باركولي .. اشتريت لانسر عيون صفية

**رجل المستحيل** · 03-11-2015 01:16 AM

باركولي .. اشتريت ميتسوبيشي لانسر عيون صفية 1991 نبيتي 1300 مانيوال مواصفات خليجية مكيفة بعد صلاة الاستخارة .. وسافرت بيها من محافظة لمحافظة تانية بعيدة في تاني يوم استلمتها ومحصلش حاجة, زي الفل =d .. والركاب كانوا سعداء وبيغنوا: الحياة حلوة للي يركبها =d

أخوكم سواق قديم, لكن دي أول عربية أشتريها في حياتي من حر مالي من شغلي .. لكني لا أعلم, ومن قال لا أعلم فقد أفتى .. أنا المفتي =d ومحتاج نصائحكم ورأيكم في لانسر عيون صفية بكل صراحة .. والعربية مريحاني جامد جدا بصراحة (الله أكبر .. اللهم صللي على النبي .. ما شاء الله لا قوة الا بالله) هيا محتاجة شوية سمكرة ودوكو بس .. ولما ربنا يكرم ان شاء الله ممكن أغير وأجيب كريستالة أو قرش لو ربنا كرمني أوي ان شاء الله, لأني عاشق الميتسوبيشي لانسر حتى النخاع

ورأيكم: هل أنا كده صح اني اشتريت لانسر عيون صفية ولا كنت اشتريت سوزوكي سويفت أو بروتون ويرا موديل 2000 ؟؟ مع العلم بأن العربيات دي كلها في نفس مستوى السعر, لكني فضلت لانسر عيون صفية لعدة عوامل .. وارجو عدم المقارنة بعربيات أخرى غير اللي ال 3 دولت .. والشكل والتصميم الخارجي هو أيضا أحد وجوه المقارنة الهامة .. هل سوزوكي سويفت أنعم من عيون صفية مثلا, هل تكييفها أقوى, هل تكنولوجيتها أحدث

كل واحد يقوللي رأيه .. وليه قال الرأي ده .. ونتقانش ونستفيد كلنا

**mo"men** · 03-11-2015 01:27 AM

بقولك ايه
انا معنديش اجابة علي اي حاجة علشان معرفش بس
انا داخل اقولك الف مبروك و ربنا يديك خيرها و يكفيك شرها و يحفظك
السلام عليكو

**khaled edrise** · 03-11-2015 05:06 PM

الف مبروك و يارب تستمتع بيهه و تكون وش السعد عليك

**رجل المستحيل** · 03-11-2015 07:10 PM

المشاركة الأصلية كتبت بواسطة mo"men

بقولك ايه
انا معنديش اجابة علي اي حاجة علشان معرفش بس
انا داخل اقولك الف مبروك و ربنا يديك خيرها و يكفيك شرها و يحفظك
السلام عليكم

الله يبارك فيك .. الله يكرمك .. مجرد مشاركتك بس لوحدها كفاية .. ألف شكر نورت الموضوع
وعليكم السلام ورحمة الله وبركاته

**amr011111** · 03-11-2015 07:18 PM

الف مبروك العربيه وطالما جبتها يبقى متقارنهاش بغيرها اهم حاجه تعمل السيرفيس ليها. يعنى تشوف تاريخ انتاج الكاوتش امتى بحيث تعرف حالته وقدامه اد ايه ويتغير امتى. وتغير كل الزيوت والسيور والفلاتر وتسجل قراءة العداد علشان تبقى عارف مواعيد تغيرهم الجايه. وهات للعربيه كمبريسور هوا لو الكاوتش تيوبليس وهات كوريك تمساح محترم وبالتوفيق

**رجل المستحيل** · 03-11-2015 10:01 PM

المشاركة الأصلية كتبت بواسطة khaled edrise

الف مبروك و يارب تستمتع بيهه و تكون وش السعد عليك

ألف شكر يا سعادة الباشا .. آمين يا رب .. بس شكلها مجنني مميز ومثير خصوصا في النبيتي الميتاليك والسبويلر وشكلها شبه اللانسر القرش من قدام (بس على قديم شوية طبعا) .. الكشافات اللي قدام شبه القرش .. وشبه عيون الفنانة صفية العمري (الرموش أو كشافات الاشارة الأمامية) وكمان شبه عيون القطة لأنها مشقوقة (كشافات دبل) زي عين القطة .. فكده ممكن نسميها أي اسم من الأسماء التلاتة دي:

