http://m2.youm7.com/story/2015/11/7/...6#.Vj6MfaD8J0p
اعتقد ده وضع طبيعي لمواجهة التضخم الناتج عن تخفيض جديد متوقع لقيمة الجنيه
بسبب التضخم
الفوائد في الدول اللي اقتصادها شغال مش واقع تكاد تكون معدومة
الخطوة التالية الصحيحة ان يتم توجيه الاموال المدخرة نحو الاستثمار
ولكني اعتقد ان الحكومة سوف تقوم باقتراضها من البنوك
وبالتالي هي خطوة عديمة الجدوى في ظل الفكر الاقتصادي الحالي للحكومة
الناس اللى فاكرة نفسها انصح من اللى ماسكين السياسة النقدية لدولة
ناسيين بس حاجة صغيرة
ان الجنيه انخفضت قيمته من اول السنة حتى الان 11% فى ظرف استثنائى لم يحدث من قبل و غير مضمون تكراره للى بيراهن على كده
لكن اهه اهم عملوا شهادات بالجنيه تفوق نسبة فائدتها نسبة انخفاص الجنيه
عشان هم مش عبط يخفضوا الجنيه امام الدولار بنسبة اعلى من نسبة الفائدة على الجنيه
ده معناه ان الشخص البورام اللى فاكر نفسه فلوطة و بيحول فلوسه لدولار
يستنى بقى جنبهم لما ان شاء الله نسبة زيادة الدولار امام الجنيه تزيد عن الفائدة على الجنيه و ده عمره ما هيحصل
هييجى حد انصح و يقولى ما هو هيبيع و يشترى سوق سودا و يستغل الازمة فى تحقيق ربح سريع (طبعا بلا وازع من ضمير او دين يمنعه من استغلال احتياجات الناس اللى الدولة مسئولة عن توفيرها و هو بأفعاله دى بيأثر على ده). . . هقوله برافو عليك ده انت شاطر اهه. . . بس خليك بقى مستنى السوق السودا و تقلباتها المش مضمونة والضربات اللى هتستمر تضربها لها الدولة لغاية ما انشاء الله تقضى عليها و التضييق اللى بيحصل عليها دلوقت و بيتقبض عليهم مش عشان بيبيعوا سوق سودا لكن كمان عشان التحويلات اللى بتتم عن غير طريق البنوك. . . و شوف مين اللى هيغلب الدولة و لا السوق السودا
و هقوله كمان برافو عليك اكتر و اكتر. . . عشان و سيادتك بتبص تحت رجليك على الكام قرش اللى هتكسبهم فى الكام دولار التعبانين بتوعك و انت و غيرك من القطيع اللى بيعمل كده بناء على نصائح من مغرضين. . . و سيادتك بتعمل كده بتدى ذريعة لكل التجار تزود بعد كده على حضرتك كل السلع و الخدمات زيادات هتخسرك اضعاف اضعاف القروش اللى كسبتها. . . هتيجى تشترى او تغير الشقة اللى بفلوسها اشتريت دولار هتلاقى سعرها زاد النص. . . و العربية اللى هتيجى تشتريها او تغيرها شرحه . . . و السلع الغذائية شرحه. . . يعنى فى النهاية خسران خسران اضعاف اضعاف القروش اللى كسبتها من الكام جنيه اللى حيلتك و محيرينك و سمعت نصائح اصحاب السوء و حولتهم لدولار
ها نقول كمان و لا وصلت
وهل تعتقد ان زيادة سعر الفائدة سيحل المشكلة؟
أو بشكل عام ..... هل تعتقد أن السياسة النقدية وحدها قادرة على حل المشكلة؟
وهل تعتقد ان هشام رامز وهو الاقتصادي البارع المشهود له بالكفاءة على مستوى العالم لم يفكر في رفع سعر الفائدة؟
لست ضليعا فى الاقتصاد لكن هل معالجة اقتصاد دولة منهار طبقا لتقارير المؤسسات العالمية والمؤشرات القياسية يكون بزيادة الانتاج وتعديل الميزان التجارى وزيادة التصدير بمنتجات محترمة يقبلها العالم وتوفير مناخ امن وعادل يضمن الحقوق للجميع ام بزيادة الفايدة
ههههه مافيش فايدة
الفهلوة والفكاكة جينات وراثية لن تختفى من جينوم الشعب المصرى
زيادة سعر الفائدة مجرد اداة واحدة من ادوات السياسة النقدية يتم استعمالها عند اللزوم
و اللى عايز يتعلم عن دورها يحاول يقرأ عما يفعله بها السيد مارك كارنى محافظ البنك المركزى البريطانى و السيد ماريو دراجى محافظ البنك المركزى الاوروبى و السيدة جانيت يلين محافظة البنك المركزى الفيدرالى الامريكى و السيد كورودا اليابانى. . .
