الشاحن ماينفعش عشان بيخرج 5 فولت مش 12
بص يا سيدي
الحل الأسهل والأفضل انك تجيب كلابات اللي بتتوصل على قواشيط البطارية وتوصل السلك بيها ويبقا الكومبريسور يشتغل من البطارية وده أحسن عشان مايعملش معاك مشاكل في الفيوزات تحت اي ظرف من الظروف..
خد بالك من الكلمة انا كاتبها صح مش غلطة مطبعية.. كلابات مش كابلات.. اللي هي المقبض ابو سوستة اللي شبه المقص او المشبك ده
أما لو عايز ترجعه بفيشة ولاعة على قديمه يبقا هاتنزل التوفيقية أو اي مكان بيبيع قطع غيار واكسسوارات وتجيب منه دكر فيشة ولاعة وبتفكه وتلحة فيه السلكتين وشكرا..
لو مصمم ع الشاحن او هو عندك زيادة وعايز تستغله وخلاص بدل المصاريف يبقا هاتفك الشاحن وتطلع البوردة اللي جواه وتقطع منه كل السلوك اللي فيه لحد ما يتبقى معاك الهيكل الخارجي فقط + الريش الحديد اللي في البوز والجناب ودول بقا اللي هاتلحم فيهم سلك الكومبريسور
ناخد بالنا من القطبية بتاعة الاسلاك بقا كالتالي:
الريشة اللي في البوز كهربا
الريشتين اللي في الجناب ارضي (مش لازم تلحم في الاتنين كفاية واحدة)
ولو هاتستخدم هيكل الشاحن او لو جبت اي فيشة مستعملة بتاعة اي حاجة وقررت تستغلها اوعى تلحم ع السلك اللي جواها..
لازم تشيله خالص وتلحم سلك الكومبريسور على الريش مباشرة..
السبب ان الشاحن او خلافه بيستهلكوا كهربا قليلة فبيكون سلكهم ضعيف مايستحملش ضغط الكومبريسور.. ولو وصلت على سلك ضعيف هايسيح
المفضلات