الموضوع: عربيه فى حدود 160

المشاركة الأصلية كتبت بواسطة egy_fan

السلام عليكم. كنت عايز راى الخبرا ايه احسن عربيه فى العربيات دى

- السنترا: التقفيل المحلى مش مضمون و العربيه غير رياضيه و الوكيل سمعته وحشه جدا و شكلها مش عاجبنى اوى
- الشارك: استهلاك بنزين عالى و قطع غيار غاليه و فيها مشاكل
- السيراتو: جميله بس موضوع السرقه قفلنى منها خالص
- الكروز: عجبتنى جدا بس سمعه الشكل القديم سيئه
- السيتى: جميله جدا بس مش موجوده فى الشارع خالص و هوندا قطع غيارها غاليه
- الياريس: بدون مشاكل بس خفيفه جدا

انا اهم حاجه عندى ان العربيه استجابتها وسحبها كويسين و مصاريفها مش كتير يعنى كويسه فى البنزين و قطع غيار

انا معايا دلوقتى لانسر بوما سوبر اكشن

شكرا للردود

من الاختيارات دى، أظن الشارك.
ممكن كمان تبص على الفلوينس والتوليدو

سيات توليدو الصفقه الرابحه

المشاركة الأصلية كتبت بواسطة egy_fan

شكرا يا ياشا على الرد بس ليه الشارك

العيوب اللى حضرتك كاتبها مش مشهورة اوى عن العربية. هى توكيلها على قده شوية بس بقالها فترة فاكيد لها مراكز صيانة معتمدة كتير.
بس رأيى التوليدو والفلوانس أفضل من كل الخيارات اللى انت كاتبها

انا معايا شارك 2016 و توليدو 2015 و هقولك الفرق.
الشارك مش حوت بنزين قوي, و جوه البلد فرق الاستهلاك مش كبير, علي الطريق التوليدو موفره اكتر عشان الفيتيس 6 سرعات.
و بمناسبة الفيتيس, الشارك 4 سرعات بس مريح, التوليدو تحس ان الفيتيس غبي, بيفكر عشان يجيب النقله لما تكون السرعه قلت, يقعد ثانيه كده عشان يلقط.
عفشة التوليدو انشف بكتير من الشارك.
شنطة التوليدو تحفه, قد الشارك مرتين و تاخد قدها 3 مرات عشان لفت باك.
الخامات الداخليه متقاربه جدا.
ثبات التوليدو احسن.
و لو عايز التوليدو هتدور عليها كتير عشان السحب عليها عالي و الاستيراد قليل و مافيش منها خليجي.

السنترا وكيلها من اسوأ التوكيلات في مصر.
عنده قضية غش تجاري، بيركب قطع مضروبه علي انها اصلي.
نسيت اقول حاجه عالتوليدو، الموتور و الفيتيس اتغيرت فال2016.
يعني ممكن الفيتيس يبقي احسن، لأنه بقي فيتيس الاوكتافيا.

ممكن تدخل في المقارنة الليون اول فئه ب١٦٠