لانسر عيون صفية
لانسر عيون صفصف

لانسر صافي
لانسر صفصف
lancer old shark
لانسر قطة

لانسر عيون القطة

ولا ايه رأيكم

كنت عايز أعرف رأيك يا باشا برضه لو تكرمت في الاختيار بتاعي من بين التلات عربيات سويفت وعيون صفية وويرا 2000 ؟

أخوكم عضو جديد لانج في المنتدى .. خدوا بايدي الهي ياخد بايديكم.. قال على رأي المثل: حسنة كتيرة تمنع بلاوي قليلة

**رجل المستحيل** · 03-11-2015 10:05 PM

المشاركة الأصلية كتبت بواسطة khaled edrise

الف مبروك و يارب تستمتع بيهه و تكون وش السعد عليك

الله يبارك فيك .. شكرا الله يكرمك

**رجل المستحيل** · 03-11-2015 10:22 PM

المشاركة الأصلية كتبت بواسطة amr011111

الف مبروك العربيه وطالما جبتها يبقى متقارنهاش بغيرها اهم حاجه تعمل السيرفيس ليها. يعنى تشوف تاريخ انتاج الكاوتش امتى بحيث تعرف حالته وقدامه اد ايه ويتغير امتى. وتغير كل الزيوت والسيور والفلاتر وتسجل قراءة العداد علشان تبقى عارف مواعيد تغيرهم الجايه. وهات للعربيه كمبريسور هوا لو الكاوتش تيوبليس وهات كوريك تمساح محترم وبالتوفيق

شكرا .. الله يبارك فيك .. هيا المقارنة بس لاكتساب مزيد من المعلومات لأني جايب عربية اعادة بيعها سهل وسريع جدا ومش هخسر فيها, فمش هزعل من المقارنة في جميع الحالات .. أنا بالفعل اشتريت فردتين استيراد (استعمال أوروبا) ماركة وحالة نضيفة وركبتهم قدام, وجبت استبن استيراد برضه, وغيرت زيت الموتور والفرامل, وغيرت سير الدينامو بس رغم ان الشحن مظبوط, بس لقيت سنونه متاكلة, والسيور التانية كان صاحبها مغيرها قريب وباين عليها, ولسه شاري فلتر بنزين بس مركبتوش لسه (هركبه بنفسي) .. أما العداد فأن كنت مستلمها شغال, لكن الميكانيكي الله يسامحه بوظ سلك عداد السرعة وهو بيظبط حاجات تانية (أنا مسامحه 100% من كل قلبي والله) لأنه محترم وخبرة وابن بلد .. فأنا معتمد على خبرتي السابقة في الكشف على حالة الزيوت ومعرفة أنا مشيت أد ايه بالخبرة برضه والقياس التقديري للمشاوير وتجميع الأرقام دي في دماغي بعد كل مشوار .. وأنا اشتريت واير سرعة لانسر أصلي ياباني ليه نفس الشكل والأطراف (الفيش) لكنه قصير ومعرفتش أرجعه لأني شاريه من محافظة تانية .. والكهربائي بيقول لازم نفس الطول والا مش هيركب (دي غلطتي اني مخدتش السلك القديم معايا عشان أجيب نفس طوله, لكن الحمد لله) .. واشتريت منفاخ قدم بعداد ضغط (يدوي مش كهربا) .. لأن الكهربا جربته زمان على عربية قديمة ولقيته ضعيف جداااااااااا الا لو كان سعره 150 جنيه .. واليدوي أنا بعتبره أحسن لأنه مبيعطلش ومش متعب زي ما الناس متخيلة وبيأدي الغرض .. وطبعا الكاوتش كله تيوبلس .. والكوريك اللي مع العربية شغال لكنه متعب لكنه بتاع الفابريكة , لكن طبعا التمساح أسهل بكتير ومبيفلتش, لما ربنا يكرم بفلوس هشتريه ان شاء الله

**رجل المستحيل** · 03-11-2015 10:25 PM

متنسوش تجاوبوا على الاستطلاع يا جماعة

**miam0502788391** · 04-11-2015 06:11 PM

الف مبروك ربنا يديك خيرها

مشاهدة نتائج الإستطلاع: أي سيارة ستشتري؟ مع العلم بأن جميعها في نفس مستوى السعر :

الموضوع: باركولي .. اشتريت لانسر عيون صفية

LinkBack

أدوات الموضوع

عرض

-

المواضيع المتشابهه

لانسر عيون صفية هى أفضل لانسر حتى 2008 حتى الان

لانسر عيون صفية ولا أكسنت

متسوبيشى لانسر عيون صفية للبيع

لانسر عيون صفية للبدل

الكلمات الدلالية لهذا الموضوع

المفضلات

المفضلات

ضوابط المشاركة