اما بقية الادوات هنتكلم عنها لما ييجى دورها. . . انا كان عندى كلام كتير اقوله و انا بتفرج على اشهر موضوع فى القسم هنا و هو موضوع معمول لتجارة العملة. . . حاجة ظريفة جدا . . . من ناس عايز تعمل سبوبة من اى حاجة و مش بتفكر غير بأنانية فى نفسها بدون وازع من ضمير او دين. . . مش الكل طبعا لان التعميم به هامش خطأ طفيف. . . و طبعا اصحاب الغرض ظايطين فى النص. . . لكن كنت بقول خليهم يشوفوا بنفسهم نتيجة فشل ما يفعلون . . . محدش مستاهل الكلام و التعب و الشرح و محاولة التوضيح اننا كده مش بنساعد انفسنا و سيبك من البلد عشان الكلام عنها مبياكلش مع اصحاب السبوبة. . . الكل عارف ان الدولار مش اداة تحوط بس الجهل و عدم الفهم و كمان استغلال ده ممكن يودى اصحابه و محرضيهم فى داهية و يبقى حد يفكر بعد كده فى شراء الشقة اللى تمنها هيتضاعف او العربية اللى هيحصلها نفس الكلام. . . او حتى الاكل اللى بنشوف اسعاره تقفز امامنا يوميا. . . لكن محدش بيفكر و الفهلوية فاكرين نفسهم انصح الناس كالمعتاد و يبقوا يروحوا يشتروا الحاجات دى بالدولار
انا بتكلم عن حاجة تانية خالص. . . بتكلم عن ان الناس تساعد نفسها مش حتى البلد. . . و لا هو الفلوطة اللى بيحول دولار بيروح يدفع تمن الشقة و لا العربية اللى هيشتريها بالدولار. . . لما نقلب عملتنا من جنيه لدولار الناس تتفضل تعمل اللى هى عاوزاه. . . بس ربنا يسهل كده ان اللى هيحصل اننا هنتفرج عليه و هو رايح يبيع الدولار اللى معاه بسرعة بأى سعر عشان يعمل وقف خساير و خلى الدولار و لا اللى لعب فى دماغه عشان يحول دولار يبقوا ينفعوه
اقتباس:
المشاركة الأصلية كتبت بواسطة imhotep
معاك فى كل كلمة ........ فى الموضوع الشهير ده مثال حصل و كنت بتابعه
واحد معاه دولارات راح غيرهم من صرافة ......... على 8.40 ..... طبعا لأن ده سعر غير البنك فالأساس فيه هو العرض و الطلب و الأتفاق خارج اى مرجعية او اطار منظم ....... يعنى انت اتفقت مع الشارى على السعر فخلاص خلصت
جاه على المنتدى بيسأل ...... السعر ده مظبوط ....... قالوله لا طبعا ده السعر دلوقتى 8.60
اتشال و اتحط ......... و انا كده خسرت و كده حرام و ضحكوا عليا ......... انا لازم ارجعلهم عشان بقيه حقى و كده
اللى انا مستغربله ....... هى ايه مقاييس الخسارة و الربح فى الحالة ديه ؟ ....... هو انت كان جالك دولارات من شغل او تحويل من برة و بتغيرها زى معظم الناس ...... و لا هو انت كنت بتاجر فى الدولار .... يعنى لميته من السوق المحلى بسعر معين ..... و بعد كده رجعت كنت عايز تبيعه بسعر اعلى عشان تكسب الفرق ...... فلما ده ماحصلش زعلت !!!
الموضوع تحول لتجارة و سوق سودة بحتة
وضع طبيعى و تصرف معروف لما تنخفض قيمه العمله ترفع الفايده يزيد الادخار بالجنيه و يقل الضغط على تحويل العمله لدولار يعنى لما كانت 10.5 لسه فى واحد عضو معانا فتح موضع و قال اشترى شهادات ايه كلنا قولناله حولهم دولار لانه عمال يعلى اكتر من قيمه ال 10.5 الى هيدهولك على الجنيه عشان الناس متفكرش كده و يخفض الضغط على الدولار يعلى الفايده و اعتقد هو محتاج اكتر من كده على الاقل 13.5% عشان يهدى السوق و يرجع سعر السوق السودا ل 8.05 او فى الحدود الطبيعيه دة
عزيزى الاستاذ ماهر ....اقتباس:
المشاركة الأصلية كتبت بواسطة imhotep
اسمحلى بعتاب صغير خالص من اخ اصغر ....
لم نعهد من حضرتك الحدة فى الردود ... و لكن لطالما كلامك كان عاقل و رزين و لا يحمل اى معانى للاستعلاء و الانتقاص من ردود الاخرين ...
