سؤال في صيانات f3 - 2014 مانيوال 1600 موتور الميتسوبيشي .

**eng_atmh** · 13-11-2015 04:07 AM

السلام عليكم .... إسمحولي "أصدعكم" بالبوست الطويــــــــــــــــــــ ـل دا ، أنا آسف .....
مقبل - إن شاء الله - على شراء f3 2014 مانيوال بموتور 1600 - الميتسوبيشي - عاملة حوالي 30 ألف كيلو ، و حابب أسألكم عن الصيانات الواجب عملها "أول" ما أستلم العربية . أ

**ملحوظة** الصيانات دي هتكون بره التوكيل علشان أنا مش من القاهرة**

1- تغيير زيت الموتور ( ترشحولي نوع إيه - كام ألف ) ؟
-----------------------------------------------------------------------------
2- تغيير فلتر الزيت .
3- تغيير فلتر البنزين .
4- تغيير فلتر الهوا .

5- تغيير سير الكاتينة .
6 - تغيير سير الباور .
7- تغيير سير الدينامو .
8- تغيير سير التكييف .
9- بلية كاتينة (ولا ملهاش لازمة ؟ ) .
10- طرمبة ميه (ولا مش لازم ؟ ) .
في قطع الغيار السابقة ، أظن كلها تخص اللانسر ، بس معرفش بالظبط أطلب أقول إيه ... "لانسر أي نوع و أي موديل ؟" و هتكون بكام ؟ و لا أطلب قطع غيار البي واي دي عند محلات قطع غيار الصيني ؟
--------------------------------------------------------------------------------
11- تغيير زيت الفرامل (أي نوع مناسب للعربية ؟ )
--------------------------------------------------------------------------------
12- ميه خضرا .
-------------------------------------------------------------------------------
13- بوجيهات (أي نوع مناسب أكتر ؟ ) .
---------------------------------------------------------------------------------
14- التشييك على زيت الفتيس (إزاي يتشيك عليه صح ؟ ولا أغير علطول من غير تشييك ؟ مع العلم إني لما جربت العربية ، كان الفتيس مش وحش و عضته بسيطه أوي ... و أغيره بنوع إيه ؟) .
15- هل فيه فلتر لزيت الفتيس ؟ أغيره و لا لأ ؟ و هل تغييره أو عدم تغييره بيعتمد على إذا كنت هغير زيت الفتيس أصلاً و لا مش شرط ؟
-----------------------------------------------------------------------------------
16- التشييك على تيل الفرامل و تنظيفه و التشييك على الطنابير . في حالة التغيير أجيب تيل الكورولا و لا البي واي دي ؟ و لو الكورولا ، أطلب بتاع أنهي موديل ؟ و لو حد عنده فكرة بكام ؟
------------------------------------------------------------------------------------
17- تغيير الكاوتش (إيه أفضل الأنواع ؟ بكام ؟ ) .
------------------------------------------------------------------------------------
18 - هل فيه حساسات معينة بتتنضف ؟ أو بيستحسن تغييرها ؟
----------------------------------------------------------------------------------------------
19- هل الرشاشات بتتنضف ؟

**eng_atmh** · 13-11-2015 11:34 AM

صباح الفل عليكم و جمعه مباركه ...
معقوله 40 مشاهدة و محدش رد عليا ، ده أنا بسأل عن حاجات يفترض إن أي واحد بيجي عربية مستعمله بيعملها .

**eng_atmh** · 13-11-2015 04:24 PM

خير يا جماعة ! هة المنتدى بيقفل الجمعه و لا حاجة ؟ طيب أعدي في يوم تاني ؟ طيب حتى حد يبل ريقى بالرد على نقطة من ال(19) إللي أنا كاتبهم :)

**eng_atmh** · 14-11-2015 07:32 AM

95 مشاهدة !!!!!

هي العربية دي محدش بيصينها ؟؟؟

بتسيبوها تمشي زي النورماندي 2 ؟؟؟

**lonedoctor** · 14-11-2015 05:57 PM

للاسف الاشياء اللى ذكرتها كتير جدا واى حد فى المنتدى كبيره عمل صيانة 10 او 15 الف وبعد كده شكرا

**eng_atmh** · 14-11-2015 09:35 PM

المشاركة الأصلية كتبت بواسطة lonedoctor

للاسف الاشياء اللى ذكرتها كتير جدا واى حد فى المنتدى كبيره عمل صيانة 10 او 15 الف وبعد كده شكرا

شرفتني يا دكتور والله ... أنا متابع مواضيعك و ردودوك في المنتدى ده من أيام f3 إللي كانت عندكم.

أنا بس السؤال المفصلي .. أجيب إيه مناسب ؟ خصوصاً ، إني مش من القاهرة و مرواحي للتوكيل ممكن يكون فيه شئ من الصعوبة ، لذلك أسئلتي كلها حوالين إيه أنواع الزيوت ... و أنواع السيور و الفلاتر إللي يخصوا ميتسوبيشي ... و هل كده تفكيري صح و لا الأفضل - من واقع تجاربكم - إني أستخدم قطع غيار البي واي دي نفسها ؟
يعني أيهما أكثر إعتمادية و تعميرا ؟ و شكراً

**lonedoctor** · 16-11-2015 09:31 PM

بشكل عام انا لم اكمل الا حتى صيانة 15 الف فقط وبعد ذلك لم اعمل الباقى عند التوكيل
السيارة معمرة ولا يوجد احتمالية الحاجة الى قطع غيار بالمعنى المفهوم واذا اضطررت بالطبع قطع الغيار الميتسوبيشى افضل من الصينى وانصحك بها بقوة
انا لم اقم باى تغيير لاى شئ خلال 4 سنوات غير الزيت والفلتر الا اسطوانة وديسك وكان كورى ولم يتعد سعره 350ج
وتيل فرامل تيوتا ب 80 جنية وبعد تركيبه اكتشفت انه اسوء من الاصلى لانه هو كان تقليد اساسا
الخلاصة السيارة ممكن تتصلح عند اى ميكانيكى وقطع الغيار الميتسوبيشى والتويوتا فى كل حتة بسهولة تحصل عليها
تقبل تحياتى