سؤال للاخوة الخبراء والمشرفين الكبار اللى قالو للناس على الفتيس dct هل يعقل

**mido.83** · 20-11-2015 04:10 PM

هل يعقل عربية لسة جديدة الفتيس بتاعها يبوظ مرتين فى اقل من سنة ومحتاجين رد قوى على الوكيل سىء السمعة اللى مش معبر حد واللى عليه يقولك انت برة الضمان عاوز تصلح بفلوس حسبى الله ونعم الوكيل

**ابو ياسمين** · 20-11-2015 11:00 PM

المشاركة الأصلية كتبت بواسطة mido.83

هل يعقل عربية لسة جديدة الفتيس بتاعها يبوظ مرتين فى اقل من سنة ومحتاجين رد قوى على الوكيل سىء السمعة اللى مش معبر حد واللى عليه يقولك انت برة الضمان عاوز تصلح بفلوس حسبى الله ونعم الوكيل

الفتيس لم يتعطل لأنه dct كما يتصور البعض

وصاحب الموضوع خرج من الضمان لأنه لم يذهب للصيانة مرتين كما قال التوكيل

ولكن التوكيل لم يقول لنا كم يبعد اقرب مركز صيانه ليذهب له صاحب السيارة المقيم فى البحر الأحمر !

وكيف يقطع 1000 كم ذهابا وايابا ليصل للشركة التى لا تريد فتح مراكز صيانة تغطى مواقع عملائها

ولم يقل لنا التوكيل لماذا يعمل الفتيس جيدا مع كل من غير من البداية الزيت السئ الذى يضعونه بالفتيس

ولم يقل لنا التوكيل لماذا الضمان 60000 كم او 3 سنوات فى مصر فقط دون عن بلاد الدنيا كلها

بينما الضمان فى كل البلاد العربية وباقى دول العالم 150000 كم او 5 سنوات

لماذا لا يقول لنا التوكيل لماذا يشتكى الناس فى مصر وحدها وملايين من سيارات بى واى دى فى العالم كله لا تشتكى !

يا عزيزى صاحب السيارة تمسك بحقك وارفع الموضوع للشركة الأم

لأن السيارة بى واى دى فى مصر لا تحتاج فقط زيت جديد للفتيس ولا تحتاج حتى فتيس جديد

ولكنها بالتأكيد تحتاج توكيل جديد !!!

اما عن موضوع الفتيس dct فقد انهيت تقرير شامل يجيب على سؤال هام وهو :

لماذا تستخدم بى واى دى الفتيس dct ولماذا تضع شعار هذا الفتيس بفخر على سياراتها ؟

وعندما أنشر التقرير الذى سيكون به 50 وثيقة سيعرف الجميع لماذا اقول

ان السيارة تحتاج لتوكيل جديد !

**mido.83** · 21-11-2015 12:28 AM

شكرا لك استاذ ابو ياسمين ياريت حضرتك تقولى اعمل ايه انا بعت ايميل لكذا اكونت للشركة ومش عارف اللى شغال واللى بيستقبل الشكاوى ياريت لو حضرتك عندك ايميلات ليهم تبعتهالى واكون شاكر لحضرتك . وفيه دلوقتى مشكلة تانية وهيا المصيبة الاكبر انا دخلت على الجروب بتاع العربية على فيس بوك وحكيتله عن المشكلة وذكرتله ان العربية وقفت معايا مرتين والفتيس مقبلش اى امر يعنى العربية وقفت ومرديتش تاخذ اى غيار ولما سيبتها تبرد شوية راحت دارات والفتيس اشتغل وبعدين روحت التوكيل وانا داخل وعليا الدور البش مهندس محمد بيقولى طلعها قدام علشان تدخل على طول دورت ومرديتش تاخذ اى امر وبعد دقيقتين دورت والفتيس اشتغل وفيه ادمن على الصفحة قالى هاتعوز tcu اللى هو الكنترول ب 16000 الف جنيه هل الكلام دا صحيح ولا ايه . مع ان المدير كلمته وقلتله قناة الزيت دى لماتتغير الفتيس مش هايعمل الوقفة دى قالى مش هايحصل الموضوع دا تانى بالله عليك رد عليا وحسبى الله ونعم الوكيل

**mido.83** · 21-11-2015 12:44 AM

احنا عاوزين شكوى كل واحد معاه السيارة يشتكى ونبعت شكاوى جماعية وحضرتك بكلامك الرائع والمرتب تعمل شكوى يااستاذنا حضرتك هنا بتعمل مواضيع وملاك العربية لا حياة لمن تنادى مش بياخدو اى رد فعل وفيه ناس بتاخدها من قاصرها وبسقط مكن وفتيس استيراد ويكبر دماغه . محتاجين التقارير دى للشركة الام وجزاك الله خيرا

**ابو ياسمين** · 21-11-2015 12:53 AM

للأسف لا يوجد عندى ايميل خاص للشركة فى الصين ولكنى وجدت هذا على الموقع الدولى للشركة

واعتقد ممكن تراسلهم وتطلب منهم الأيميل الخاص بمن يكون مسؤل عن حل هذه المشكلة

**mido.83** · 21-11-2015 02:06 AM

شكرا ابو ياسمين

**lonedoctor** · 21-11-2015 10:15 AM

المشاركة الأصلية كتبت بواسطة mido.83

هل يعقل عربية لسة جديدة الفتيس بتاعها يبوظ مرتين فى اقل من سنة ومحتاجين رد قوى على الوكيل سىء السمعة اللى مش معبر حد واللى عليه يقولك انت برة الضمان عاوز تصلح بفلوس حسبى الله ونعم الوكيل

