أفيدونى أفادكم الله

**tananybasha** · 22-11-2008 11:03 PM

السلام عليكم و رحمة الله و بركاته
عندى فيكترا 1995 - 2000 سى سى - مانيوال - مواصفات رياضية
حصل معايا موقف النهاردة مش عارف سببه
كنت عند الميكانيكى بأعمل حاجة فى خرطوم مقطوع
على غفلة و انا لسة بأدور طلعت ريحة شياط و تراب اسود جامد و العربية بطلت تأخذ غيارات - على كل حال قلولى أسطوانة - طقم دبرياج
قلت ماشى نزلت أجيبهم لقيت الدنيا غاليةجبت ماركة أسمها فاليو و قاعدة فتيس قلولى ألمانى على التوالى 650 جنية - 140 جنيه
غيرنا و 10/10 و خلصت الساعة سبعة
العربية تجيب تزود العربية كلها ترج لغاية ما تعلى عن 1000 ار بى ام - قلولى الشكمان لازق فى البودى - و العربية بترج فى الطلعة - بس للأمانة بتقل شوية شوية - و الرجة زى ماهى -
السحب بقى زى الفل و امبير السرعة اللى ما أعرفش أية علاقته بالأسطوانة أتظبطت سرعته
بس الرجة غايظنى - أفيدونى أفادكم الله
بارك الله فيكم

**tananybasha** · 22-11-2008 11:07 PM

أضافة - الأسطوانة طلعت مليانة من ناحية واحدة و التانية حديده - و العربية كانت زى الفل و ما أشتكتش خالص منها لا فى السحب و لا الطلع
حاجة تانية الدسك طلع حدوتة فية حفرة فى النص بعمق 2 مم تقريبا مكان برشام الأسطوانة
ازاى ده حصل يا أخوانا

**tananybasha** · 23-11-2008 12:35 AM

شكراً يا باشا على الرد بس الرجة مش فى الطلعة الرجة لما ازود و العربية وافقة
الحاجة التانية الشركة بتصنع للأوبل من حوالى 12 سنة لأنها تبع جى أم
ثالثاً و ده المهم أن فرق السعر بينها و بينى الألمانى مجهول الهوية حوالى النص لأن ماركة لوك بتعمل حوالى 1000 جنية عشان بتجيى من غير بلية ( المقصود بمجهول الهوية مش الماركة - الصناعة نفسها )
رابعاً : الميكانيكى قللى القاعدة لسة جديدة و ناشفة جداً غير القديمة و هى مايلى ألمانى - و بالنسبة للفتيس هيظبط لأن القدبمة طالهة نصين
و عاجز عن الشكر

**tananybasha** · 23-11-2008 10:54 PM

شكراً يا باشا
بس لو دخلت على الموقع بتاعهم هاتلقيهم بيصنعوا للبورش و الفيرارى كمان
هو مش ده المعيار انا ممكن فعلاً اشوف حد ثقة يكشف على الدنيا و يطمنى تانى