الموضوع: تجربة تغير متور الفلشيا لمتور 1600 اصلى فليشيا

المشاركة الأصلية كتبت بواسطة tofy0123

السلا م عليكم
انا عملت الموضوع ده عشان انقل تجربتى بعد تركيب المتور 1600 سى سى
اللى حصل انى اشترت عربيه سكودا فليشيا وش اوكتافيا موديل 2000 متورها كان 1300 سى سى
المهم انا اشتريت العربيه غاليه عن تمنها 3000 جنيه قولت اريح دماغىواجيب عربيه نظيفه بالمره
واول مجبتها قةلت اجنطها جبتلها جنوط 14 وبعد ما اشتريتها طلعت 15
المهم ورعم انى جايبها غاليه بدأت حنفية المصاريف وكل مره اقول لنفسى معلش دى هتكون اخر حاجه فضلت اسرف لحد ما لقيت نفسى صارف 6500 جنيه تقريبا
واول ما بدأت اسوق العربيه كنت حاسس ان العربيه عزمها ضعيف لدرجة لو قيها 3 متطلعشى مطلع الجراج رغم ان الاسطوانه والديسك والبليه استيراد
لحد هنا كنت بقول عادى اصلى انا كنت جبتلها باور اصلى استراد بس التكيف كل الناس قالتلى لا مش هيبقى حلة
وكانت حرارة العربيه مش عاجبانى والمكانيكى كان شاكك فى وش السلاندر اصلى العربيه كانت 2 جوان يعنى عزم ضعيق المهم وفجأه اللمبه بتاعت الزيت على السلانسيه وبتطفى لما العربيه تمشى رحت للميكانيكى وقالى نغير زيت ونجرب ومتطفتشى قالى تغير سويتش زيت وبرضوا مطفتشى فى الاخر قالى كده طرمبة الزيت ضعفت قولتله تغيرها قالى ده متور الومنيوم يعنى لو اتفك صهب يرجع المهم فالى كده كده انتا عندك وش بايظظظظظظظظظظ يبقى بالمره هات متور او شورت بلوك حتى
المهم بينى وبينكم فولت طب لما اغير متور طب ماجيب متور 1600 سى سى بدل ال 1300 سىسى حتى اركب تكيف
سالت اللى اعرفه ومعرفوش عرفت ان المتور ال1600 زى بتاع البولو والجولف 3 بس 1600 وهوه هوه نفس المتور يركب فيه فتيس الفليشيا عرفت ان فى تاس اضحك عليها اشترت مواتير بولو على انه 1600 طلع 1000 سى سى وبعدها عرفت المتور ليه كود جمب رقم الشاسيه بالكود ده تحدد ال سىسى بتاعه
المهم عرفت انى عشان افلب من 1300 الى 1600 محتاج الاتى
- المتور 1600 كود ُُُِ aee لازم المتور يكون الكود ده عشان الرشاشات والمنفوه بتاعه
- كرسى المتور اليمين بتاع الفليشيا 1600
- بوبينه 3 رجل (بيسموها كده )
-الكنترول بتاع المتور ال 1600 لازم كنترول قليشيا
- ضفيرة المتور ال 1600 وتركب عل الكنترول
- الفتيس بتاع الغليشيا يركب على المتور عادى
- رداتير المتور ال1600 ( ده رداتير كبير ) كامل بالمروحه والسويتشه البيضاء
المهم جمعت الحاجات دى ولرحت للميكانيكى قالى ده متور جولف وبولو ماله ومال الاسكودا الغليشيا رحت مطلعله صوره منزلها للمتور وهوه راكب غى عربيه على النت
المهم طلع المتور وبدأ يشتغل ونزل المتور الجديد بالفتيس الى جاى معاه اصلى المتور اللى جبته كود aee كان مخلوع من عربيه قليشيا عشان كده الغتيس الى جاى معاه كان بتاع فليشيا
وخلص لميكانبكى ورحنا للكهربائى فعد يركب الضغيره الجديده والكنترول وسرينتية التكيف ووالكويل المهم بعد مخلص لازم نكود الايموبليزر على الكنترول الجديد عشان تدور
وبعد معاناه دارت لكن مش منتظمه وبتفطع طلع العيب من البوابه وبعد كده طلع الميكانيكى وهوه بيختار المتور كان المنفول مكسور راح مغيره بمنفوا ورشاشات متور كان جنبه اتضح بعد كده ان المنفول والرشاشات دول بتوع بولو 1000سى سى
وده كان مجنن العربيه لحد مجبت رشاشات اوالمنفول الصح بتوع متور الفليشيا رشاشات قصيره
وغيرت المنفول اتظبطت العربيه
انا بصراحه حابب اقولكم العربيه بعد المتور ال 1600 بقت كالتالى
- الحراره انسى ولا الهوا درجة الحراره 85 على طول
- العزم بسم الله ماشاء الله كانك راكب a4 معوقين
- المتور مرتاح جدا جدا
- الخشونه انسى انا بقولك المتور بينزل فى الجولف 3
نصيحتى اللى هيغير متور يدرس كويس انه يجيب المتور الا1600 ولازم يكون تحت ايده الحاجات اللى كاتبها عشان ميحتاس
العربيه بعد المتور ال 1600 اتغيرت تماما بقت جولف 3 سافرت بيها السرعه مفلتش عن 140 لمدة 5 ساعات سفر
معلش طولت عليكم

ممكن رقم تليفونك عشان لو فيه استفسارات نتصل نسال لان بصراحة انا كنت عايز اغير الموتور ده بسبب قلة العزم بتاعها بس كنت متخوف فلو كدة ممكن افكر فيه التغيير ان شاء الله