لو كلامى معجبش حضرتك ... يبقى و لا كأنك رأيته :36_1_37[1]:
تقبل احترامى و تحياتى
هو دده نظريا بيحافظ على قيمة العمله المحليه وتحويلها الى شهادات استثمار لمدة 3 سنين لكن عمليا معرفش
انا شخصيا اعمل خارج مصر واتقاضى راتبى بالدولار ولو سعر الفايدة على الجنية زاد حتى ولو 20% لن احول اموالى للجنيه لانى على يقين ان القيمة الفعلية للجنيه اقل اصلا مما هى عليه الان ولا يدعم الجنيه اى خطط اقتصادية حالية او مستقبلية وبالتالى لا انخدع بهذه الحركات والمسكنات
على فكرة البورصة خسرت النهاردة 8 مليار
متى نستيكظ؟
اقتباس:
المشاركة الأصلية كتبت بواسطة imhotep
صحاب السوء ضحكوا عليا وغرقوني لفولي حاجة بني وشربوني حسيت احساس غريب
معرفش مالي مبقيتش عارف يميني من شمالي
ده على اساس ان الفائدة الجديدة ١٢،٥٪ هتبقى باثر رجعي من اول ٢٠١٥ مثلا!!!اقتباس:
المشاركة الأصلية كتبت بواسطة imhotep
حتى لو
انخفض الجنيه ١١٪ على كلامك والفائدة ١٢،٥٪
يعني انا كسبت ١،٥٪
يعني لو واحد بيطلع زكاة امواله هيكمل عليهم كمان عشان يطلع ٢،٥٪ زكاة
هات السوجارة يا ابني بلا قلبة دماغ
الاخ العزيز احمداقتباس:
المشاركة الأصلية كتبت بواسطة ahmed_eng2001
ردك من الردود القليلة المحترمة التى تستوقفنى و تستدعى ردى . . . و صدرى و وقتى و جهدى المحدود يتسع للجادين فى المناقشة مثلك و هم للاسف قليلون. . . اما الكثير من الغث الذى يقابله المرء فهو ده اللى افضل رد عليه هو انه كأنه لم يكن و لا كأنى بشوفه
ردى المرة دى مختلف بعيد عنك عشان مرارتى اتفقعت
انا سافرت بلاد كتير و اتعاملت مع جنسيات كتير. . . مشفتش حد الفهلوة بتاعته ممكن توديه هو و اللى حواليه فى ستين داهية زى المصرى. . . و الجهل بتاعه بدون قراءة و لا فهم و لا حتى تفكير بيخليه يتصرف تصرفات عشوائية توديه برضه هو و اللى حواليه فى ستين داهية
محدش يعنى رد اى رد حلو كده فهلوى من اياه يقولنا فيه هيعمل ايه فى تمن الشقة اللى هيتضاعف عليه و على غيره بسبب تصرفاته الجاهلة و النفعية اللى مش بتبص غير تحت ارجلها فقط لا غير لغاية لما يتكفى على بوزه و يكعبل اللى وراه كلهم. . . و لا تمن العربية اللى هيتضاعف تمنها يبقى يروح يدفع تمنها بالدولار اللى بيتاجر فيه . . . محدش يعنى فكر يناقش نتائج الاتجار فى العملة اللى الكل هينكوى بناره و اولهم من يفعلون ذلك
فعلا انا مشفتش فى حياتى ناس غاوية هدم نفسها بالشكل ده و ده سبب حدتى و ثورتى
التصرفات دى تملى بتظهر فى الاوقات الصعبة و المفصلية فى حياة الشعوب
و اتفرج كده على الافلام التسجيلية عن لندن ما بعد الحرب العالمية التانية و تصارع الناس على الموارد و الاغذية الشحيحة
لكن لانهم شعب واعى و متحضر كانوا بينبذوا اللى يعمل اى تصرف همجى و ده كان بيبقى اكبر رادع له
و على فكرة
بورصة دبى خسرت فى نفس اليوم مليارات الدراهم و شرحه بورصة ابو ظبى و شرحه بورصه قطر و بورصة السعودية تحت ال 7000 نقطة بقالها اسبوع و اسهمها خسرت 50% من قيمتها السوقية . . . ها دولاراتهم خلصت دول كمان و لا هو الغرض مرض و خلاص
بقعة ضوء اخيرة وسط ظلام الجهل و الفهلوة
