رائحة كريهة عند تشغيل التكيف Renault 2016

**mostafamomo** · 09-12-2015 03:49 PM

السلام عليكم

شباب ، انا التكيف عندى بينتج عنه رائحة كمكمة كده اول اما الكومبرسور بيشتغل ، حد عنده قتراح ايه السبب ؟

**lancer06** · 10-12-2015 03:45 AM

فك فلتر التكيف وشم ريحته
لو نفس الريحه
يا اما تستبدله يا اما ترش عليه معطر وجرب

**pepo2011** · 10-12-2015 11:29 AM

اولا تفك الفلتر وتشوف اذا كان تغسلة وتنشفة وترش معطر عليه
وتشوف الفلتر الداخلي في الكويل لازم برضو يتفك ويتنضف

**Mohamed Desoky** · 10-12-2015 03:54 PM

تكيف الرينو وحش جدا الرينو كلة هل المياه بتنقس فى الريداتير لان ممكن سربنتينت السخن تكون بتسرب مياه بسيطة حتى او نقطه صغيره هتعملك ريحة وحشة وبعدين هيا مش جديده 2016 وفى ضمان علي التوكيل على طول

**Samah AbdAllah** · 10-12-2015 07:51 PM

وديها التوكيل يظبطه هم كل حاجة

**Hany Saad** · 11-12-2015 12:05 AM

ده كده فلتر التكييف مرطب و مربى بكتريا و هى اللى عاملة الريحة دى و بيبقى ناتج غالباً من غلق دايرة التكييف معظم الوقت، يعنى حضرتك بتكون عامل التكييف دايرة مغلقة او تدوير الهوا اللى داخل السيارة
الحل انك تحاول كل فترة و فترة أن التكييف يسحب هوا من الخارج علشان يجف و ميطلعش الريحة
شغل التكييف على السخن و خليك فاتح دايره التكييف، يعنى بيسحب هوا من خارج السيارة...شغله كذا مره كده و برده كمان على الساقع و شوف هل هتروح الريحة ولا لأ
لو مراحتش يبقى تغير الفلتر و بعدين كل فترة تخلى التكييف يجيب هوا من الخارج علشان الموضوع ميتكررش
الكلام ده مش خاص بالرينو و لكنه شىء موجود فى اى عربية فيها تكييف
و علشان كده، كل العربيات الجديدة بقى ال default بتاع التكييف انه يجيب هوا من بره و لازم تدور زرار لتدوير الهوا...و اول ما تطفى التكييف و ترجع تشغله تانى، يرجع برده لل default بتاعه و يجيب هوا من بره لمنع تكون البكتريا و الروائح
تحياتى