الموضوع: باركولي .. اشتريت لانسر عيون صفية

المشاركة الأصلية كتبت بواسطة ihabyossef

اولا الف مبروك وربنا يديك خيرها ويكفيك شرها

ثانيا : انا معيايا عيون صفية من حوالي سنتين العربية بسم الله ما شاء الله زي الفل وما تقلش عن اي عربية جديدة بس خد بالك من صيانتها كويس جدا والزيوت والفلاتر

وبالنسبة لقطع الغيار هي قطع غيار الاكسيل

واي حاجة في الصاج او الفوانيس عليك وعلى بنك الاسكان في بورسعيد في تجار شغالين بس في عيون صفية لأنها منتشرة بغباء هناك

ارخم حاجة فيها مريات الجنب لو عندك الاصلي خلي بالك منها
و ربنا يبارك لك فيها

الله يبارك فيك .. ألف شكر على مرورك الكريم ومشاركتك ومعلوماتك القيمة .. أول مرة أعرف معلومة بورسعيد .. معرفش انها منتشرة جدا هناك .. المرايات تمام مفيهاش حاجة .. وأنا فعلا مركبلها حاجات اكسيل وحاجات كريستالة وبطة

ولو عند حضرتك وقت اقرأ المشاركة الجاية دي علطول .. وهي عبارة عن جزء من ردي على أحد الأعضاء المحترمين في موضوع آخر بخصوص عيون صفية برضه

****ده جزء من ردي على أحد الأعضاء المحترمين في موضوع آخر بخصوص عيون صفية برضه: ****

متخافش من قطع غيارها نهاااااااااااااااائي لأنها موجودة عند البقال زي ما بيقولوا .. أنا ساكن في محافظة كفر الشيخ وفي منطقة ريفية بعيدة جدا عن قلب كفر الشيخ (سفر) ومع ذلك جميع قطع غيارها موجودة هنا عفشة وميكانيكا وكهربا (رغم ان العربية نفسها نادرة هنا), ما عدا بعض الحاجات الغير أساسية والكماليات زي وش الفانوس مثلا وسلك عداد السرعة موجود في المدينة الصناعية في قلب كفر الشيخ .. وقطع غيارها هيا نفسها الياباني الجديدة والاستيراد موجودة برضه في الحرفيين والتوفيقية ووكالة البلح وعلي زيدان في الدقي وملح تاني في الدقي مش فاكره وأماكن تانية كتير أنا معرفهاش

وخللي بالك انه بيركب عليها حاجات كتيرة جدا من الهيونداي اكسيل (لأن الاكسيل هي التقليد الكوري للانسر عيون صفية) وحاجات من اللانسر الكريستالة .. وحاجات كتيرة من اللانسر البطة .. وبعض الحاجات من الهيونداي أكسنت .. وكل العربيات دي منتشرة جدا هيا وقطع غيارها ... عرفت ليه بقولك ان قطع غيارها آخر حاجة تفكر فيها ؟ رغم ان العربية نفسها نادرة أو قليلة جدا بسبب قلة المعروض منها (حوال 10 عربيات فقط في الشهر معروضة للبيع على 90 مليون مصري !!!) ان اللي معاه العربية ما بيبعهاش .. واللي بيبعها بيبعها اما مش عارف قيمتها واما عاوز مزيد من الرفاهية في عربية أحدث (التجديد والتحديث) .. وليس مزيد من التوفير .. أحسن عربيات هيا عربيات التسعينات في التوفير وفي تكاليف وقلة الأعطال كمان (أحسن من التمانينات بكتير جدا وأحسن من الألفينات) .. واللي هيعترض على قصة الألفينات دي هشرحله شرح فني واقتصادي مستفيض ودقيق بالحجة والدليل العملي القاطع

يعني تقدر تعتبرها العربية الوحيدة في مصر النادرة بعض الشيء لكن قطع غيارها منتشرة زي الرز في كل شارع في مصر حتى في الأرياف والمناطق النائية .. وده عكس القاعدة السائدة في عالم السيارات .. بسبب ان قطع غيارها هيا نفسها بالظبط قطع غيار عربيات شهيرة جداااااااا ومنتشرة جدااااااااا في مصر زي ما شرحت فوق .. هو ده السر

عيون صفية أعطال قليلة جدااااااااااا (مش بتاعة حركات) واعتمادية وعملية وامان عالي جدا .. واقتصادية جدا في (الأعطال - التصليح - استهلاك قطع الغيار - عمر قطع الغيار - البنزين)