المبنى اللى فيه شغلى قريب من فرع بنك حكومى. . .انا عامل البنك ده ترمومتر للنشاط الاقتصادى و اقبال الناس او احجامهم على منتج بنكى معين يتم الاعلان عنه . . قلت اخطف رجلى اعمل استطلاع هل اثر خبر زيادة الفايدة على الناس و لا لأ خاصة فى اول يوم للتطبيق . . . ما شاء الله فى خمس دقائق قدامى اتعملت شهادات بأكتر من 300 الف جنيه. . . قلت الحمد لله و روحت ماشى و انا مطمن. . . نفس الكلام كنت عملته ساعة شهادات القناة. . . كان نفس الاقبال. . . ساعتها عرفت ان ربنا هيخيب كل شغل المغرضين و كله هيبقى بلح. . . و قد كان و الحمد لله. . . و ان شاء الله لن يجد المغرضون الا الفشل دائما بعون الله
متفق مع حضرتك ان المضاربة و السوق السودا بيأثر علي سعر العمل لكن تفتكر المشكلة الاكبر فين؟ ال دولار اساسا مش موجود لان ما فيش سياحة و لا تصنيع و لا تصدير و لا انتاج. حتي لو كل واحد معاه دولار اودعه في البنك بردو سعره هيزيد لانه مش متوفر و بنصرف منه علي الاستيراد يعني بمعنب اصح اللي خارج من مصر اضعاف اضعاف اللي داخل. المكشلة ان احنا سايبين المشكلة الحقيقية و ماسكين في السوق السودا اللي في رايي لا تمثل اكتر من 10% من حجم المشكلة.اقتباس:
المشاركة الأصلية كتبت بواسطة imhotep
اختلف مع حضرتك فى حجم السوق السودا و حجمها و اثرها و هدى حضرتك مثالين ياريت تقرأ عنهم و تبقى تقولى رأيك بعدها. . . المثالين دول عن تأثير سلوك القطيع و خاصة فى وجود مغرضين يحرضونه و يستغلون جهله فى قيادته نحو الهاوية و هو غافل لا يدرى عن انه بجهله يحقق لهم ما يريدون. . . لكن هيهات ان شاء اللهاقتباس:
المشاركة الأصلية كتبت بواسطة svneleven
اولهم ازمة اسمها ال tulip mania او حمى زهرة التيوليب و دى ازمة ضربت هولندا فى القرن ال 17 ايام عصورهم الوسطى اللى لسه احنا مطلعناش منها بسبب الجهل و عدم القراءة و عدم الفهم
ثانيا ازمة سوق المناخ فى الكويت فى اوائل التمانينات
اقرأ حضرتك الاول و تعالى قولى رأيك بعد ذلك
تحياتى
بقعة ضوء اخرى و تأكيدا لما سبق ذكره:
http://m2.youm7.com/story/2015/11/8/...3#.VkAMPrt8IS8
ان شاء الله و بعون الله كلها اقل من شهر و معظم الكاش اللى فى ايدين الناس و محيرهم يعملوا فيه ايه يتلم و يتلم معاه التضخم اللى بغباؤهم بيسببوه و محدش فاهم. . . و لسه
انا عملت شهادات قناة السويس واتبرعت بقيمتها لصندوق تحيا مصر
لان ماسر موستهدفة يا اخوانا
وكل واحد للاسف بيدور على مصلحته وبس
ما يصحش كده
المقال مصدره اليوم الساقع
دائما لا أثق فى اليوم الساقع أو خالد صلاح أسقع إعلامي فى مصر .إذا تبنى فكرة ما فإمشي عكسها تكسب
سوف أتغاضى عن العجرفة والتعالي في الحديث
نحسبها بالعقل:
الفائدة على الدولار 4% .... فائدة حقيقية
والفائدة على الجنيه 12.5% ...... ولكنها فائدة إسمية ... اطرح منها معدل التضخم 11% تبقى الفائدة الحقيقية 1.5%
المواطن الرشيد طبقا للنظرية الاقتصادية سوف يتجه للدولار ... لا غرض ولا يحزنون ... بس كده
اقتباس:
المشاركة الأصلية كتبت بواسطة imhotep
رأيك حلو و يحترم .تقريبا أنا واحد من عشرات الآلاف من البورام و الفلوطة اللى بيشيلوا بالدولار . بس اللى مضايقنى من كلامك إنك بتعتبر اللى بيتعامل فى السوق السودة معندوش ضمير
أنا كدة وفقا لكلامك معنديش ضمير . فعلا أنا معنديش ضمير لإن بنوك الدولة لم تستفد مني بدولار واحد منذ ثورة يناير حتى الآن . كل تعاملاتي مع السوق السودة حتى لما كان الفرق خمس قروش بس .
