فرصه للاستثمار بالصين

**Yasser Farid** · 08-12-2015 03:16 PM

السلام عليكم
انا حاليا في الصين للعمل من 3 شهور ومعايا اقامه هتجدد لسبع سنين ان شاء الله
المدينه اللي ساكن فيها كلها مصانع لكن للاسف مفيش متاجر الا للاجهزه الالكترونيه واسغارها شايفها زي مصر مش رخيصه يعني
طبعا بدات كورسات لغه صيني قريب ومن المتوقع ان اتقنها خلال سنه ان شاء الله
لكن علي بعد بسيط مني مدينه تحاريه جدا اسمها كوانزو واسمع ان العرب بيشتروا منها كل بضاعتهم
مش عارف ابدء استثمر ازاي واستثمر في ايه
انا عاوز ابدء استثمر بباقي راتبي - يعني مش معايا مبلغ كبير ابدء بيه - هل في فرصه ان اعرف اتلاقي مع مستثمرين مصريين معاهم فلوس ونتعاون؟
شكرا جزيلا

**marsguy** · 08-12-2015 04:12 PM

إن شاء الله لما تتقن اللغه اشتغل مترجم صيني - عربي للتجار المصريين والعرب اللي رايحين يتفقوا على صفقات.

التجار دول بيكونوا في أمس الحاجه لمترجم ولما كمان يلاقوا مترجم من جنسيه عربيه زي حضرتك ده ممكن يخليهم يدفعولك أكتر بكتير

ربنا يوفقك

**حسام الغرباوي** · 08-12-2015 08:15 PM

انا بدرس مشروع حالياً واحتمال خلال 3 شهور اسافر كوانزو ان شاء الله اجيب بضاعة مع العلم اني هنزلها السعودية مش مصر ...لو انتا نزلت كوانزو قولي اسألك شوية حاجات كدا ياريس

**م أحمد** · 08-12-2015 08:32 PM

هو الراجل بيسأل عن مستثمرين معاهم فلوس و عايز تعاون معاهم

**Secret-Man** · 08-12-2015 11:20 PM

حسب السوق المستهدف للبلد الى عايز تشتغل معاها مصر او الخليج وترتب مع تجار من خلال الانترنت او من خلال السوشيال ميديا وتبتدى تتعامل
وحاول تعملك مكتب صغير هناك وتكون وسيط للتجار بين المصانع وتشحن على مصر وتفرزلهم البضاعه وكل شيىء وديه خدمات مقدمه كتير هناك وفلوسها حلوه