الموضوع: اشتريت عربيه اسبيرنزا a516 متسقطلها ماتور مايفك 2400 سى سى فيه مشاكل

بسم الله الاول ويارب اعرف اوصل الموضوع
انا اشتريت عربيه اسبيرنزا a516 من اسبوعين موديل 2009 متسقطلها ماتور لانسر مايفيك 2000 سى سى (زى ما صاحبها قالى) اتوماتيك .وطبعا اول اما شفتها عجبتنى جدا عشان واسعه واوبشنز حلوه بالنسبه لسعرها وسحبها كان جبااااااار لدرجة انى لما كنت بدوس بنزين بحس ان العربيه هترفع حصان وهتعرفو ليه فى السطر الجاى ان شاء الله .ختها كشفت عليها فى بنزينه قالى حاله ممتازه وفبريكه والماتور حلوو تمام .صليت الاستخاره وسجلت وجبت العربيه تحت باطى وجيت,وبدأت المأساه
صحيت تانى يوم وقلت انزل اخد لفه بعربيتى الجديده ودورت العربيه ومشيت بالعربيه 20 متر وراحت مبطله ,سميت ودورت تانى 10 متر وراحت مبطله ,رحت متصل بالى اشتريت منه العربيه ,قالى انا نسيت اقولك دى حاجه بسيطه سيبها تسخن 5 دقائق بالظبط مش هتبطل ودا الى حصل بالظبط بس وانا ماشى على الدائرى قرب نفق السلام (يعنى مشيت بتاع 30-40 كيلو) وبدوس بنزين كأن مافيش دواسه ادوس على الاخر ولا اى حاجه هى طبعا فضلت ماشيه على السلانسيه بتاعها وانا اديت اشاره يمين وقاعدت 10 دقائق عقبال ما عرفت اركن واتشتمت شتيمه بعمرى وبطلت ودورت اشتغلت الدواسه تمام عملتها معاى 4 مرات
انا طبعا ما رجعتش على البيت,رجعت على كهربائى وكانت الطامه الكبرى انو قالى انا مش بشتغل فى النوع دا من المواتير لانو نادر,قلتلو نادر ايه دا لانسر 2000 سى سى راح ضاحك وقالى دا لانسر مايفيك 2400 سى سى ومش هتلاقى حد يشتغل فيه ولو لقيت مش هتلقي قطع غياره,المهم وصفلى واحد تانى قالى نفس البقين . بس دا شكلى صعبت عليه فسألنى ياترى اما تدورها وتسيبها ال rpm بيزيد وينزل لوحدو قلتلو بالظبط قالى كده ياما عيب بوابه او الفيشه الى راكبه فى حساس دواسة البنزين او الحساس نفسه فا لازم تتحط على جهاز ,بعتنى لواحد تانى فتح الكابوت ودور العربيه ,يلمس الفيشه بى ايدو يعلى صوت الماتور ,يسيبها يوطى صوت الماتور قالى الدنيا واضحه اهى كده الفيشه عايزه تتغير ,قلتله اجيبها منين قالى انزل الحرفين وربنا معاك
نزلت الحرفين ادور ادور ادور مافيش امل فا صعبت على واحد تانى سالنى فى ايه ,قلتله قالى طيب نحطها على الكبيوتر نشوف قلتله حطها المهم حطها وقالى فى ضعف فى البوابه قلتله ياريتك ماكنت حطيتها انا خلصت من الفيشه عشان تقولى بوابه
رجعت للراجل الى قالى فيشه قالى البوابه ملهاش دعوه وانا هسبتلك راح منضف الفيشه باسبراى وقالى جرب,مشيت بالعربيه 3 ايام زى الفل (اقصد دواسة البنزين بس برضه لازم اما ادورها اسيبها تسخن 5 دقائق ياما تبطل منى مرتين تلاته عقبال ما تسخن) وهب رجعت مشكلة الدواسه تانى فانا اتاكدت ان الدواسه مشكلتها فى الفيشه بس انها تبطل دى مش عارف من ايه والاهم مش عارف الاقى الفيشه فين بليييييييز حد يساعدنى
ماتور مايفك 2400 سى سى ,اتوماتيك,بوابه كهربه ,بستخدم بنزين 92 ,هحط صورته وصورة الفيشه
اسف للاطاله


تم تعديل العنوان ليتناسب مع المحتوى
م.ع 7

المشاركة الأصلية كتبت بواسطة lancer06

معلش متزعلش الحمد لله انها جت على قد كده المشكله فى الفهلوه اللى موديانا فى داهيه
بس انت ليه تشترى عربيه ملعوب فيها
ال ٥١٦ مبتنزلش اتوماتيك وعلشان صاحبها يحل العجز دا حولها لاتوماتيك بتغيير الموتور والفتيس
ومعلش عاوز اسألك على حاجه
اتأكدت ان رقم الموتور مطابق للى فى الرخصه ضرورى تتأكد لان الموتور اللى متركب فى العربيه دلوقتى لازم يكون مثبوت فى الرخصه والا هتغيره تانى لان مفيش افراج جمركى
واسأل مالك العربيه الاول اذا كان موتور العربيه الاصلى بالفتيس موجودين عنده ولا باعهم
انا اسف متفهمش انى بعقدك ال٥١٦ عربيه ممتازه من جميع النواحى

