حسيت ان عربيتي الفانتازيا ٢٠١٢ عامله ٩٠٠٠٠ كم فجأه بقي صوتها عالي وسحبها تقيل وفي خلل في النقلات لما روحت التوكيل قالولي ان الفتيس علي الكمبيوتر مفيهوش اي مشاكل وان المشكله ممكن تكون من البنزين
المشكله ان العربيه بقت فجأه بتيجي عند سرعه ١٣٠ وتقف ومهما ادوس الغيار ينزل وال rbm يعلي ومفيش فايده
المهم قالولي ان علبه البيئه في الشكمان محتاجه تتغير وهي اللي خانقه العربيه وقالولي ان سعرها من غير مصنعيه وضريبه ٤١٠٠ جنيه
ايه رأيكوا في الكلام دا وياريت لو في حل الحقوني بيه مع العلم اني من اسكندريه