بصراحة أنا شايف مصلحتى أهم من مصلحة الدولة ( مش الدولة بمعنى مصر الأرض و المواطنين الغلابة و النيل و الهرم و الهري ده ) أقصد مصلحة النظام القائم على الدولة . ليه يكون عندى أنا ضمير و أضحي بفلوسى اللى أتعب فيها علشان يستفيد بيها رئيس حي مرتشى أو ضابط أو أمين شرطة حرامي الحكومة حتاخد فلوسي تصرفها عليهم بدلات حضور إجتماعات و بدلات تمثيل و حوافز بالملايين و عربيات و فى الآخر أنا لا أستفيد حتى بماسورة غاز فى بيتي ترحمنى من ذل الأنابيب . أنا و إنت بندفع مرتب المدرس الجاهل اللى بيعلم أولادنا فى المدارس الغش و التخلف .بندفع رسوم رفع الزبالة فى الشوارع بالمليارات و منعرفش بتروح فين بس أكيد نعرف إن الزبالة ما بتتشالش. الأمثلة كتير . لو أضمن إن الدولار بتاعي حيرجعلى خدمات أستفيد بيها أكيد سأكون أول الوطنيين .
حاجة تانية : مش كل تجار السوق السودا بياخدوا الدولار و يبيعوه لتجار المخدرات و السلاح . أغلب الدولار بيروح لمستوردين بيجيبوا بيه مستلزمات إنتاج أنا و إنت محتاجينها و الدولة مش قادرة توفرها . أبسط حاجة كيماويات المعالجة للمياة المعبأة اللى بنشربها و إحنا بنكتب البوستات على المنتدى دى مستوردة بالدولار . أبسط شيىء فى مصر . عجانة الفلافل اللى فى أي محل الترس اللى بيدورها مستورد بالدولار .
أفضل أعيش بلا ضمير من أجل أولادي و مصلحتهم بمعنى إني أبيع الدولار فى السوق السودا و أستفيد بالفرق إنى أديهم دروس خصوصية محتاجينها و أجيبلهم أكل و شرب أنضف أحافظ بيه على صحتهم أو أعالجهم فى مستشفيات نضيفة بدل ما يستفيد بيها إبن المسئول و يتعالج هو فى النيل بدراوى و وادي النيل و أدوخ أنا بأولادى على المستشفى الميري . و أحييك على وطنيتك و أرجو إنك تكون عرفت البورم و الفلاليط بيفكروا إزاى و يارب يلغوا السوق السودة و يبقى سعر صرف الدولار موحد زى باقى العالم
طبيعى مع دوله فيها عجز موازنة وتضخم مرعب انها تعلى الفايده عشان عاوزه تلم الفلوس من الناس...وبرضه الفايده كده بتعلى على القروض.
اما بخصوص الناس الفلوطه اللى ماسكين السياسات النقديه في البلد فلا تعليق..فعلا البلد ممسوكه بناس ماشاء الله,فاضلنا أسبوع ونطلع القمر
1-تمام سعادتك لم تحسب ايضا الزيادة السنوية في سعر الدولار اللي هو لا يقل عن جنيه سنويا منذ ثورة يناير
2-سعادتك لم تحسب التصريخات الحكومية بوجوب تحرير الجنية في اشارة ضمنية لوصوله ل 10 ج
3-سعادتك بتهلل لسياسيات حكومية من اجل رفع الفائدة فارجو من سعادتك مناشدة المسئولين عن البلد منع استيراد السلع الاستفزازية او الترفيهية (فانوس رمضان ) او السلع اللي ليها بديل محلي حتى لو وحش
4-سعادتك ارجو ان تنناشد مسئولين البلد بعدم الدفع بالدولار الى مدربين الكورة الاجانب والى الجكام الاجانب الخ الخ
5-سعدتك ممكن تسأل الحكومة اللي لسه مطلعه قرار من يومين برفع الدعم اللي كان عامله حسني مبارك عن زراعة القمح كأن البلد عنده دولارات كتير وهتستورد قمح بيها ان شاء الله فمش محتاجة قمح محلي
6-سعادتك ممكن تبلغ الحكومة اللي بتههدد كل شوية برفع الدفع عن المشتثات البترولية تسألهم خفض الرواتب في المنشأت البترولية لتكون مثل بقية مرافق الدولة لان الرواتب دي بردو مشمولة من ضمن الدغم اللي انا مذلول بيه يعني محاسب في البترول بياخد 8000 ج ومحاسب في اي وزااررة اخري بياخد 1200 ج ده على اساس ان محاسب البترول بيركب البريمة وهي نازله تجيب البترول من تحت الارض او بيعمل نفسه برميل بيعبوا فيه البترول المستورد
