الموضوع: مطلوب خريطه علبة فيوزات

المشاركة الأصلية كتبت بواسطة mecha

جميل،
لكن المشكله بتكون في الاخرام الصغيره اللي
بيقرا بسببها الحساس
او تلف المكونات الالكترونيه الداخليه

فعلا لمبه الepc نورت تاني ورحت امبارح لواحد في شبين الكوم كشفت كمبيوتر عليها طلع فعلا مشكله حساس شكمان قالي ممكن تبقي من الرشاشات ولما ننضفها اللمبه تطفي وعملي رسيت للكمبيوتر وفك الرشاشات ونضفها وعملي حوار علي ما ركبها وقطعلي الجلبه بتاعت البوابه اللي تحت الغطا الفبر وخد 150 جنيه وحطيت الجبله كدة ومش لاقي زيها مش عارف اجبها منين المهم واللمبه نورت وانا راجع في الطريق فكلمت الراجل قالي لا لازم تجبلي العربيه تبات عندي علشان الفرن يبرد علشان هنفكه وننضفه ونركبلك حساس استيراد ب 250 جنيه ونخرطلك العلبه علي المخرطه

حسيت انو بيعمل فلم فقلت لا فكني منه واشتري انا الحساس واركبه وخلاص

ولا لازم انضف الفرن ؟

وشكرا