اشكرك :)
عرض للطباعة
انا عربيتى سيراتو 2014 لسة امبارح كنت فى توكيل كيا غيرو لى الزيت وحطه شيل السوبر الاصفر 15w50 لانى بستعمل العربية قليل مرتين فى الاسبوع بس لاحظت ان استهلاك البنزين زاد شوية والسحب قلللل لانها كانت بتطير قبل تغيير الزيت السوال مافيش زيت بين الالترا والسوبر يبقى خفيف شوية و7000 كليو مثلا ولا اكمل على السوبر من غير مشاكل فى الموتور والعربية عاملة 14600 كليو
قبل ما أقوللك إذا كان فيه زيت ينفع ولا لأ... عايزك بردو تفتح الكتالوج وتشوف بنفسك... علشان ما تديش لحد فرصة يشتغلك...
عموما... دي صورة صفحة الزيت في كتالوج السيراتو 2014..
http://nileup.com/up/watermark.php?s...717191.jpg&p=c
http://nileup.com/up/watermark.php?s...717202.jpg&p=c
أول حاجة.. لازم الزيت اللي تحطه يكون واخد تصنيف API SM (أو API SN) ... يعني مش أي زيت ينفع يتحط..
وأنا أشك إن الزيت اللي اتحطلك يكون واخد التصنيف ده...
وكمان يفضل يكون واخد تصنيف ACEA ِA5... وده مش هتلاقيه إلا في الزيوت الخفيفية زي (5W-30).. ومش كل الزيوت الـ5W-30 واخدة التصنيف ده... فلازم تبص على العلبة كويس قبل ما تشتري...
ولو ما لقيتش A5 .. اتأكد إن العلبة مكتوب عليها ACEA A3
بعد كده ابقى دور على اللزوجة والكلام ده..
اللزوجة العالية أكيد هتقلل السحب وتزود استهلاك البنزين.
وحسب الكتالوج.. فاللزوجات اللي تنفع في السيراتو من غير مشاكل هي:
20W-50 (تقيل وهيقلل السحب)
15W-40 (تقيل وهيقلل السحب)
10W-30 (نص نص)
5W-40 (كويس)
5W-30 (أخف حاجة وأكتر واحد موفر في البنزين... بس لو سواقتك كلها شد وجري بلاش منه).
وما تحطش أي لزوجة تانية غير دول.
...
ولا فيه اي مشكلة خالص
وده زيت موصي به
كمل بيه عادي
عموما صوت الماكينه هتلاقيه بيعلي شوية بعد 6000 كم
ده عادي جدا ومفيش منه مشكلة
وعلى اي حال الموبيل 50-5 ده هيتوقف ومش هينزل تاني بعد فترة !!
بس هو زيت ممتزا وانا مش بحط غيره
وعموما سواء 50-5 او 40-5 مش هتفرق معاك ولا هتحس بالفرق
يا فندم التوكيل مش بيجيب زيت مخصوص... كل الزيوت اللي التوكيلات بتستخدمها موجودة بره في البنزينات ومحلات بيع الزيوت .. وتقدر تروح أي واحدة منهم وتشوف مواصفات الزيت بنفسك..
لو عايز تعرف معنى الأكواد دي إيه .. فالمسألة سهلة ومش معقدة... وادخل على الموضوع ده علشان تعرف..
http://www.nilemotors.net/Nile/341680-a.html
والنسبة لموضوع الكيلومتر الكتير.. فده مالوش دعوة باللزوجة.. إنما له دعوة بإمتى تغير الزيت.. وبالنسبالك.. غير الزيت كل سنة مرة لو بتحط زيت تخليقي.. مهما عملت من كيلومترات ما دام ما عدتش ال10 آلاف كيلومتر.
...
:11:
من 3 أيام العربية كملت معايا سنتين... عامل بيها لحد دلوقتي أكتر من 42 ألف كيلومتر. ..
وعايز أنبه حضرتك لحاجة مهمة...
العربية فيها حاجات بتبوظ من الركنة.. وحاجات تانية بتبوظ بمجرد مرور الوقت.. حتى بدون استخدام..
زي الأجزاء المطاطية والكاوتش.. مجرد مرور 5 سنوات بيخليها معرضة للتشقق والتحلل حتى بدون أي استخدام.. وده السبب الرئيسي في إن معظم العربيات بتبدأ مشاكلها تظهر بعد 5 سنين..
توقع مشاكل في خراطيم المياه والسيور وكاوتش العجل.. وأي أويلسيلات وجوانات..
مش بفول عليك والله... بس ده الطبيعي اللي ببحصل مع كل الناس.
...