الموضوع: عداد سرعة سوزوكي سويفت

السلام عليكم و رحمة الله و بركاته
احبائي اللي بلجأ لخبرتهم بعد الله سبحانه و تعالي علشان يفيدوني
عربيتي سوزوكي سويفت 95
عداد السرعة مرة واحدة وقف قبل ما يبطل كان بيخرف
رحت لكهربائي قالي وير سرعة
المهم بعد حوار ولف عليه جبته من القاهرة في الاخر و رحت للكهربائي
الكهربائي ركبه و لا كانه ركب العداد زي ماهو مش شغال
رجعت له تاني
اكد عليه
رحت جربت برضه مش شغال
قالي يبقي المشكلة في الفتيس مش من السلك روح لميكانيكي
الكلام ده صح؟؟؟؟؟؟؟؟؟؟؟؟؟؟؟؟؟؟؟


ثانيا نور عدادات التابلوه ضعيف جدا كنت عايز اغير اللمبات بتاعة عدادات التابلوه هلاقيها فين يا خبراء السوزوكي؟؟؟؟؟؟؟؟؟؟؟؟؟؟؟

اعمل تجربة بنفسك

هتخلى السلك راكب من ناحية الفتيس و تخليه حر من ناحية التابلوه يعنى طالع من حوض العربية و تمسكة بايدك و انت سايق...او تشوف اى وسيلة تثبيت مناسبة بحيث يبقى ظاهر امامك و تعرف تراقبه كويس...و تشوف مع السرعات المختلفة السلك المدبب بيلف داخل الجراب و لا ساكن و بيستجيب لتغير السرعات و لا لأ

لو بيلف داخل الجراب يبقى المشكلة من التابلوه....لو مش بيلف خالص و مفيش استجابة مع السرعات يبقى المشكلة فى الفتيس