الموضوع: عايز انقل الرخصه من مرور لمرور

السلام عليكم
دلوقتى انا اشتريت عربيه مستعمله بعقد فى الشهر العقاري
الرخصه ساريه سنتين على مرور الاميريه
باسم صاحبها القديم طبعا
عايز حاليا انقل الرخصه باسمي على مرور مصر الجديده الانا تبعه
ايه الاجراءات المفروض اعملها بالظبط
عشان اول مره فى حياتي اتعامل مع المرور
شكرا

هتروح المرور الجديد وترفع بصمة العربية وتطلع على مهندس الفحص هيطلب مطابقة البصمة فهتروح المرور القديم تطابق البصمة وتجيب شهادةبيانات العربية لو الرخصة انتهت .. اما لو الرخصة ساريه فانت مش محتاجها ..وتدفع مخلفاتك وترجع المرور الجديد تشتري ورق تجديد رخصة وتدخل على موظف التراخيص هيعمل لك تقدير رسوم تروح الخزنة تدفعهم وترجع له هيطلع لك الرخصة ولازم طبعا البطاقة تكون معاك

عموما انت حظك حلو لان مرور الاميريه مرور مريح ونضيف وكذلك مرور مصر الجديدة من الوحدات المريحه في التعامل

اعتقد كده مش هتغير لوحات معدنيه لانك نفس المحافظة