مشكلة فى فيات سيينا 2000 1400

**pody342** · 27-11-2015 11:39 PM

يوم 2 / 9 / 2015 الماضى اشتريت فيات سيينا موديل 2000 1400 سى سى
واتعلمت السواقه عليها كان صاحبها اللى اشتريتها منه كان رافع دواسة الدبرياج بعد فتره لقيت سحب السيارة بطىء وبتمشى بالقوة وديتها لميكانيكى قالى عايزة ديسك واسطوانة وقالى علشان انت لسه بتتعلم
جبت ديسك واسطوانه ايطالى ب 500 جنيه واخد 250 جنيه تركيب بعد ما ركبه كان المارشدير تقيل يقعد كتير على ما يظبط بعد فتره زهقت ورحتله ظبطه وفضلت ماشى بيها من اسبوع كانت ماشيه تمام فجأه وانا طالع مطلع صوت الماتور على وبعدين بطلت جيت ادورها بتدور ولكن ماتمشيش انقل ولكن ماتمشيش جبت الميكانيكى قال عايزه ديسك وقالى رجلك تقيله على الدبرياج وانا فى الطبيعى جدا ما بدوس دبرياج غير عند النقل او فى المطبات والزحام
ياريت اعرف فين المشكله هل العيب فى نوع الديسك لان واحد قالى ان التركى افضل من الايطالى لانه صينى وبيكتبه عليه ايطالى ولا المشكله فى الميكانيكى ركب حاجه غلط ولا فى مشكله فى السيارة بتحرق ديسكات ولا المشكلة فى سواقتى انا مع انى واثق انى ما بدوش ديبرياج غير عند الحاجه
اسف للاطالة بس يايرت حد يقولى اعمل ايه

**ahmed_moeaz** · 28-11-2015 04:12 AM

250 تغيير ديسك واسطوانة ده اسمه افترا ، حضرتك اول حاجة هتغير الميكانيكى وهتروح لميكانيكى محترم وامين
الله اعلم انا شاكك انه حطلك الديسك القديم اصل مفيش مبرر ابدا للى انت بتقوله ان ديسك واسطوانة يضربوا بعد اسبوع انت لو الاسبوع كله جايب الدواسة على الارض مش هيحصل حاجة ، شوف ميكانيكى محترم وامين زى مقولتلك

**rotanamasoud** · 28-11-2015 11:21 AM

نفس الكلام لو انت ايه حتى عمرك ما تقدر تخلص ديسك واسطوانه فى 6شهور مش اسبوع
اعتقد اتنصب عليك انت اخدت الديسك والاسطوانه القدام وشوفته وهو حالل ولا لا

**pody342** · 28-11-2015 02:16 PM

شكرا ليكم على ردكم
توضيح بسيط هو المده مش اسبوع انا ركبت الديسك والاسطوانه فى اواخر شهر 9 والعربية عطلت 16 / 11 يعنى تقريبا 50 يوم
اللى فهمته من كلامكم انه مايلحقش يبوظ
هو ورالى الديسك القديم وقالى شوف متاكل ازاى بس ما اخدتهوش وما شفتهوش وهو بيركب الجديد لانى سبتله العربية ورحت شغلى وجيت فى السهرة استلمتها ..
انا كنت ناوى اوديهاله تانى بس بعد كلامكم هدور على حد تانى
سؤال اخير معلش هل يكون فى عيب فى العربية يبوظ الديسك والاسطوانه علشان كده اللى كنت شاريها منه كان رافع الدبرياج

**ahmed_moeaz** · 28-11-2015 04:49 PM

مجموعة الدبرياج مستقلة ، حتة رفع الدواسة دى ممكن يكون هو متعود على السواقة كده فيه ناس بتحب تعليه الدبرياج مع انهم عارفين انها غلط جدا وحمل على الماكينة والمجموعة بس بيحبوا راحتهم وسلاسة فى السواقة ، عامة لازم تختار ميكانيكى بعناية ويكون محترم محترم واميـــــــــــــــــــن ويا سيدى الفاضل لازم حضرتك تاخد الطقم القديم اللى متركب على اساس انك تجيب زيه تمام وتنزل تشترى طقم جديد وتحتفظ بالقديم لغاية مالتانى يركب ويشتغل وحرص فى معاملاتك مع الميكانيكة