مش هكلم على رواتب الشرطة والجيش لان دول صراحة يستحقوا رواتبهم لانهم بيقدموا ارواحهم وبعد عن بيوتهم وده لا يقدر بمال
لن يمل الانسان من تبرير ما يفعله. . . فعلى هذا جبلت طبيعته منذ اول خطيئة حين قتل اول اخ اخيه فمن المؤكد انه وجد ما يبرر فعلته
لذلك خير ختام لكلامى فى هذا الموضوع الذى لا جدوى من اى مزيد منه. . . هو مقولة ليو تولستوى الخالدة
الخطيئة عمل انسانى. . . لكن تبرير تلك الخطايا عمل شيطانى
و المعنى و المغزى واضح . . . و لا يلومن اى احد الا نفسه التى كما لا يراعى الا مصلحتها الفردية . . . لا يعود يشتكى و يتباكى على حاله و حال البلد لانه هنا يناقض نفسه و يعيب زمانه و العيب فيه و ما لزمانه عيب سواه سواء فرد او مجموع افراد لاننا كمجتمع ليس الا محصلة سلوكيات و افعال الافراد . . . لكنه لا يرى الا تبرير افعاله . . . لا اقول قطعا انه لا يوجد اى عيب اخر فى زماننا الا نحن كما يقول بيت الشعر لان العيوب كثير خارجنا. . . لكن ما اقوله اننا فقط محصلة ما نفعل جميعا . . . و ما نزرعه اليوم بأفعالنا خيرا كان ام شرا . . . وعى منا ام جهلا. . . نحصده غدا . . . و غدا دائما لناظره قريب
سلاما
مفيش فايده لا في الحكومات المتتاليه الفاشله ولا في فكر الناس...مفيش اي امل في تحسن الوضع لان الكل-المسئول والمواطن- بيفكر في نفسه وبس
ممنوع إستخدام اللون الأحمر حيث أنه مخصص للمداخلات الإدارية
م ع 7
احلى حاجة اتقالت
لاننا كمجتمع ليس الا محصلة سلوكيات و افعال الافراد . . . لكنه لا يرى الا تبرير افعاله
المرتشي و الفاسد و الحرامى و اللي ماعندوش ضمير و اللي بيزوغ من شغله و اللي مش بيراعى ربنا
هما دول افراد المجتمع ........... عايزين المجتمع يبقي عامل ازاى
فيه حاجات كتييييييييير اوي…… ممكن نعملها من غير و لا حكومه و لا احزاب و لا رئيس و لا بطيخ…… انا ساكن في اسكندريه في عماره طويله عريضه…… المفروض انها في حته كويسه…… فيها 40 شقه و كل شقه فيها في المتوسط عربيه و اتنين احدث موديل …… يعني ناس ميسوره الحال…. العماره اتحاد ملاك…… اتفرج علي المسخره عشان نلم من كل شقه 50 و لا 100 جنيه عشان نوضب الاسانسير و لا نعمل صيانه للعماره و لا نبيضها و لا نجيب مولد عشان النور لما يقطع …… 10 شقق تدفع و الباقي يتهرب…… تلم ال 10 شقق من بعضها و تصلح علي حسابها…… تلاقي الباقي بمنتهي البرود بيستخدم كل حاجه مادفعش تمنها و برضه مش عايز يدفع
صوتنا اتنبح ....... ياجماعة ماحدش يطلع كيس الزباله بره قدام باب شقته ....... عشان مانشوهش منظر العمارة ....... البواب حيطلع كل يوم فى وقت معين يخبط على الشقق و يلم الزباله ........ و يا ريت لو تحطها فى كيس مقفول عشان ماتقعش و تبهدل الدنيا
تلاقى اصرار غريب على العفانة و النتانة ....... برضه بحطوها رة على السلم ....... و برضه مش بيحطوها فى كيس مقفول
ده المفروض الناس المتعلمة ميسورة الحال ........ مابالك بالطبقات الأكثر جهلا و فقرا
احنا كشعب عاملين زى اللى مستنى المهدى المنتظر ........ و لغاية ما ييجى ..... عادى ...... حنفضل فاسدين مرتشين غير متعاونين ماعندناش ضمير
................................................
