عاااجل!!! لمبة Srs فى التابلوه مش بتنطفئ والسيارة دايرة وماشية؟!!

**waoool77** · 23-11-2008 02:33 AM

السيارة لانسر بوما 1300 اوتوماتيك موديل 2007 ! لمبة Srs الى فى التابلوه مش بتنطفى لما أدور العربية وتفضل منورة و العربية ماشية..!! أرجو الافادة لو فى حد قابل المشكلة دي قبل كده,
على فكرة انا لسة شاري العربية دي من 3 ايام وركبتلها انذار ووحدات رفع. وسألت صاحبها الأصلى قالي ان الحكاية دي لم تكن موجودة من قبل!
العربية عاملة 28000 كم. وانا من المنصورة.

**Ahmed Hassan** · 23-11-2008 04:46 AM

المشاركة الأصلية كتبت بواسطة waoool77

السيارة لانسر بوما 1300 اوتوماتيك موديل 2007 ! لمبة Srs الى فى التابلوه مش بتنطفى لما أدور العربية وتفضل منورة و العربية ماشية..!! أرجو الافادة لو فى حد قابل المشكلة دي قبل كده,
على فكرة انا لسة شاري العربية دي من 3 ايام وركبتلها انذار ووحدات رفع. وسألت صاحبها الأصلى قالي ان الحكاية دي لم تكن موجودة من قبل!
العربية عاملة 28000 كم. وانا من المنصورة.

كده عندك مشكله في الـ airbag. لازم تروح لحد عنده جهاز التشخيص بتاع العربيه و هوه هيعرفلك العيب... ممكن يكون error يتعمله rest و كله يبقى تمام.. وممكن يكن حاجه تانيه... المهم تكشف.
لو ملقيتش حد في المنصوره شرفني في بورسعيد و انا اوديك لصديق ليا يكشفلك على العربيه.

**youssefmustang** · 23-11-2008 06:03 AM

اكشف على حساس الايرباج بيقى ورا الاكصدام ممكن تكون غيرت حاجة او غسلتها ويكون حصله حاجة روح اقرب بنزينة واكشف بالكمبيوتر

**mohamedway** · 23-11-2008 06:58 AM

المشاركة الأصلية كتبت بواسطة youssef_00

اكشف على حساس الايرباج بيقى ورا الاكصدام ممكن تكون غيرت حاجة او غسلتها ويكون حصله حاجة روح اقرب بنزينة واكشف بالكمبيوتر

حساس الاير باج لا يوجد خلف الاكصدام ولكن يوجد فى مقدمه صالون السياره من الداخل فى المنتصف(أمام عصايه الفتيس).

أما بالنسبه للمشكله المطروحه فممكن جدا اللعب فى كهربه العربيه اثناء تركيب الانذار و وحدات الرفع أثر على توصيله من توصيلات الأير باج أو ضرب فيوزها مثلا.

**د-احمد عبد اللطيف** · 23-11-2008 07:04 AM

شوف الفيوز اول حاجة قبل اي فحص اخر
وخللى بالك شيل كابل البطارية اثناء تركيب و فحص اي دواير كهرباء متعلقة بالايرباجز
عشان لو ضربت وانت بتدور في الكهرباء حتسبب اصابات شديدة لاي شخص في كرسي السائق
خصوصا لو الشخص دة لابس نظارة طبية ممكن تؤذي عينية
وطبعا الخسارة المادية لانفجار الايرباجز كبيرة
شوف التوكيل احسن

**M689** · 23-11-2008 08:15 AM

كانت لمبة ال srs نورت عندي قبل كده و طلع العيب في شريطة الايرباج الي في الطارة نفسها واتعملت في التوكيل في الضمان بس كانت بتروح و تيجي كل شوية مش منورة علطوول

**مصراوي جدا** · 23-11-2008 09:36 AM

المشاركة الأصلية كتبت بواسطة waoool77

السيارة لانسر بوما 1300 اوتوماتيك موديل 2007 ! لمبة Srs الى فى التابلوه مش بتنطفى لما أدور العربية وتفضل منورة و العربية ماشية..!! أرجو الافادة لو فى حد قابل المشكلة دي قبل كده,
على فكرة انا لسة شاري العربية دي من 3 ايام وركبتلها انذار ووحدات رفع. وسألت صاحبها الأصلى قالي ان الحكاية دي لم تكن موجودة من قبل!
العربية عاملة 28000 كم. وانا من المنصورة.

اهلا يا دكتور وائل

تركيب الانذار ووحدات الرفع هو سبب المشكلة دي

حلها توصيل كمبيوتر العربية على جهاز تحليل الأعطال (الكمبيوتر) وعمل ريسيت للمبة الايرباج

التكلفة 160 ج + 10%

ممكن تعملها عندنا في قليوب المركز الرئيسي للتوكيل او جسر السويس أو عند حضرتك في المنصورة لدى مركز العدوي (مركز خدمة معتمد) وعنده الجهاز وعنوانه منتصف طريق المنصورة / المحلة - قرية ميت عساس – سمنود - بجوار بنزينة توتال
ت : 2883341 – 040

**Sharky** · 24-11-2008 10:37 AM

إحتمال كبير إن يكون شريط الإيرباج عايز يتغير

**affosah** · 24-11-2008 09:45 PM

زي ما الباشمهندس طارق قالك الموضوع بسبب تركيب الإنذار واللعب بالضفيرة

أنا حصل معايا الموضوع ده بالضبط ورحت التوكيل وعملوا كشف الكمبيوتر وإتحلت المشكلة على طول

-

الموضوع: عاااجل!!! لمبة Srs فى التابلوه مش بتنطفئ والسيارة دايرة وماشية؟!!

LinkBack

أدوات الموضوع

عرض

عاااجل!!! لمبة Srs فى التابلوه مش بتنطفئ والسيارة دايرة وماشية؟!! - انشر الموضوع فى :

-

-

المواضيع المتشابهه

مشكلة كبرى كرولا 2009 لمبة الموتور نورت والسيارة لا تسحب

لمبة الباب فى التابلوه

عاجل عاااجل عاااجل عااااااجل

لمبة التابلوه

ممكن حد يشرح لي الفرق بين السيارات 2×4 والسيارة 4×4 والسيارة العادية

الكلمات الدلالية لهذا الموضوع

المفضلات

المفضلات

ضوابط المشاركة