هههههههه كلمه السر لبوظان الريجيم والفشل هبداء من بكره او هبداء من اول الاسبوع ههههههههههههه
بس فى مره هتمشى معاك
عرض للطباعة
انا كنت فى ماساااااااااااااااااااه والله بمعنى الكلمه
انا كنت بلبس من محل واحد
انا هقول ليكو على حاجه فعلا كانت تعبانى نفسيا الصوره الى وخدها دى كانت فى فرح اخويا وللاسف ماكنتش لاقى حاجه البسها غير فى المحل الى بيجيب منو وكان مقاسات خاصه
انا كنت بلبس فى البناطلون الجينز مقاس 68 وكمان اوقات 70
الحمد لله دلوقتى بلبس من اى محل ومقاس 42 وكمان بلف على المحلات انا الى انقى واختار وتنك عليهم ههههههههههههه
بالعكس احسن تخسيس فى الشتا النفسيه بتكون مرتاحه وكمان بتلبس تقيل وانتا بتخس محدش بياخد بالو منك وبتظهر على الصيف بالفورمه الجديده:rolleyes2:
انا هوريك صوره ليا تعليقا على كلامك بخصوص انى احلويت دى هههههههه دة كرم منك وعينك هى الى حلوة لكن انا هوريك صوره قبل ما اخس هتحس بالتعب على وشى
شوف وشى فى الصوره الى تحت منظرى كان عامل ازاى وفوق بعد الريجيم
http://store2.up-00.com/2015-11/1446571676391.jpg
والله برافو عليك يا أفندم بجد ,, أحيــــــــــــك بشده ..
أنا بقي عملت العكس تقريبا , بس بحاول ألحق نفسي الفترة دي ..
من زمـــــان و أنا رياضي و بلعب رياضة و جيم و مواظب علي نظام أكل معقول , و كان وزني 100 كيلو , بعد كده نزلت لـ 80 كيلو في 4 شهور في 2010 ,,
و حصل ظرف كده , للأسف خلاني بطلت رياضة و دوست في الأكل بغباء , لحد لما وصلت لـ 160 كيلو في 8 أشهور,,
يعد ثورة يناير كده, نزلت تاني من 160 كيلو لـ 100 كيلو بالجيم و نظام أكل في خلال 8 شهور علي ما أتذكر ,, و فضلت ثابت علي كده لحد السنة اللي فاتت ,,
للأسف عملت حادثة مميتة بالعربية , خليتني قاعد في البيت للعلاج لمدة 4 شهور ,, فتخنت لـ 140 كيلو تاني ,,
و بدأت من 5 شهور نظام رياضة و جيم , و نظام أكل ملخبط نوعا ما , و الحمدلله نزلت و بقيت 120 كيلو , و ثبتّ شوية علي الوزن ده ,,
و جاري حاليا الأستمرار في الرياضة و تنظيم الأكل علي قد ما أقدر , لحين لما أوصل 80 كيلو تاني إن شاءالله ..