فى الحقيقه يا فندم السياسه النقديه المعلنه و زياده الفايده هى بالظبط الى حضرتك قولته يعنى لو من شهر كانت الفايده 15% كنت حضرتك وفرت وجع قلبك فى تحويل دولار ثم بيعه عشان كده هما دلوقتى مع توقع استمرار ارتفاعه بيزدو الفايده تدريجيا عشان الشهر ده حضرتك تعمل شهاده بدل متشترى دولار تانى يعنى القرار انعكاس مباشر للتجربه الواقعيه لحضرتك ياريت يعرفو يوازنو مبينها لفتره عشان الدولار يهدى لاننا دوله و شعب مش بيعمل حاجه غير انه يستورد كل حاجه و بساقتباس:
المشاركة الأصلية كتبت بواسطة aif
و بالنسبه للقرار فده واقع و نظريه اقتصاديه معروفه جدا انخفاض عملتك ترفع الفايده و العكس صحيح حسب احتياجات الدوله فى التحكم فى النقد الاجنبى يعنى ده مش تفكير عبقرى او غبى ده اساسيات الاقتصاد المركزى و معروفه عالميا ة نفس الى حصل فى 2013 لما وصل سعره برضه 8.5 و برضه عملو شهادات ب 12.5 :d
مش فلوط بس باحترمهم
بص يا حاج احمد يا ابراهيم. . . انا قلت مش هكتب تانى شرح او توضيح اقتصادى عشان مش هيفيد لان كل واحد مريحاه دماغه و شايف نفسه و اللى بيعمله صح. . . و ده التعريف الحرفى للفلوطة الفهلوىاقتباس:
المشاركة الأصلية كتبت بواسطة aif
انا بقى هرد على الجزء بتاع الاسلوب و ارقى من كده و مش ارقى من كده. . . و ردى عليك فى 3 نقط على السريع عشان الوقت و المجهود المحدود
اولا. . . و اولا دى موجهة للحاج احمد ابراهيم بتاع قبل 2011 اللى كان من اكتر الشخصيات المحبوبة فى القسم الاجتماعى. . . لو مش واخد بالك منى. . . انا ماهر او mahora سابقا . . . و احد اكتر المشاركين فى موضوعك القيم (مسابقة من صاحب الصورة بتاع 2009. . . و ده لينك له عشان اخواتنا الاحدث منا عضوية هنا فى المنتدى:
http://www.nilemotors.net/Nile/63448-a-9.html
و واضح طبعا اسلوب الكلام "الراقى" فعلا. . . عشان كده لو كنت ناسى افكرك. . ان الرقى ده فعلا جزء من اسلوبى مش من النهاردة او امبارح لكن طول عمرى و من اول ما انت عرفتنى فى هذا المجتمع الافتراضى. . . لذلك مش انت اللى هتعلمنى الرقى فى الاسلوب . . . لانك تعرفه عنى و لا تعرف غيره من زمان. . . من زمان اوى
ثانيا. . . دى موجهة للحاج احمد ابراهيم بعد 2011. . . او بالتحديد بعد 3 يوليو 2013. . . و دى مش هتكلم فيها كتير احتراما لخصوصيتك خاصة فى وجود الكثيرين ممن لا يشاركوننا تاريخ زمالة المنتدى المشترك الذى يجعلنى اعرف تفاصيل اكثر عنك. . . انا مش هتكلم لكن هديك هدية صغيرة ارد بها على موضوعك ده:
http://www.nilemotors.net/Nile/472853-a.html
اللى واضح اوى فيه ان حالتك الشعورية علميا بيعبر عنها الكلام المذكور فى الفيديو ده:
http://m.youtube.com/watch?v=MaNiwPHh6e4
ثالثا و اخيرا. . . انا لم اتشرف بمقابلتك شخصيا . . . بس انا عندى جزء من شخصيتى و اسلوب تعاملى مع الناس. . . ان ابسط انسان هو افضل منى ما دام يؤدى عملا انا لا استطيع عمله. . . لذلك الكناس فى الشارع افضل منى فى موقعه و يعمل نيابة عنى عملا انا لا استطيع اداؤه لذلك هو يستحق منى عظيم الاحترام و التقدير. . . ده اسلوبى فى التعامل مع الناس. . . الى ان يثبت العكس. . . عشان كده لو وجعوك اوى كلمتين الفهلوى و الفلوطة. . . هتعرف انى مقلتش كلمات زى دى الا لما فاض بى من رغبة الناس فى هدم انفسهم بأيديهم عن عمد ام عن جهل . . . و هتعرف كمان ان ده اخرى فى الاسلو الغير "راقى". . . ثم ان انا مكنتش اقصد و لا بكلم حد بعينه انا كنت بتكلم عن شخصية الفهلوى كمرض فى مجتمعنا يمثل اسوأ ما فيه من انانية و انتهازية تعود على الكل بالضرر. . . كون ان انت بقى اخدت الكلام على نفسك دى مش مشكلتى. . . و الرد على كلامك جه من الاخ اللى رد عليك بعدها مباشرة و وضح فيه خطأ ما شرحته انت. . . و انا مرضتش اتدخل و ازود حرف
يا حاج احمد يا ابراهيم. . . يا بتاع حبايب السيدة :-) نصيحة لوجه الله من اخ يصغرك ليس بالكثير من السنوات فأنت اربعينى و انا كذلك. . . فووووووووق. . . قصدى صح النوم :-). . . و ارجع كده الحاج احمد ابراهيم بتاع بند اولا فى كلامى :-)
