دلوقت يا جماعه انا زي ما كتبت قبل كده انا عندى 34 سنه يعني قربت علي منتصف الثلاثينات و مش متجوز و لا عارف اتجوز و تقريبا مبقاش عندي صحاب لأنهم كلهم سافروا و حياتى بقت عباره عن شغل و نوم و قعده علي النت
خروجاتي معظمها مع زملاء في الشغل و هما اصغر سنا علي الاقل ب 6 سنين بس ده المتاح و الخروجار دي نادره جدا ممكن تبقي مره كل شهرين او ثلاثه و اخرتنا نقعد علي كافيه و لا نتغدي و نخش سينما يعني الخروجه روتين معروف
للأسف انا تقريبا عندي اكتئاب مزمن و حاسس بكمية من البؤس و الحزن غير طبيعيه
حاسس ان حياتي ملهاش لازمه و لا معني و اللي ببات فيه بصبح فيه
مش لاقي اي شيء ليه طعم في حياتي و حاسس اني اتضحك عليا و عمري اتسرق مني
العشرينات خلصت و نص الثلاثينات قرب يخلص و انا ابعد ما اكون عن السعاده
انا بقيت اكره انام و لو نمت بكره اصحي من النوم علشان عارف ان بكره زي النهارده زي من 11 سنه فاتت من يوم ما اشتغلت
و الله ما في ريحه او طعم السعاده في حياتي و كلها ملل و زهق و قرف
مفيش حاجه تبسط حتي عاي مستوي العائلي البنات عندنا كأن عليها رصد مش بتتجوز
يعني حتي لا بتفرح لنفسك و لا لغيرك
مش عارف اعمل ايه و ابقي سعيد ازاي حتي لو سعاده بنسبه صغيرة جدا
افيدوني بالله عليكم
المفضلات