استهلاك البنزين في النوبيرا

**سواق جديد** · 17-11-2015 03:36 AM

السلام عليكم...
دي اول مشاركة معاكم ان شاء الله. انا ملاحظ ناس كتير بتتكلم عن رشاشات النوبيرا فهل فعلا استهلاكها عالي عشان الرشاشات. انا لسة جايب عربية مكملتش شهر و مونتها بتاع ٣ مرات بتمشي معدل ٢٥٠ كم في ال٥٠ل جوا البلد مبطلعش دائري الا قليل. العربية اتوماتيك مش مانيول ماتورها مجبش ٧٠،٠٠٠ كم فمستغربها شوية.
لاقيت بقى ناس بتتكلم ان ده الطبيعي و بيتكلموا في تغيير الرشاشات برشاشات النترا او اكسنت.

افيدوني افادكم الله :)

متشكر يا رجالة مقدما.

**pepo2011** · 18-11-2015 08:55 AM

بالظبط بس الاول لازم تكشف عليها ولو محتاجة تغيير غيرها بالاكسنت

**hema111** · 18-11-2015 11:44 AM

النوبيرا لتر البنزين فيها بيعمل من 5 الى 6.5 كم داخل البلد حسب درجة الزحام ومشغل التكييف ولا لا
أما على الطريق السريع فلتر البنزين بيعمل من 12 الى 15 كم وايضا على حسب طبيعة القيادة والتكييف شغال ولا لا
اعتقد ان استهلاك سيارتك داخل الحدود الطبيعية للنوبيرا بصفة عامة