انا فهمت من مشاركة اخرى لسعادتك انه الشركة غيرت الجيربوكس كاملا بالمجان للسيارة لانها فى فترة الضمان
هل خرب الجير مرة اخرى؟
واذا فعلا زى مافهت كان بيحصل على كام كيلومتر من الاستعمال؟
هل عندك سيارات اخرى حتى ولو سابقا ؟واذا الاجابة نعم ما هى نوعها وهل جير مانوال ولا اوتوماتيك
هل ركب معك اى انسان السيارة وكان ليه اى تعليق على اسلوبك فى قيادة السيارة؟
تقبل تحياتى

**mido.83** · 21-11-2015 12:47 PM

اهلا بحضرتك اولا من 2007 وانا بسوق اتوماتيك ولانسر كمان اللى هيا سبورت اكشن والى الان موجودة مع الوالد هما قالو غيرنا لك فتيس وهو الموضوع لا تعيير فتيسك ولا حاجة دى كانت كلتشات وغيروها للاسف وقالو غيرنا فتيس حتى وقتها ولا كتبو فى الضمان تم التغيير ولا شىء من هذا القبيل وبالنسبة لسواقتى محدش اتكلم عليا وانا بسوق لانى زى ماقولتلك من يومى وانا بسوق اتوماتيك فا دا مش موضوعنا . دا موضوع ناس كتير جدا بتشتكى من الفتيس والتوكيل لاحياة لمن تنادى انا اعتقد انى دى سبوبة طلعاله وطالما الناس سلبية خلينى ماشى على نفس النهج اللى يعطل يصلح وبفلوس

**lonedoctor** · 21-11-2015 02:01 PM

طيب تمام عموما هو فى نسبة من دفعتين السيارة اللى نزلت من اغسطس 2014 فيها مشاكل جيربوكس وبعض الاعضاء ذكر انهم تقريبا 30 سيارة فى احد صفحات الفيس بوك
ولذلك انا قمت بتغيير زيت الجير قبل وصول السيارة الى 2000 كيلو خوفا من هذا الموضوع
لكن فى المقابل هناك احد الاعضاء اتصل بى لمعرفة طريقة تغيير الزيت وعامل 35 الف تقريبا ولا يعانى من اى مشاكل بسيارته بفضل الله وبعد التغيير وجد انه الزيت الاصل نازل نظيف جدا وتغيير الزيت لم يحدث اى تغيير فى اداء السيارة على الاطلاق
حسب شروط الضمان تفويت موعدين يفقدك الضمان والعقد شريعة المتعاقدين لكن عذر سعادتك الوحيد هو معيشتك فى مدينة تبعد كثيرا عن اقرب مركز صيانة وبالتالى اظن انه الشكوى لحماية المستهلك قد تؤتى ثمارها وتجبر الوكيل على اصلاح السيارة مجانا لهذا السبب كما تفضل اخونا الكريم ابو ياسمين
اتمنى ان تيسر لك اصلاح السيارة بتغيير نوع الزيت فورا بنوع جيد
تقبل تحياتى

**egyption88** · 15-12-2015 12:36 AM

المشاركة الأصلية كتبت بواسطة lonedoctor

طيب تمام عموما هو فى نسبة من دفعتين السيارة اللى نزلت من اغسطس 2014 فيها مشاكل جيربوكس وبعض الاعضاء ذكر انهم تقريبا 30 سيارة فى احد صفحات الفيس بوك
ولذلك انا قمت بتغيير زيت الجير قبل وصول السيارة الى 2000 كيلو خوفا من هذا الموضوع
لكن فى المقابل هناك احد الاعضاء اتصل بى لمعرفة طريقة تغيير الزيت وعامل 35 الف تقريبا ولا يعانى من اى مشاكل بسيارته بفضل الله وبعد التغيير وجد انه الزيت الاصل نازل نظيف جدا وتغيير الزيت لم يحدث اى تغيير فى اداء السيارة على الاطلاق
حسب شروط الضمان تفويت موعدين يفقدك الضمان والعقد شريعة المتعاقدين لكن عذر سعادتك الوحيد هو معيشتك فى مدينة تبعد كثيرا عن اقرب مركز صيانة وبالتالى اظن انه الشكوى لحماية المستهلك قد تؤتى ثمارها وتجبر الوكيل على اصلاح السيارة مجانا لهذا السبب كما تفضل اخونا الكريم ابو ياسمين
اتمنى ان تيسر لك اصلاح السيارة بتغيير نوع الزيت فورا بنوع جيد
تقبل تحياتى

السلام عليكم
بعد اذنك انا عربيتي l3 اوتو لسه 3200 كم وعايز اغير زيت الفتيس وقريت رد لحضرتك انك بتنصح بزيوت وولف وعرفت كل المعلومات ... عندي بس سؤال محدد
هو انا هنزل الزيت كله ولا المفروض اعمل ايه؟؟يعني لو عايز اقول اني غيرت زيت الفتيس واطمن احط زيت قد ايه؟؟

الموضوع: سؤال للاخوة الخبراء والمشرفين الكبار اللى قالو للناس على الفتيس dct هل يعقل

LinkBack

أدوات الموضوع

عرض

العرض المتطور

-

-

-

-

المواضيع المتشابهه

سؤال للناس اللى بتسافر اوروبا

هام جدا للناس اللى عندهم مشاكل فى الفتيس الdsg.....

سؤال للناس اللى راحت التوكيل

سؤال للناس اللى اشتروا السيمبول

سؤال للناس اللى متابعة السوق

الكلمات الدلالية لهذا الموضوع

المفضلات

المفضلات

ضوابط المشاركة