انا اعرف ازاى بقى ان الماتور مثبوت على الرخصه ولا لا
هو قالى انو مثبوت بس طبعا انا مبقتش اصدق اى حاحه منه

المشاركة الأصلية كتبت بواسطة pepo2011

تتاكد لو نفس رقم الماتور هو الموجود في الرخصة
ثانيا الماتور اللي عندك ده فعلا ناااادر جدا امامك حل من 2
تنزل بورسعيد الافضل لان اللي هنا كلهم هايشتغلوك
انت محتاج كهربائي او ميكانيكي ناصح شوية لانه ممكن يعدل الفيشة دي بحاجة موجوده ومتوفرة
وربنا يعينك عليها بس تاكد انها لما تتظبط انشاء الله هاتعجبك العربية دي جميلة والماتور ده جااااامد جدا

كلامك طمنى شوية بس تعرف بقى كهربائى شاطر وذكى يعمل الموضوع الى حضرتك بتقول عليه ده .
سؤال تانى بقى معلش اجيب رقم الماتور ازاى عشان اقارنه بالى فى الرخصه.يعنى بيبقى مكتوب عليه ولا من المرور ماعلش انا غشيم شويه فى العربيات بس الحمد لله شاطر فى مهنتى

المشاركة الأصلية كتبت بواسطة dr.ma7med

كلامك طمنى شوية بس تعرف بقى كهربائى شاطر وذكى يعمل الموضوع الى حضرتك بتقول عليه ده .
سؤال تانى بقى معلش اجيب رقم الماتور ازاى عشان اقارنه بالى فى الرخصه.يعنى بيبقى مكتوب عليه ولا من المرور ماعلش انا غشيم شويه فى العربيات بس الحمد لله شاطر فى مهنتى

السلام عليكم ورحمة الله وبركاته شهادة بيانات من المرور التابعة لة ومطا بقة بصمة او رقم الموتور العربية 516 حلوة عيبها ان الموتور الاصلى من الالتمونيوم بمعنى زى وش السلندر المونيوم مش حديد الانفى الجديدة موتورها كويس بلوك حديد وش سلندر التمونيوم وده الطبيعى لكل المحركات 516 حلوه بموتور ميتسيوبيشى 1600 فتيس مانيوال

المشاركة الأصلية كتبت بواسطة Mohamed Desoky

السلام عليكم ورحمة الله وبركاته شهادة بيانات من المرور التابعة لة ومطا بقة بصمة او رقم الموتور العربية 516 حلوة عيبها ان الموتور الاصلى من الالتمونيوم بمعنى زى وش السلندر المونيوم مش حديد الانفى الجديدة موتورها كويس بلوك حديد وش سلندر التمونيوم وده الطبيعى لكل المحركات 516 حلوه بموتور ميتسيوبيشى 1600 فتيس مانيوال

شكرا يافندم لاهتمامك وان شاء الله اول اما اعمل الفيشة دى هروح المرور اجيب شهادة البيانات دى
بس حد يقولى بقى اعمل الفيشه فين

المشاركة الأصلية كتبت بواسطة amr011111

من غير شهداة بيانات انت معاك رخصة العربيه مكتوب فيها رقم الموتور. هتشوف رقم الموتور اللى راكب عندك نفس الرقم الموجود فى الرخصه وﻻ ﻻء

انا رافع صورة الماتور قدام حضرتك ياريت تقولى بيبقى مكتوب فين رقم الماتور عليه,ولا بيبقى مكتوب من تحت .
انا اسف انا قلت انا غشيم شويه فى العربيات

المشاركة الأصلية كتبت بواسطة amr011111

من غير شهداة بيانات انت معاك رخصة العربيه مكتوب فيها رقم الموتور. هتشوف رقم الموتور اللى راكب عندك نفس الرقم الموجود فى الرخصه وﻻ ﻻء

ممكن اعرف من حضرتك ازاى اقدر اجيب رقم الموتور اللى فى البلوك جميع السيارات رقم الموتور فى رموز غير الرقم مثال ax da بلاضافة ان الرقم فى مكان اكيد ديق وصعب والراجل بتاع المرور بينام تحت العربية ومعه ورقة بيضة وقلم رصاص وينظف مكان الرقم ويلزق الورقة على مكان الرقم ويشخبط على الورقة لحد مالرقم والرموز اللى حولية تطبع فى الورقة وصعب على اى حد يقرا الرقم اللى بلطريقة دى ولة عند حضرتك الرقم فى وش السلندر واسف لحضرتك