الموضوع: الاستاذ الكبير ابو ياسمين والى كل خبير فى المنتدى مشكلة عندى فى اف ثرى اوتو

لا طبعا ومعني كده ان الغطا عاوز يتغير او تحط تخشينه عليه شوف ميكانيكي كويس يعملهالك لان كده الزيت بينقص ودا خطر للفتيس طبعا ولازم بعدها تقيس الزيت وتزوده

المشاركة الأصلية كتبت بواسطة mido.83

السلام عليكم ورحمة الله وبركاته
المشكلة باختصار فيه زيت راشح لونه اصفر اسفل البطارية عند الكتابة اللى تحت المارش اللى مكتوب فيها byd وكلام تانى كدة . هل دا طبيعى ولا ايه وكمان لاحظت حاجة غريبة بعد مااكتشفت موضوع الزيت دا ان الغيار بياخد وقت شوية عن الاول يعنى من 3 الى 4 ثوانى كدة ياريت الاهتمام والرد هل كدة فيه مشكله ولا ايه انا امبارح فتحت الكابوت انا ووالدى راح لقى زى غطة بلاستيك وقالى مفيهاش مشكلة دا زى كدة الفايظ بتاع الزيت بس انت عندك على شكل طبة او غطى المهم رحت مسحته بقماشة جيت النهاردة بصيت لقيت نفس الوضع هل دا طبيعى ولا ايه ياريت الرد للاهمية

عزيزىmido.83

أنصحك بالذهاب إلى مركز الصيانة بالتوكيل ولا تحاول حل المشكلة فى اى مكان أخر

هل تعرف لماذا ؟

لأن لو حدثت اى مشكلة للفتيس بعد هذا ( لا قدر الله )
سيقولون انهم غير مسؤلين عنها لأن السبب فيها طريقة علاجك لرشح الزيت

حتى لو كان لا علاقة له بهذا !!

فلنبعد عن ( التلاكيك ) على الأقل حتى أنتهاء الضمان

وكان عندى من قبل رشح زيت من غطاء تالف لعلبة زيت الباور

وفى التوكيل قاموا بتغير العلبة كاملة وقالوا انها خارج الضمان

ولم اعترض تحسبا لتلف قد يصيب الباور بعد هذا

وفقك الله

مكان المقياس فين مش عارف طبعا ممكن ميكانيكي يقولك او بتاع زيوت

المشاركة الأصلية كتبت بواسطة mido.83

كل الشكر لك استاذ ابو ياسمين دائما لاتبخل علينا بمساعدتك ونصائحك فبارك الله فيك ياخى العزيز . يعنى اذهب الى التوكيل ولا ممكن استنى شويه نظرا لظروف عملى . ووكنت قد اثرت موضوع من قبل عن مشكلة الفتيس الاوتو انه يقطع وبيعمل اصوات كركبة فزيعة بين الغيارين الاول والثانى وببحثى عن هذا الموضوع فيه ناس كتيرة بتقول ان السبب فى هذا زيت الفتيس الرديْ اللى بياتى مع العربية هل فى امكانية اخليهم بالمرة يغيرو زيت الفتيس وايه هو نوع الفتيس باريك الافضل وشكرا لك علما بان السيارة عاملة 52 الف كيلو الى الان

لا داعى لأى شكر يا أخى العزيز

وأذا كان الرشح بسيط جدا بأمكانك الأنتظار ليوم الأثنين ولكن من الأفضل معالجته فورا فى جميع الأحوال

اما عن زيت الفتيس فلا أعرف النوع الذى يستعملونه فى التوكيل

ولكن زميلنا العزيز lonedoctor

قال ان الأفضل زيت كاسترول dct