كل ماتريد معرفته عن أجهزة رفع أداء للمحرك البنزرن التربو - Tuning Box/Chip Tuning

**screem_3** · 09-11-2015 03:53 PM

السلام عليكم

بما ان المحركات البنزين التربو تعتبر نوعية جديده من المحركات بالنسبة للسوق المصري، انا حبيت اتكلم على واحد من أفضل وأسهل انواع التعديل الخاص بالمحركات دي

معلومة:
الأجهزة موجودة ومعروفه جدا للسوق الاوربي من اكتر من 10 سنوات واسمها بالإنجليزي
tuning box / Chip Tuning

تعريف ال chip tuning
هي عباره عن دائرة إلكترونيه (بورده) تحتوي على مجموعه من الدوائر المتكاملة (IC) أو الشريحة الإلكترونية (Chip) وهي مسئوله عن العمل الأساسي في الجهاز. وأيضا يوجد مجموعه من المقاومات (Resistor) والمكثفات (Capacitor) تعمل كفلاتر لتحسين ووزن عمل البودرة
ده تعريف علمي عن معظم الدوائر الإلكترونية

لكن ما هو ال chip tuning تحديدا
هو جهاز إلكتروني يحتوي على مايكرو كونترولر او المعالج الدقيق (بالإنجليزية: Microcontroller) وهو من يقوم بالدور الرئيسي, بالأضافه الي مجموعه أخرى من الأيسهات الأنالوج التي تستلم الأشاره من حساسات المحرك، ثم ارسالها الي المعالج ثم استقبال الأشاره المعدلة من المعالج وإعادة ارسالها السيارة.
طبعا الدائرة تحتوي على أجزاء أخرى كفلاتر واجهزه أخرى تسمح للإنسان بالتحكم في برنامج المعالج (زرار او جمبر او سويتش)
كما هو موضح بالصوره

كيف يتم تركيب ال chip tuning وماهي وظيفته
بتم توصيل الجهاز بحساسات ال MAP المسؤله عن قياس ضغط الهواء الخارج من التربو و ضغط الهواء داخل المانيفولد
يقوم الجهاز برفع الأداء عن طريق تعديل بسيط على أشارة الحساست مما ينتج زيادة في كمية الهواء المضغوط الخارج من التربو مع مراعة كمية الهواء المضغوط داخل المانيفولد. حيث يقوم بعمل توازن بين نسبتي الهواء المضغوط, وبذلك تكون وظيفة الأجهاز غير مضره بالمجرك

صوزة للحساسات الني ينم توصل الجهاز بها لمحركات الفولكس ال TSI التربو

**screem_3** · 09-11-2015 03:56 PM

فيديوهات نوضح نسبة الزياده اللي تم تحقيقها من ال Chip tuning

الفيديو ده بيوضح نسبة الزياده اللي تم اضافتها للمحرك عن طريق Chip Tuning من شركة DTE System الألمانيه.
السياره اللتي تم الأختبار عليها هي فولكس جيتا 2000 سي سي 211 CV
ملحوظه CV تعني cheval vapeur وهي تعني HorsePower أو حصان
النتيجه
زيادة تم قياسها من المحرك 264 CV/حصان عند 5700 RPM ---- يعني 25%
زيادة تم قياسها من العجلات 247 CV/حصان عند 5700 RPM ---- يعني 17%

[youtube]http://www.youtube.com/watch?v=otGtqcdqLWc[/youtube]

**screem_3** · 09-11-2015 03:58 PM

وده لجولف 6 GTI بمحرك TSI 2000CC 211HP/280NM
والنتيجه 248HP/352NM - نسبة الزياده HP: 17.5% / NM: 25.8%
[youtube]https://www.youtube.com/watch?v=rgfpkkV7yWM[/youtube]

**screem_3** · 09-11-2015 03:59 PM

وده اختبار تاني ل ChipTuning من شركة اخر صاحب الفيديو لم يذكرها
الأختبار تم عل فولكس جولف 1.4 TSI
122HP/220NM
النتيجه كانت 147HP/252NM نسبة الزياده تقريبا HP: 25% / NM: 26%
[youtube]http://www.youtube.com/watch?v=xMMs-3prFB8[/youtube]

**screem_3** · 09-11-2015 04:01 PM

اتمني ان اكون افدتكم واوضحت مفهوم جديد لرفع أداء المحرك ناس كتير مكنتش تعرفوه

ملحوظه في ناس كتير في مواقع ال ebay بتعمل عروض بأسعار رخيصه جدا تقريبا 20 الي 30 دولار وبتقول عليها Chip Tuning, وطبعا ناس كتيره بتشتريه, لاكن اللي ميعرفهوش ان دي مش أجهزة Chip Tuning دي عباره عن مقاومه في علبة وبتقوم بعمل اي مقاومة في الدنيا يعني بتاخد الأشاره او الفولت من جهة, وتخرج أشاره او فولت اقل من اللي دخل (قانون أوم) او (فرق الجهد).
طبعا دي ملهاش اي علاقه بال Chip Tuning ولا تقوم برفع اي اداْء