الموضوع فعلآ محتاج أرادة من حديد, و كل لما تشوف نفسك بتبقي أحسن و صحتك تبقي أحسن , هتتشجع أنك تخس أكتر ,,
الله يعيننا و يعين كل الشباب .. :)
ما شاء الله عليك بجد ربنا يحميك كمل كمان شويه لحد لما تنزل ل 90 او اقل
ما شاء الله ربنا يوفقك وتخس بصحة وتكون بخير
بص اسمحلي فيه بنقطة بختلف معاك فيها وللعلم إنها ملهاش أي إستناد علمي ,ولو فيه إستناد علمي مش مجرد كلام مكتوب علي مواقع ياريت تطرحة
اة الفطار مفيد وكويس وكل حاجة والتغذية مطلوبة ومهمة لكن لو فوت وجبة الفطار هتخس برضوا عادي جداً ولو كلت بعد 2 الظهر مش هتتحول لدهون ولا حاجة ,المهم انك تعرف الـ tdee وهو معدل حرق جسمك اليومي للسعرات + النشاط الاعتيادي ليك وتحاول تنقص عنه في حدود 500 كالورياقتباس:
لازم تفطر بدرى وتفطر كويس كمان عشان دى الشراره الى جسمك بياخدها عشان يبداء حرق اعتبرها زاى البنزين الى بيشغل العربيه
لو جسمك مخدش الشراره دى الصبح وفطرات اخر النها او بعد الساعه 2 ظهرا انسى كده اى اكل هتحول لدهون جوة جسمك
وربنا يوفقك دائماً
هايل وبرافو عليك
ممكن نعرف اية نظام الاكل الكنت ماشى علية
انجاز جميل جدا ....ربنا يوفقك و يكون بصحة
انا نفس حالتك كان وزنى وصل 135 كيلو و كنت بعانى من النهجان فى المشى او طلوع السلم و كان فيه ارتجاع فى المرئ و كان فيه مشاكل فى النوم و روحت لدكتورة ضحكت عليا و خليتنى ادفع 12000 جنيه فى جهاز تنفس اثناء النوم و حاولت استخدمه لمدة شهر كان هايموتنى و بعدين ربنا اكرمنى هنا فى المنتدى بدكتور محترم اسمه دكتور هشام و هو اللى نصحنى و قاللى لازم تخس- ربنا يكرمه - ......و الزيادة فى الوزن دى نتيجة لانى اجلس على مكتب من 9 صباحا حتى 6 مساء يوميا - محاسب - و لا اتناول اى شئ خلال العمل الا الشاى و القهوة ....ثم ارجع البيت ادب العشوة التمام و شوية و انام ....و طبعا الفطار كان عبارة عن نسكافيه مع بسكويت او بقسماط ....يعنى المشكلة كانت فى وجبة العشا لانه يعقبها النوم بدون حرق....و بعدين بنتى قالت لى على رجيم اسمه اللقيمات....ممكن توصل له عن طريق النت ...انت بس اكتب اللقيمات....انا فى حالتى عملت ايه .....وجبة العشا اصبحت هى وجبة الفطار ...يعنى ممكن افطر حتة لحمة مع شوربة و شوية رز و سلطة ...و يراعى ان الرز او العيش يكون قليل جدا فى الاكل ....او حتة فرخة مع عيش و سلطة ...او سمك مع عيش و سلطة ....ما تستغربش.....و بعدين اروح الشغل.... انزل قبل الشغل بمحطتين امشيهم على رجلى و نفس الكلام عند الرجوع بالليل...و الشركة فى الدور الخامس باطلع بالسلم من غير الاسانسير....و بعدين عالساعة 1 ظهرا اكل برتقالة او خيار او تفاح....عالساعة 4 او 5 اكل برتقالة او خيار او تفاح ( حبة واحدة فقط من اى منهم ) بعد كدة اروح اخد زبادى فقط لاغير... ممنوع منعا باتا اى حلويات او سكريات بالليل ....و طبعا تشرب ميه خلال النهار لا تقل عن 3 لتر و يفضل تشرب 2 كوب ماء على الريق بعد ما تصحى من النوم ....و لو عاوز تجود ممكن تشرب شاى اخضربدون سكر....و الصبح بمارس شوية جرى فى المكان و تمارين بسيطة و ممكن اتمشى بعد صلاة الفجر اذا صليتها فى المسجد ....طبعا فى الاول كان فيه معاناة شديدة استمرت لمدة 10 ايام و بعدين الدنيا ابتدت تظبط و الحمد لله نزلت خلال شهرين 17 كيلو و اصبح وزنى 118 و انشاء الله احاول انزل لوزن 100 كيلو و ده هايبقى انجاز تاريخى....يارب تجربتى تفيد الاخوة الكرام
شكرا بس انا والله ما عملت نظام خالص ولاة مره ولاه روحت لدكتور
الحاجه الوحيده الى كنت باخلى منها انى افطر واتغدى واتعشى
وكمان كنت باخل كل حاجه والله محشى ممبار جاتوه كنافه كل حاجه نفسى فيها
بس بكميات قليله جدا ومش معا بعض
كل يوم صنف واحد بكميات قليله جدا وقبل الساعه 8 بليل
عشان مستوى معدل حرق الجسم بيقل بليل