الموضوع: كوبلن شاريد 1990

الكوبلن الشمال شاريد 1990 بتاعتى بدأ يطقطق لما اكسر الدركسيون على الاخر ...ايه رأى الخبراء اغيره دلوقتى والا استنى لما يطقطق دون كسر الدركسيون حسب رأى البعض ولو ها اغيره دلوقتى ينفع اى عفشجى جنبى والا زم الحرفيين وهل هو موجود واين ولو امكن سعره يا اصدقاء وخاصة الاخ المحترم محمد عبد الرحيم اللى انا واضح انى ماشى على خطاه

كمان فيه زيت بيلمع عل الحديد من تحت رغم ان الزيت ما بينقصش بدرجة ملحوظة فى ال 3000 كيلو اللى بيغيره بعدها ..فيها مشكلة دى ؟؟؟

اشكرك على المساعدة

شكرا يا استاذ محمد على الاهتمام

الميكانيكى بتاعى قال لى انه هو سيكشف على الكبالن .. وانه خبير فى العفشه ثم قال لى محتاج كوبلنين و2بارات و 2مقص امامى ...كل ده عايز يتغير ولكن يمكن استخدام المقصات القديمة لفترة من الوقت رحت اشتريت
2كوبلن ب 280
2بارات ب 125
وقام بتركيبهم واختفت الطقطقة والدركسيون بقى انعم
المهم حسيت بهزة فى العربيه قال لى دى من القاعده الامامية رحت اشتريت واحده كاوتش ب 100 جنيه وقام بتركيبها فى ساعه
مشيت من عنده حاسس ان الهزة زادت وباينه فى التابلوه والدركسيون (يعنى رجرجة وتخبيط خفيف كده فى الدركسيون)
هل ممكن يكون ما ربطش الموتور فى القاعده كويس والا من الحاجات اللى تم تركيبها سابقا والا من الكاربرتير والا ايه العبارة ؟؟؟

اشعر بالاحباط والغيظ ..

المشاركة الأصلية كتبت بواسطة mecha

طالما ظهرت بعد تركيب القاعده ، يبا
في حاجه مش مظبوطه، القاعده مختلفه او سيءه
او نسي حاجه اثناء التقفيل
مبروك الكبالن ، خارجيين مش كدا ؟؟
سعرهم رخيص ماشاء الله
دول جداد ولا استعمال؟؟

بارك الله فيك
الكبالن جديدة من استيراد زيدان نفسه اللى فى الدقى ومش صينى (مش فاكر كورى أو تايوانى) وخارجيه
بالنسبة للرجه هو الميكانيكى كان بيحاول يظبط الكاربرتير علشان خليته يفكه وينضفه وقال الى ان بيك السلانسيه كان ملغى وحاول يشغله تانى ...ممكن يكون ده سبب تانى للرجه خاصة وان قاعدة الموتور سليمه ولا تختلف شيئا عن اللى كانت راكبه
انا ان شاء الله ساعدى عليه اليوم -بعد ان تجاوزت الصدمه -واخليه يراجع على اللى عمله ويا رب ينفخ فى صورته
وها احاول اشوف بيك السلانسيه عند مين علشان اجيب واحد جديد ان امكن