الموضوع: تركيب شاشه للبيرسونا 2013

السلام عليكم
الحمد لله اشتريت بيرسونا 2013 كسر زيرو وهى مازالت ف الضمان واخر صيانه 40 الف ك انا متابع الموقع من فتره طويله وخصوصا البروتون وشوفت كتير مواضيع خاصه بيها هنا من الموقع والموقع كان ليه تاثير علي كتير في قرار الشراء للبيرسونا وهى بصراحه فعلا عربيه جميله علي سعرها وامكانيتها المتعدده وسعرها الحلو بين الفئات المماثله

انا لسه شاري من اسبوع وللاسف الي معجبنيش فيها الكاست بتعها مش حلو صوته مش قوي ولا السماعات
وعايز اغيرهم وطلما هغير يبقي تغير بتغير بقي واعلي من العربيه شويه اوبشن

وسوف اتعامل مع في الصيانه مع عصام صفا او امير وجوزيف والاختيار ده برده عن اراء مالكي بروتون بيرسونا او جين 2

المطلوب خبراتكم بقي عايز اجيب كميرا وشاشه للعربيه وعايز اعرف الانواع ايه ؟؟ والمبالغ لو امكن اهم حاجه الشاشه تكون فيها بلوتوث وgps واقدر طبعا اشغل عليها المالتي فاكشن للسياره
عرفت من بعض الناس ان دفيره الكهرباء ممكن تطلع العربيه من الضمان لو حصل اي وصلات غير طبيعيه للسياره علشان في بعض الناس بتعمل كباري بالاسلاك وده مش متاكد منه علشان كده عايز اعرف ينفع اركب الحاجه دي في مركز صيانه معتمد زي عصام او امير ولا لاء ؟؟
ارجو الافاده علشان انا مش من القاهره يعني لما هنزل القاهره هنزل علشان اعمل الصيانه واشتري الحاجه واطلع الي مركز الصيانه يعني يفضل النصيحه كامله اشتري منين بالظبط في القاهره يوم نزولي للقاهره ده بالعربيه كفايه علي واليوم كله بيضيع والي بيمشي علي الطريق الزراعي هيعرف كلامي كويس

وشكرا

موجود عند الشركه العالميه
مفيش لعب فى الضفيره غير لمبه المرشدير بيقشروها علشان الكاميرا