل عليها خاصه وانى اول مره اركب bmw

*اولا انا شارى العربيه وحساس الايرباج فيه مشكله لان اللمبه بتاعته منوره فى التابلوه فهل بيتغير ولا ممكن يتنضف ويركب ولو بيتغير سعره فى حدود كام

*ثانيا فى لمبه الزيت بتنور اصفر كل فتره على السلانسيه وتختفى تانى بعد حوالى 5 ثوانى دى مشكله ايه خاصه انى مغير زيت جديد بدون فلتر

*ثالثا الحاج كان بيجرب وبيقولى انه وهو ماشي بيها كان بيلعب فى الزراير فى التابلوه والمكنه علت منه شويه ورجعت تانى ده ايه بقي

*رابعا المؤشر اللى تحت الار بي ام اللى بيشتغل مع دوسه البنزين ده بتاع ايه

دى الحاجات اللى حابب اعرفها حاليا
تحياتى.

المشاركة الأصلية كتبت بواسطة mohamed-83

السلام عليكم و رحمه الله و بركاته
أولا يا باشا ألف مبروك عليك الـ e46 و ربنا يبارك لك فيها و يبعد عنك شرها و يعطيك خيرها
بالنسبه لموضوع الإيرباج ممكن يكون شريط الإيرباج عايز يتغير بس الأفضل تروح لحد يحطها على الجهاز و يعرف لك المشكله فين
بالنسبه للمبه الزيت ممكن يكون حساس الزيت بيهيس و محتاج يتغير
المؤشر إللى تحت الأر بى إم تقريبا بيكون إستهلاك البنزين حسب ضغطت رجلك على دواسه البنزين

الله يبارك فيك وشاكر ليك سرعه ردك
وان شاء الله اروح احطها على الجهاز اشوف القصه ايه بالرغم انها مش مدايقانى فى حاجه حاليا علشان كده مش مستعجل
انما لمبه الزيت دى اللى قلقاننى شويه فححاول اروح ابص عليها
شاكر ليك مره تانيه وتحياتى لحضرتك