ملاحظة اخيرة. . . انت بتتحسر على نايل موتورز. . . و انا بقولك دور على سبعاوى و محمد ممدوح و غيرهم من الناس المحترمة اللى هجروا المنتدى. . . من بعد. . .2011
معلش سطر اخير نسيته
لو معجبكش كلامى يا حاج احمد جزءا منه او كله. . . يبقى و لا كأنك شوفته
و خلينا احسن على ذكريات الود القديم. . . ود ما قبل 2011. . . يوم كانت النفوس ما تزال صافية
استهدوا بالله
انا معلوماتى عن الاقتصاد صفر بس حبيت اشارككم
الدولار هيركب صاروخ و يطلع
فأعتقد انهم حبوا يرفعوا مخزونهم قبل انفجار الدولار
يعنى ايه
يعنى الدولار لما ينفجر الناس هتسحب فلوسها من البنوك و تنزل السوق السودا تخزن دولار
فهم دلوقت بيجمعوا فلوس من الناس عشان يقدروا يتحملوا الصدمة الاتية عندما ينفجر الدولار او قدر الامكان بيغروا الناس او بعضهم بعيدا عن تخزين الدولار بعد انفجاره
رأى شخصى
نصيحة تانية لوجه الله. . . يايت الشخص الطيب اللى جاى بسلامة نية يسأل الناس عن ازاى يتصرف فى حاجة معينة خاصة الامور المالية و الاقتصادية. . . ياريت قبل ما يعمل كده يبقى يبص بس فى profile الشخص اللى بيفكر ياخد برأيه. . . عشان بس يكون فكرة عن افكاره و اتجاهاته من خلال ردوده و موضوعاته السابقة اللى خلته يعطى مثل هذا الرأى
عود على بدء. . . رغم انى قلت انى مش هكتب شئ اقتصادى تانى. . . لكن بس عشان بس الزيطة و الزمبليطة . . . و حرصا على مصلحة اخواتنا هنا او اخوتنا فى البلد عموما. . . حتى الفهلوى و الفلوطة منهم. . . نهديهم هذا الخبر. . . عشان بس انا بدور على مصلحتهم و عشان بس ميطلعوش بعد كده يجروا يعملوا وقف خسارة من المضاربة على سعر الدولار. . .
اتحاد الصناعات: المركزى يضخ 4 مليارات دولار خلال أسبوعين لمستوردى الخامات |اليوم السابع
حد هييجى يقولى اهو كلام عشان يهددوا فيه المضاربين على الدولار. . . هقوله ماشى. . . ادينا قاعدين و مستنيين نشوف نتيجة لعبة عض الاصابع بين الدولة و بتوع الدولار فلاليط او غيرهم. . .و عذرا مقدما بس لكل من ستجرح شعوره كلمة فلوطة و تكرارها :-)
بعد اذن حضراتكم / انا عامل شهادة البريمو فى بنك القاهرة والفايدة 9.75% وطبعا بنك مصر والاهلى رفعوا الفايدة 12.5%
انا مر على الوديعة 18 شهر وبحصل على الفايدة شهريا فبعد الزيادة الاخيرة عايز اكسر الوديعة وانضم الى البنك الاهلى او بنك مصر
عايز اعرف المبلغ اللى هيتخصم على كسر الوديعة يعنى المائة الف هيخصم منها قد اية ولكم وافر الشكر والاحترام
الاخ amro_19700
لن يفيدك فى ما تسأل عنه الا موظف خدمة العملاء فى البنك اللى فيه الوديعة او الشهادات . . . بيبقى عندهم جدول استرداد بيقولك فيه هيتخصم منك اد ايه
تحياتى و بالتوفيق ان شاء الله
شكرا لحضرتك على الرد ....بالفعل اتصلت اليوم بخدمة العملاء وقالولى لازم اروح البنك عشان الجدول هناك ..بكرة بمشيئة اللة اشوف الموضوعاقتباس:
المشاركة الأصلية كتبت بواسطة imhotep
انا متفاجيء تماما يا ماهر بك ان انت ماهورا بتاع الايام الجميلةاقتباس:
المشاركة الأصلية كتبت بواسطة imhotep
اولا انت اسمك اتغير ..... وكمان انا معرفتش اسلوبك
اللي اتذكره ان كلامك وردودك كانت في منتهي الهدوء وعمرك ما تهكمت علي حد وطول معاصرتي لك عمري ما قرات لك اي تهكم او لفظ ممكن يزعل حد
اولا ..... انا طبعا ردي اللي كتبته مالوش دعوة بأي اقتصاد او سياسة
انا لا باشتغل في دولارات ولا اي عملات ولا اتقاضي اي فوائد بنكية طوال حياتي لقناعات شخصية ودينية ليس مجالها الأن
ولم اقرأ من الموضوع دة كله الا اول 3 مشاركات واستوقفني بعض الافاظ هي اللي خلتني ارد
لاسيما ان المداخلة ليس لها ما يبررها
يعني محدش احتد عليك مثلا او ملمك بأسلوب مش كويس قبلها
ثانيا .... انا مش اربعيني يا باشا ..... دة كان زماااان ايام موضوع صاحب الصورة ... خلاص بقيت خمسيني من اكتر من سنة
معلش اكمل ردي لما ارجع البيت عشان الموبايل مش مظبوط وكلامي كله اتمسح
مكرر