مشكله في الموبينه

**ابن القيم** · 13-12-2015 02:40 PM

السلام عليكم ورحمه الله وبركاته
انا كنت ماشي بالماروتي وانا طالع من يوسف عباس مدينه نصر العربيه لقيتها هدت لوحدها وفصلت خالص والعدادت بردك فصلت ركنت علي جنب وصبرت شويه وبعد كده ادور تشتغل وبعدها بشويه تفصل المهم انا طبعا مش فاهم حاجه لاني جديد في العربيات فيه واحد جه قعد يلعب شويه وبعدين لقينا فيه فيوز مقطوع وغالبا الخاص بطلمبه البنزين غيرناه بواحد تاني ولفيت بيها شويه علشان اجربها مشيت وبعدين وانا في الاوتوستيراد فصلت تاني استنيت شويه واشتلغت لوحدها تاني .... المهم روحت ورحت لكهربائي غير الفيوزات كلها وحاجه اسمها كتاوت الللي موجوده في علبه الفيوزات تاني يوم فصلت تاني وانا ماشي وبعد كده اشتغلت واحد زميلي قالي كده غالبا موبينه وانا سمعت ان فيه موبينه الكتروني هل ينفع تركب في الماروتي 2010 ولا لا وهل فعلا العيب من الموبينه

**Mecha** · 13-12-2015 05:22 PM

انا معرفش انت عامل كام كيلو
الموبينه قبل ما تضرب المكنه بتخسع وتدربك
الكتاوت مبيحصلوش حاجه في الياباني
هتشوف فيه 12v داخلين الموبينه مع الاشعال
وواصلين للابلاتين اللي لازم يكون كويس خصوصا
الميكانيكي وكمان الكوندنسر
لو لسه مفيش شراره شديده يبا ضربت موبينه
وقبل القفز للتعديلات وديالو ,تجيب واحده زي اللي راكبه

**ابن القيم** · 13-12-2015 06:15 PM

هي عدت 40000 كيلو انا اشتريتها مستعمله وياريت حضرتك توضح اكتر هلب كده العيب موبينه ولا لا

**scientist9508** · 13-12-2015 08:49 PM

بسم الله الرحمن الرحيم

أخى الفاضل إبن القيم

1 - إن أردت إطالة عمر المحرك فلابد من التوقف الفورى عن إنتظار الأعطال

2 - الصيانه الدوريه للماروتى يتم تنفيذها كل 10000 كم و طبقآ لجدول الصيانه الدورى

3 - يتم تركيب الموبينا الإلكترونى بلا أى مشاكل على الإطلاق بل هى أفضل بكثير من الموبينا الزيت

4 - الماروتى من الممكن أن تكون بساط السندباد الذى يسافر بك لأركان الوطن الأربعه و من الممكن أن تكون السبب الرئيسى لكراهيتك لعلامة سوزوكى . . . حفاظك على الصيانه الدوريه هو الذى يحدد ذلك

5 - أنصحك بتغيير كامل دائرة الإشعال الكهربائيه للمحرك (موبينا+أسلاك بوجيهات+بوجيهات+أبلاتين+كو� �دينسر) . . . و حيث أنك وصلت إلى 40000 كم فقد حان تغيير طقم الكاتينه بالكامل و سير الدينامو و مياه تبريد الردياتور و ضبط التاكيهات و فلتر الوقود بالإضافه طبعآ لزيت المحرك بالفلتر و كذلك تغيير زيت الفيتيس إن لم يكن قد تم تغييره.

هداك الله لأرشد أمرك و أقومه

السلام عليكم و رحمة الله و بركاته

**Mecha** · 14-12-2015 03:06 AM

المشاركة الأصلية كتبت بواسطة ابن القيم

هي عدت 40000 كيلو انا اشتريتها مستعمله وياريت حضرتك توضح اكتر هلب كده العيب موبينه ولا لا

40,000 مش كتير علي موبينه ياباني
الكهرباءي اللي جري وغير كتاوت
محلش بوجيه وشوف قوة الشراره ليه
لازم يتعمل تشيك بالطريقه في المشاركه السابقه
لازم تحل غطا الاسبيراتبر وتشوف
الغطا والابلاتين والشكوش والفيش
اعذرني الاستايل الجديد سيء جدا
بكتب ومش شايف

**ابن القيم** · 15-12-2015 10:46 AM

جزاكم الله خيرا
دلوقتي الموبينه مش فصلت بقالها 3 ايام غالبا كان فيه سلك مش مربوط كويس في الموبينه

**Mecha** · 15-12-2015 12:56 PM

ايه اللي خلي سلك يحل
علي فكره مسامير الياباني مبتفكش وحدها
مين اخر ايد فيها
بالمناسبه 40 الف كم دا عمر بوجيهات
تحياتي

**ابن القيم** · 15-12-2015 10:03 PM

مش عارف بس ممكن تكون مش مربوطه كويس ومع المطبات اتهزت ... وبعدين هيا مش سخنت ممكن لما تسخن تفصل انا سمعت كده

**Mecha** · 16-12-2015 02:58 AM

الموبينه اللي بتفصل بتكون
قديمه عدت مبت الف بكتير

الموضوع: مشكله في الموبينه

LinkBack

أدوات الموضوع

عرض

-

-

-

المواضيع المتشابهه

الموبينه

مشط الموبينه

الموبينه

سؤال عن الموبينه

الموبينه

الكلمات الدلالية لهذا الموضوع

المفضلات

المفضلات

ضوابط المشاركة