عندى مشكلة غريبة فى ال e39 لو مرت على حد !

**Amr_650** · 19-11-2015 01:07 PM

السلام عليكم يا رجالة معلش الكلام كتير شوية :)) ..

انا معايا 530 - موديل 2001 .. كانت زى الفل لحد ما الدنيا مطرت امبارح .. المهم نزلت بالعربية فى المطره و كانت المطرة واصله لحد فوق العتب بشوية . و انا ماشى لقيت الفرامل تقيلة تحت رجلى , يعنى لازم ادوس فرامل جامد عشان العربيه تقف و بعد ما تسيب الفرامل , الفرامل مش بترجع تفك تانى على طول زى الظروف العادية .بتاخد ثانيتين 3 كدة .

المهم جت اشارة فدوست فرامل العربية وقفت ,, الاشارة فتحت دوست بنزين عشان امشى الفرامل مكنتش سابت زى ما شرحت ,, فجاة الفتيس عمل الرسالة دى ( Trasn. Failsafe ) و اللى عارف الرسالة دى معناها ان الفتيس دخل فى السيف مود عشان يحمى نفسى لانو مش عارف يظبط قوتو .. طبعا الفتيس بتاعها ستيب ترونيك ..

المهم روحت الميكانيكى و شيلنا الايرور دة بالكمبيوتر مظبتطش . فتحنا الفيشتين بتوع الفتيس اللى تحتت العربية لقينا واحدة ناشفة و التانية جواها مية ,, نظفناها و نشفنها الفتيس ظبط و الرسالة راحت ...

المشكلة دلوقتى اللى بسال عليها لو عدت على حد .. انا ماشى عادى على 40 كم مثلا و جيت فى حتة مكسرة . فجاة تلاقى عداد السرعه خرف و تحس ان الدفرانس او الفتيس بيحاول يظبط العجلة اليمين مع الشمال عشان يكونو بنفس السرعه او القوه ..

المشكلة دى انا واجهتها لما كانت المساعدين الخلفى ضعاف فمع اى تكسير او حفر تحس ان العربية مش مظبوطة العجلتين الخلفيين مش ماشين مع بعض و تلاقى طبعا ال ABS & ASC نورو لان السراعات مختلفة ..و بعد اما غيرت المساعدين الخلفى المشكلة راحت ..

دلوقتى انا قلبت النت و لسة بسيرش على المشكلة العجيبة دى لان مفيش حد مستوعبها و بالتالى محدش عارف يحلها .. فهمت اان ممكن يكون حساس ال ABS خربان عشان كدة بيوصل معلومات سرعه غلط للكمبيوتر ..

يا ريت يا رجالة لو حد مرت علية يقولى او يفكر معايا لان الوضع سيء و مغموم منها اوى

**Amr_650** · 21-11-2015 09:22 AM

تم حل المشكلة و الحمدلله و كما توقعت .. غيرت حساس السرعه الخلفى يمين و المعروف ب حساس ال ABS or Speed sensor و الحمد لله العربية بقت زى الفل و استريحت جدا ..

و هذا للعلم عشان لو حد حصلو المشكلة دى