وشكلها كأنها عربية رياضية سبور خصوصا لو مركبلها اسبويلر ولونها ميتالك زي بتاعتي .. ومقدمتها وفوانيسها جريئة جدا وشرسة وبيظهر عليها جدا أي تعديل رياضي ولو بسيط بيبان جامد عليها .. وفي نفس الوقت تجمع بين الرزانة والأناقة وشبابية وعائلية في نفس الوقت

اعادة البيع سريعة جدا من يوم واحد ل 7 أيام بالكتير تكون بعت العربية !! أنا فضلت 3 شهور أتصل بالناس يوميا ويقولولي اتباعت !!! علبال لما لقيت واحدة كويسة معروضة من يومين ولحقيتها واشتريتها

العربية ماسكة سعر بشكل غريب رغم انها 1991 لأنها مطلوبة جدا وسمعتها سابقاها (فيه عربيات موديل 1999 و 2000 مش مطلوبة بسبب مشاكلها الكتيرة وفي نفس سعر لانسر 1991 زي فورد سكورت وبروتون ويرا وشاهين 2006) لكن العربيات دي هتدخلك في متاهات ومشاكل فنية واقتصادية خطيرة جدا وكارثية بدون الدخول في تفاصيلها دلوقتي

وهي من 88 ل 92 , ويستحسن موديل 90 أو 91 واتأكد انا الكربراتير بتاعها بستم (أبو سوستة) مش بوابات .. وان الاسبراتير الكتروني مش عادة .. لأن لو 88 أو 89 فيه احتمال انه ميكونش كربراتير بستم واسبراتير الكتروني .. لو بوابات وعادة اوعى تشتري العربية حتى لو كانت حالتها ممتازة .. دي نقطة جوهرية وحيوية جدااااااااا لأن دي التكنولوجيا الجديدة اللي بتريح دماغك من الأعطال .. اوعى تشتري من السوق بتاع مدينة نصر أو اسكندرية .. اشتري من عالنت من دوبيزل وهتلاقي دوت كوم الخ .. واوعى تشتري من تاجر

أكيد في حاجات تانية كتير لسه مكلمتش عليها .. لكن أنا معاك واتفضل اسأل براحتك لو محتاج حاجة

شكرا لكل اللي صوتوا في استطلاع الرأي المرفق في أعلى الموضوع .. وأتمنى وأرجو المزيد من المشاركة في الاستطلاع .. والحقيقة ان نتائج الاستطلاع حتى الآن مبهرة بالنسبة لي .. فقد اتفق الكل بالكامل على سيارة واحدة من الأربعة المذكورين !!! يعني اجماع =d

المشاركة الأصلية كتبت بواسطة ihabyossef

بصراحة لما كنت بشتري عربيتي كتير خوفوني من قطع الغيار وان العربية قديمة بس توكلت على الله وخدتها
اول ما الحظر اتفك من عليها - كانت معوقين- والحمد لله العربية مريحاني جدا جدا وبتمشي ببنزين 80عادي واتوماتيك فاضل بس التكييف حيتظبط ان شاء الله على دخول الصيف والحمد لله

شكرا على مرورك الكريم وألف مبروك .. أعتذر عن التأخير في الرد رغم دخولي عالمنتدى شبه يوميا .. ولكني اكتشفت اليوم أنه لا توجد تنبيهات واضحة بالردود في المنتدى .. ولهذا فلم أعلم أن هناك مشاركة الا عندما دخلت على موضوعي يدويا ..

بالنسبة حكاية ان كتير خوفوك من قطع الغيار فيمكنني الآن بعد شرائي السيارة وشراء قطع الغيار وتجربتي مع عيون صفية لعدة شهور أن أضحك ضحكا شديدا لحد ما أقع على الأرض من الضحك .. وهؤلاء هم (الفتايين) .. لأني اكتشفت ان قطع غيارها عفشة وميكانيكا وكهربا ومرايات الخ موجودة في كل مكان بما فيها المناطق النائية والأرياف (أنا ساكن في أرياف كفر الشيخ في منطقة نائية وليس في قلب المحافظة) .. أنا نفسي مكنتش مصدق الا لما اشتريت قطع غيار وركبتها بنفسي

قطع الغيار زي الرز مفيش أكتر منها في كل شارع في مصر في الأرياف في الحواري في المناطق النائية ورخيصة ومعمرة .. ليه ؟؟؟

