فكر جامد في متسوبيشي اتراج ومتسألش غير ملاكها
عرض للطباعة
فكر جامد في متسوبيشي اتراج ومتسألش غير ملاكها
أنا اللي اعرفه لأَنِّي لِسَّه هشتري ان توكيلها هو عز العرب اللي موجود عند ابو رواش اول الصحراوي و معرفش فروعه التانية فين ، و ان سعرها ١١٢ الف للمانيوال و ١١٩ الف للاوتوماتيك ، و لحد دلوقتي اللي اعرفه عن عيوبها ان في بعض الناس كانت بتشتكي في الموديلات القديمة من بعض عيوب التقفيل ، لكني ميزتها موتورها و ثباتها و صاجها
الوتوماتيك ب 119000 و التوكيل عز العرب على طريق اسكندرية الصحراوى قبل داندى مول وقبل بنزينة امارات مصر , فى كمان مركز رئيسى فى الدقى فى شارع المتحف الزراعى تقريبا تحت كوبرى 6 أكتوبر. فى معرض كويس انا اتعاملت معاه اسمه الحاوى فى شارع الطيران , وده موزع معتمد وناس محترمين كمان.
الجين 2 جميلة
بس اعادة بيع مش حلوة
وقطع غيارها مش كلها متوفرة
انت مجبتش سيرة الصني
اعتقد ان الصني هو وحش الفئة ديه
اولا انا متشكر جدا علي الرد، صحيح ان الصني اوسع و شنطة اكبر و عائلية اكتر، لكن صاج اضعف و خفيفة علي الطريق، و ده عن تجربة، لانها للاسف كانت مع واحد صاحبي و موضوع ثبتها ده خلاها قلبت بيه بس الحمد لله ربنا سترها معاه و طلع سليم، من الاخر انا بشوفها عربية مدينة لكنها مش حمالة اسية و الله اعلم
سي اليزيه مضمونة اكتر منهم كلهم
و انا بشتري رجت شوفت اتراج قفلت منها صغيره و تكيف ضعيف تناسب سيده و داخل المدينه لكن سيارة عائلة و سفر لا
كنت محتار بين بيرسونا و السي اليزيه
رحت معرض ركبت جين 2 و الاليزيه
الاليزه احلي و اجمل و اوسع و اكثر في الاوبشن
توكلت علي الله و اشتريتها من 3 شهور و هي بسم الله ما شاء
نصيحه متسمعش كلام حد مجربش و يا ريت تروح و اركب العربية الاول و لو تعرف تجربها كمان يبقي احسن
و اخيرا استخير ربنا قبل الشراء بالتوفيق