الموضوع: بيتلز 1303 بحالة نادرة وتحدى للجادين فقط

معذرة على التأخير فى الرد لانى كنت مشغول
وطبعا بالنسبة للزجاج الامامى بومبية لان كل الموديل دة كدة
وطبعا دة الموديل الوحيد اللى فية تابلوة كامل من الجلد ومجهزة بالنسبة للتكييف
السيارة انا تانى مشترى لها يعنى تعتبر اول يد وان اشتريته من راجل محترم (مدير اعلانات الاخبار ) وكانت السيارة عندة بجراج الفيلا مركونة لمدة ثلاث سنوات
وانا لما اخذت السيارة عملت فيها الاتى بالتفصيل
1/ سمكرة ودوكو للرفارف والمرأة الامامية والخلفية وباقى السيارة كانت بحالة ممتازة

2/ فرش داخلى كامل ارضيات وكراسى عند واحد اسمة عادل فى مصر القديمة بتاع بيتلز فقط

3/ عفشة كاملة اتكلفت 1700 ج لانى غيرت كل حاجة وجبت الاصلى بما فيه علبة الدركسيون

4/ مراجعة كهرباء السيارة عند اشهر كهربائى بيتلز فى الهرم واسمة خالد وورشتة فى العمرانية ودة كان شغال فى التوكيل ايضا

5/ واخيرا بعد العمرة اشتريت كربراتير استيراد بحالة الزيرو
وانا مش بمدح فى السيارة بس هى فعلا مش عاوزة ولا جنية واحد مصروف وبالنسبة للموتور هو 1300 ودة موتور الفابريكة ورقمة 176وحالتة زى انا ما وصفت تسعين فى المائة ودة لانة معمول لة عمرة كاملة فى شهر اغسطس 2008 يعنى من 3 شهور
واللى عمل العمرة دى الاسطى سيد فرج ودة مدير قسم المحركات فى توكيل فولكس سابقا وورشتة فى العمرانية - الهرم
ملحوظة انا بقول حالتة تسعين فى المائة مش مائة فى المائة لان دى الحقيقة ولا يمكن اى عمرة موتور ترجع الموتور لحالة الفابريكة ودة كلام المتخصصين
السيارة والله العظيم بحالة شاذة بس انا شخصيا مش مريحانى بالرغم من انى صرفت عليها بسخاء ودة لان
عندى زوجة وطفلين والعربية بالرغم من انها ممتازة بس صغيرة علينا بصراحة
دى حالة السيارة بالضبط والله العظيم وبمنتهى الامانة والمعاينة تثبت ذلك وعند اى حد من طرف من يرغب فى الشراء
ملحوظة التليفون اللى انا كنت سايبة فى الاعلان دة مش تليفونى انما تليفون المهندس محمد فرج اللى انا موكلة لبيع السيارة ودة لظروف خاصة بعملى - 0105721292
والمعاينة لمن يرغب بجامعة القاهرة من الساعة 9 ص وحتى الساعة 8 م
واخيرا ارجو ان اكون اوضحت واسف جدا على الاطالة
مالك السيارة

كلام جميل جدا يا باشا المهم طالب فيها كام بعد كل الكلام ده انا بيتهيالي حتطلب فيها غالي علما بان المستعمل رخص اليومين دول خصوصا الفولكس تقيله في البيع
يا ريت تقولنا سعرها

يا ترى العربية لسة موجوده ولو موجوده يا ريت السعر ومكان المعاينة