بص يامعلم احب اوضحلك قصة فرش الباب دي
قدام السروجي طريقين ولكن انا اساسا مش بنصح بفرش الباب وهتعرف ليه
الطريق الاول انه يركبلك الفرش الجلد فوق الفرش الاصلي حلو طيب هتقول ومالوا اهو حيحمي الاصل اقلك بص في الطريق ده قدامه حاجة من الاثين يا يحط ويشد جامد ولكن السوك والحودات مش هتطبع ودي طريقة عشرة علي عشرة في الحفاظ علي الاصل لكن عمرها الافتراضي اونطة لان هيبقي في هوه تحت السوكة او الحوده وهتتقطع علي طول طيب الحاجة الثانية في الطريق ده انه يلزق الفرش الي انت جايبه بصمغ فوق الاصلي احب اطمنك كده الاصلي راح في الباي باي و لو حبيت ترجع العربية لاصلها عشان تبيع ولا حاجة هيجي يشد الفرش الي انت مركبه هيطلع لازق فيه الاصلي ويبوظ
الطريق الثاني انه يشيل فرش الفبريكة الاصلي خالص وده طبعا فكس الفكس لانه وهو بيطلعه بيتقطع لانه ملزوق بصمغ بتاع الشركات يعني حاجة ماسكة حديد حتي لو متقطعش هايتبهدل ومش هيرجع زي الاول طبعا هو اول مايطلعه هيقدر يعمل البدع في الفرش يعني كفيش مشاكل هتقف قدامه في تركيب فرش جديد
بص يامعلم بقي انا ركزت علي الحفاظ علي الاصل طبعا في ناس مش بتهمها هو جايب العربية لمزاجه واصرف وايوظ المهم الحاجة تطلع زي الي في دماغي لو انت من دول ومش همك بيع و شراه اقلك عليك بالطريق الاول السكة الثانية فيه
لكن لو انت اساسا بتعمل فرش عشان تحافظ علي العربية زي ما انا هاعمل انصحك متعملش فرش البيبان و اكيد انت فهمت ليه
المفضلات