فكيت حساس الشكمان ونضفتة بايدي ملقتش wd40 مزيل الصدا فجيت البديل التركي وامري لله A40 بس الحمد لله دخلت الورشه في الشغل وشلت العدة اللي انا محتاجها اة نسيت اقول اني شغال HR في مصنع المهم جبت العدة وفكيت الحساسا ورشيته بمزيل الصدأ ونضفته بالهواء (الكمبريسور ) وجبت حته صنفرة من النقاشين وادتها صنفرة لقيت راس الحساس بقت مرايه فضي ركبته تاني وبقي زي الفل الحمد لله نسيت اقول هام جدا قبل فك الحساس فصل طرف البطاريه السالب علشان نفتح الدايرةوميبقاش في كهربا واصله علشان منبرجلش الكمبيوتر المهم ركبت الحساس تاني ولمبه الEPC طفت المهم ركبت المفتاح وسبته 5 دقايق (مهم جدا قبل ما تدور بعد ما تفصل البطاريه فترة لازم تسيب المفتاح من غير ما تدور علشان الكمبيوتر يظبط نفسه ويعمل اتشك ) ودورة والحمد لله اللمبه منورتش قلت وانا مروح بقي اشوف هتنور تاني ولا لا انا ساعات لما كنت افصل البطاريه كانت تطفي نص ساعه وتشتغل تاني هجرب بقي واشوف لما اروح هتنور تاني ولا لا ادعولي متنورش بدل ما اضطر اجيب حساس ب 290 جنيه في شبين الكوم اسمع انو ب 150 و 170 في القاهرة بس معرفش فين
اي خدمه نقلت تجربتي ادعولي الموضوع ينفع