لأنه خللي بالك انه بيركب عليها حاجات كتيرة جدا من الهيونداي اكسيل (لأن الاكسيل هي التقليد الكوري للانسر عيون صفية) وحاجات من اللانسر الكريستالة .. وحاجات كتيرة من اللانسر البطة .. وبعض الحاجات من الهيونداي أكسنت .. وكل العربيات دي منتشرة جدا هيا وقطع غيارها ... عرفت ليه بقولك ان قطع غيارها آخر حاجة تفكر فيها ؟ رغم ان العربية نفسها نادرة أو قليلة جدا بسبب قلة المعروض منها (حوال 10 عربيات فقط في الشهر معروضة للبيع على 90 مليون مصري !!!) ان اللي معاه العربية ما بيبعهاش .. واللي بيبعها بيبعها اما مش عارف قيمتها واما عاوز مزيد من الرفاهية في عربية أحدث (التجديد والتحديث) .. وليس مزيد من التوفير .. أحسن عربيات هيا عربيات التسعينات في التوفير وفي تكاليف وقلة الأعطال كمان (أحسن من التمانينات بكتير جدا وأحسن من الألفينات) .. واللي هيعترض على قصة الألفينات دي هشرحله شرح فني واقتصادي مستفيض ودقيق بالحجة والدليل العملي القاطع

يعني تقدر تعتبرها العربية الوحيدة في مصر النادرة بعض الشيء لكن قطع غيارها منتشرة زي الرز في كل شارع في مصر حتى في الأرياف والمناطق النائية .. وده عكس القاعدة السائدة في عالم السيارات .. بسبب ان قطع غيارها هيا نفسها بالظبط قطع غيار عربيات شهيرة جداااااااا ومنتشرة جدااااااااا في مصر زي ما شرحت فوق .. هو ده السر

أمثلة لحاجات أنا ركبتها بنفسي في عربيتي:

فلتر هواء بتاع لانسر كريستالة 35 جنيه تايواني - جلبة مقص كريستالة 45 ج- كاوتشات ميزان هيونداي اكسيل 30 ج - كبالن اكسيل تايواني الاتنين ب 290 جنيه - اسطوانة وديسك اكسيل 350 جنيه كوري - بوجيهات: نفس نوع بوجيهات الكريستالة ب 60 جنيه ياباني - بلي عجل اكسيل كوري (البلية ب 35 جنيه) - فلتر بنزين اكسيل كوري 20ج - فلتر زيت اكسيل كوري 20 ج

(كل ده ركب مباشرة وفورا في عربيتي بدون أي تعديل وبدون أي خراطة لتعديل قطع الغيار)

عيون صفية أعطال قليلة جدااااااااااا (مش بتاعة حركات) واعتمادية وعملية وامان عالي جدا .. واقتصادية جدا في (الأعطال - التصليح - استهلاك قطع الغيار - عمر قطع الغيار - البنزين)

وشكلها كأنها عربية رياضية سبور خصوصا لو مركبلها اسبويلر ولونها ميتالك زي بتاعتي .. ومقدمتها وفوانيسها جريئة جدا وشرسة وبيظهر عليها جدا أي تعديل رياضي ولو بسيط بيبان جامد عليها .. وفي نفس الوقت تجمع بين الرزانة والأناقة وشبابية وعائلية في نفس الوقت
اعادة البيع سريعة جدا من يوم واحد ل 7 أيام بالكتير تكون بعت العربية !! أنا فضلت 3 شهور أتصل بالناس يوميا ويقولولي اتباعت !!! علبال لما لقيت واحدة كويسة معروضة من يومين ولحقيتها واشتريتها

العربية ماسكة سعر بشكل غريب رغم انها 1991 لأنها مطلوبة جدا وسمعتها سابقاها (فيه عربيات موديل 1999 و 2000 مش مطلوبة بسبب مشاكلها الكتيرة وفي نفس سعر لانسر 1991 زي فورد سكورت وبروتون ويرا وشاهين 2006) لكن العربيات دي هتدخلك في متاهات ومشاكل فنية واقتصادية خطيرة جدا وكارثية بدون الدخول في تفاصيلها دلوقتي

نسيبت أقول ان العربية من أسهل أسهل أسهل وأسرع أسرع أسرع العربيات في الصيانة (عبقرية التصميم الياباني) .. مثال بسيط:
لما جيت أركب الاسطوانة والديسك الميكانيكي قاللي تعالى الصبح واحتمال العربية تبات لبركه لأن عشان نركبهم لازم نفك حاجات كتيرة جدا .. وملا روحلته لقيته فك الاسطوانة والديسك القدام وركب الجداد في ساعتين وربع بالظبط !!!! وهو نفسه استغرب قال أول مرة أركب اسطوانة وديسك بسهولة وسرعة كده .. وعمللي تخفيض من نفسه على الأجرة بتاعته عشان مخدتش وقت ومجهود منه