الموضوع: مشكله توكيل نيسان صني الهايكستب ارجو الافاده

السلام عليكم ورحمه الله وبركاته

انا حبيت انقل لحضراتكم تجربتي مع توكيل نيسان صني فرع الهايكستب
انا معايا نيسان صني 2013 واستخدامي ليها محدود ( شغل موظفين يعني ) روحت اعمل صيانه ال 20000 كيلو في توكيل نسيان صني الهايكستب
التاريخ : 22/10/2015
رقم الفاتوره : 133728
كود : d69657

بلغت بالمشاكل الاتيه :
1- الولاعه فاصله نهائي ودي المره التانيه لانها برضه فصل قبل كده وعملوها في صيانه ال 10000
2-مروحه التكيف بتعمل صوت عالي جدا اثناء التشغيل لدرجه ان الذبذبه بتهز الطاره
3-تغير الزيت
4-غسيل السياره

وانتظرت مده طويله الى ان استلمت العربيه منهم وبعد لما دورتها وجربت لاقيت
1- الولاعه لسه مش شغاله نهائي .
2-صوت المروحه والذبذبه هو هو بدون اي تغير .
3- زجاج السائق الامامي علق شويه واشتغل لوحده ولكن ونا راجع اسماعليه في الطريق الزجاج الامامي نزل ومرضاش يطلع تاني طبعا عشان اعرف اركن العربيه محدش يسرقها اضطريت اروح لاقرب كهربائي عشان حتى ارفع الزجاج بس لاقيت في ميه من مكان غسيل العربيه في التوكيل تحت زرار الرفع ومعلمه في كارته الزجاج .
4- في صوت خشونه في العجل اثناء العوده للاسماعليه.

قبل ماتحرك وسافر الراجل بتاع التوكيل قالي معلش الولاعه وبليه المروحه مش متوفره عندنا ولما نوفرها هنكلمك والى الان نفس الاعطال وكلمني بعدها واحده من نيسان بلغتها ومفيش فايده

اخيرا معلش طولت عليكم
الفاتوره دفعتها 850 ج منها 360 ج مصنعيه ( معرفش هما عملو ايه اصلا عشان ياخدو مصنعيه )
مقابل غسيل وتشحيم السياره وتغير الزيت

انا قررت اقدم شكوى رسميه في مركز الخدمه وباخد اجراء بكده لان بصراحه منتهى الاستهزاء بالعملاء

المشاركة الأصلية كتبت بواسطة mummy_47

يا فندم لو حضرتك روحت لاي كهربائي كان ضبطلك الحوار ده ومش هياخذ 100 ج على بعض....لكن المشكلة انك في الضمان ولازم تروح التوكيل.....
انا بفكر مروحش التوكيل واستغنى عن الضمان بسبب سوء الخدمة.....بس خايف يحصل حاجة كبيرة بملغ وقدر...
خذ اجراءات وابعت شكوى ....وابقى بلغنا عشان نعمل زيك لو حصل حاجة ....
التوكيل ده بيفكرني بالمستشفيات الحكومية ..الواحد يدخل سليم يخرج مريض بجميع الامراض

تحياتي

فعلا عند حضرتك حق
الواحد ندم انه فكر في النيسان صراحه رغم اني لسه عامل 20000 ساعه بس