حملات مرور مكثفة فى الجيزة - 4 كمائن من الجيزة لفيصل !!!!!

**abouelmaggd** · 23-11-2008 03:17 AM

خللى بالكم يا جماعة كمية لجان مرور كتيرة جدا فى الجيزة بالليل متأخر - لسه جاى من المعادى اول كمين على كورنيش الجيزة بعد نفق البحر الاعظم قبل صن ست - نزلت المهندسين لقيت تانى كمين فى اخر البطل احمد عبد العزيز - تالت كمين فى اخر جامعة الدول بعد فرغلى - رابع كمين فى شارع فيصل عند الطوابق - اللجان كلها فيها ضباط رتب جامدة .

**amir** · 23-11-2008 01:16 PM

انا هعلق بس علي نقطه واحده في موضوعك و هي شارع فيصل
بحكم الظروف بروح هناك كتير بقالي فتره
ايه العك المستفذ ده
شارع عشوائي و قياده همجيه و في احسن حالاته تمشي 5 او 10 ثواني و تقف دقيقه
الله يلعن المرور و اللي ماسكينه
المفروض تتهد العماير اللي علي الصف الاول و التاني و يوسعو الشارع
انا بروح من الدائري
و المشوار من مدينه نصر لحد مدخل المريوطيه يوازي نفس الزمن من مدخل المريوطيه لفيصل
ايه القرف ده انا مش عارف الناس هناك طايقين العيشه ازاي
و انت جاي تقول لجن؟؟؟
النقل اساسا هناك بيمشي علي الشمال
ده غير الحفر و البلاعات
انا قرفت من الشارع ده

**msobhy** · 24-11-2008 12:33 PM

والله يا جماعة انا جيت من الحرفيين لغاية المريوطية تقريبا فى 35 دقيقة ومن المريوطية لغاية شارع العريش فيصل تقريبا فى ساعة
الصبر يا رب

**MoToRiZeR** · 24-11-2008 04:34 PM

المشاركة الأصلية كتبت بواسطة amir

انا هعلق بس علي نقطه واحده في موضوعك و هي شارع فيصل
بحكم الظروف بروح هناك كتير بقالي فتره
ايه العك المستفذ ده
شارع عشوائي و قياده همجيه و في احسن حالاته تمشي 5 او 10 ثواني و تقف دقيقه
الله يلعن المرور و اللي ماسكينه
المفروض تتهد العماير اللي علي الصف الاول و التاني و يوسعو الشارع
انا بروح من الدائري
و المشوار من مدينه نصر لحد مدخل المريوطيه يوازي نفس الزمن من مدخل المريوطيه لفيصل
ايه القرف ده انا مش عارف الناس هناك طايقين العيشه ازاي
و انت جاي تقول لجن؟؟؟
النقل اساسا هناك بيمشي علي الشمال
ده غير الحفر و البلاعات
انا قرفت من الشارع ده

انا معاك طبعاَ بس المشكلة في الناس مش في الوسع
و الدليل شارع الهرم أخوه .. واسع و متسفلت و حاراته تملي العين
انا كذا مرة أقف في الهرم الساعة 3 و نص بالليل .. و أكرر بالليل .. أو الفجر تكون أوقع .. و الطريق يقف تماماَ بسبب الناس اللي واقفة تاكل عند الشبراوي و راكنة صف تالت و رابع أو مش راكنة أصلاَ بيوصلوا يروحوا سايبين العربية في نص الشارع و نازلين .

الناس هي اللي بايظة .

SS · 24-11-2008 04:59 PM

المشاركة الأصلية كتبت بواسطة MoToRiZeR

انا معاك طبعاَ بس المشكلة في الناس مش في الوسع
و الدليل شارع الهرم أخوه .. واسع و متسفلت و حاراته تملي العين
انا كذا مرة أقف في الهرم الساعة 3 و نص بالليل .. و أكرر بالليل .. أو الفجر تكون أوقع .. و الطريق يقف تماماَ بسبب الناس اللي واقفة تاكل عند الشبراوي و راكنة صف تالت و رابع أو مش راكنة أصلاَ بيوصلوا يروحوا سايبين العربية في نص الشارع و نازلين .

الناس هي اللي بايظة .

تمام كده ....بس مش الناس بس المرور كمان
يعنى حضرتك لو لاحظت هتلاقى ان المشكلة سببها اساسا فى الميكروباصات اللى مبرطعة فى الشارع ...بيقف فى اى حتة يطلع حد او ينزل حد براحته ...تلاقيهم موتوا الشارع ...وسايبين حارة يتيمة هى اللى ماشية....و فجاءة تلاقى واحد بهيم مش عايز يستنى البهيم اللى قدامه ..اللى بسببهم هما الاتنين الشارع اتعطل...يقوم كاسر بكل غشم ع الحارة اليتيمة اياها ...و بكده الدنيا خربت...وتلاقى البهوات بتوع المرور سايبينهم و متفرغين للحزام و الاستيكرات.
ع فكرة احنا كده خرجنا بره موضوع الكماين لمشكلة شارع فيصل.....الا صحيح اللجان ديه بيوقفوا الناس ..و لا منظر بس ..بيعطلوا الطريق و خلاص؟!!