السيارة لانسر بوما 1300 اوتوماتيك موديل 2007 ! لمبة Srs الى فى التابلوه مش بتنطفى لما أدور العربية وتفضل منورة و العربية ماشية..!! أرجو الافادة لو فى حد قابل المشكلة دي قبل كده,
على فكرة انا لسة شاري العربية دي من 3 ايام وركبتلها انذار ووحدات رفع. وسألت صاحبها الأصلى قالي ان الحكاية دي لم تكن موجودة من قبل!
العربية عاملة 28000 كم. وانا من المنصورة.
كده عندك مشكله في الـ airbag. لازم تروح لحد عنده جهاز التشخيص بتاع العربيه و هوه هيعرفلك العيب... ممكن يكون error يتعمله rest و كله يبقى تمام.. وممكن يكن حاجه تانيه... المهم تكشف.اقتباس:
المشاركة الأصلية كتبت بواسطة waoool77
لو ملقيتش حد في المنصوره شرفني في بورسعيد و انا اوديك لصديق ليا يكشفلك على العربيه.
اكشف على حساس الايرباج بيقى ورا الاكصدام ممكن تكون غيرت حاجة او غسلتها ويكون حصله حاجة روح اقرب بنزينة واكشف بالكمبيوتر
حساس الاير باج لا يوجد خلف الاكصدام ولكن يوجد فى مقدمه صالون السياره من الداخل فى المنتصف(أمام عصايه الفتيس).اقتباس:
المشاركة الأصلية كتبت بواسطة youssef_00
أما بالنسبه للمشكله المطروحه فممكن جدا اللعب فى كهربه العربيه اثناء تركيب الانذار و وحدات الرفع أثر على توصيله من توصيلات الأير باج أو ضرب فيوزها مثلا.
شوف الفيوز اول حاجة قبل اي فحص اخر
وخللى بالك شيل كابل البطارية اثناء تركيب و فحص اي دواير كهرباء متعلقة بالايرباجز
عشان لو ضربت وانت بتدور في الكهرباء حتسبب اصابات شديدة لاي شخص في كرسي السائق
خصوصا لو الشخص دة لابس نظارة طبية ممكن تؤذي عينية
وطبعا الخسارة المادية لانفجار الايرباجز كبيرة
شوف التوكيل احسن
كانت لمبة ال srs نورت عندي قبل كده و طلع العيب في شريطة الايرباج الي في الطارة نفسها واتعملت في التوكيل في الضمان بس كانت بتروح و تيجي كل شوية مش منورة علطوول
اهلا يا دكتور وائلاقتباس:
المشاركة الأصلية كتبت بواسطة waoool77
تركيب الانذار ووحدات الرفع هو سبب المشكلة دي
حلها توصيل كمبيوتر العربية على جهاز تحليل الأعطال (الكمبيوتر) وعمل ريسيت للمبة الايرباج
التكلفة 160 ج + 10%
ممكن تعملها عندنا في قليوب المركز الرئيسي للتوكيل او جسر السويس أو عند حضرتك في المنصورة لدى مركز العدوي (مركز خدمة معتمد) وعنده الجهاز وعنوانه منتصف طريق المنصورة / المحلة - قرية ميت عساس – سمنود - بجوار بنزينة توتال
ت : 2883341 – 040
1000 شكر يا جماعة على الردود السريعة والمفيدة جدا جدا. وشكرا للأستا أحمد على دعوتك الكريمة. بس أنا عاوز أسأل المهندس طارق: هل الموضوع دة فيه خطورة ولا ممكن اؤجله كام يوم؟!! وسألت كهربائى تانى فى المنصورة قالي العيب في شريطة الايرباج الي في الطارة. وان تركيب الانذار ووحدات الرفع ممكن يكون مش هو سبب المشكلة دي. ارجو الرد من سيادتك !!
إحتمال كبير إن يكون شريط الإيرباج عايز يتغير
زي ما الباشمهندس طارق قالك الموضوع بسبب تركيب الإنذار واللعب بالضفيرة
أنا حصل معايا الموضوع ده بالضبط ورحت التوكيل وعملوا كشف الكمبيوتر وإتحلت المشكلة على طول
انا سألت في الموضوع ده وفعلا الاحتمالين قائمين : الأول مشكلة كهرباء والتاني شريط الايرباج والكشف هو اللي بيحدد المشكلة فين
يعنى ايه شريط الاير باج ؟
ومكانه فيه ووظيفه ايه ؟
ده شريط بيكون ملفوف على زور الطاره بيوصل الاشاره بين الايرباج و الضفيره بتاعه العربيه. هوه محطزط بالشكل ده علشان يلف مع الطاره من ير ما يتقطع.. و المفروض انه كمان فيه كهرباء الكلاكساقتباس:
المشاركة الأصلية كتبت بواسطة limo
انا كان حصل الموضوع ده معايا بعد تركيب الانذار
وروحت لواحد فى كوبرى القبة ووصل الجهاز بالكمبيوتر وعمل ريسيت للمبة الايرباج
الموضوع مخدش اكتر من ثلاث دقائق واتكلف حوالى 40 جنيه
طب هو فين فى كوبرى القبه مكانه بالظبط و اسمه ايه
انا اسف انا اسمع كتير انها ورا الاكصدام (وفوق كل ذى علم عليم) يا عم عادى منكم نستفيد وحصلى بردو موقف وكنت هنفجر من الاحراج كنت فاكر السيات يابانى وفى الاخر عرفت انها المانى :k4::k4::k32:اقتباس:
المشاركة الأصلية كتبت بواسطة mohamedway
اخوكم يوسف
السيات شركة أسبانيةاقتباس:
المشاركة الأصلية كتبت بواسطة youssef_00
كوبرى القبة فى الخليفة المأمون - مصر الجديدةاقتباس:
المشاركة الأصلية كتبت بواسطة ahmedaly84
بجانب وزارة الدفاع
انا مش فاكر اسمه بس هو مأجر جراج كامل مركز صيانة وهو معروف ممكن تروح هناك وتسأل عليه
شكرا يا باشااقتباس:
المشاركة الأصلية كتبت بواسطة momo44