الموضوع: ساعه يد حريمى

المشاركة الأصلية كتبت بواسطة pepo2011

هو طبعا الاوتوماتيك مشاكلة اكتر وبيحتاج معاملة اكتر لكنة اقيم واغلي اما بخصوص المحلات في مدينة نصر عندك كتير في عباس العقاد وجنينة والبطراوي وبعدين مصر الجديدة والكوربة وابراهيم اللقاني وبغداد وبيروت ووسط البلد عند جراج الاوبرا تجار الجملة بتاعت الساعات كلها ودي نصيحة

انا عاجبنى الكوارتز اكتر و بدأت أفكر فى Guess وكاسيو خصوصا ان فيهم موديلات كتير تشبه اللى انا بدور عليه
بس اللى اعرفه ان Guess صينى بصراحه قلقانه منها مع الاستخدام الطويل بس هى موديلاتها شيك جدا
بس خايفه كمان يكون سعرها غالى فى اغلب ساعاتها وما الاقيش حاجه فى رينج السعر اللى عايزاه عندهم

وكاسيو برضه شيك وساعاتهم اسعارها تقريبا فى الرينج اللى انا عايزاه

فأيه رأى حضرتك

و دى ساعات عجبتنى من كاسيو

http://nileup.com/up/uploads/nilemotors_14503260221.jpg

http://nileup.com/up/uploads/nilemotors_14503257232.png

الاولى هم كاتبين او الاوستيك من ماده الراتينج (Fine resin bracelet)وانا ماعرفش الماده دى تقشر او يحصلها حاجه؟
وهى هى زى البلاستيك وبيحصل فيها اى مشاكل مع الرطوبه والعرق برضه او بتتجرح؟

اما الساعه التانيه فهى لونها دهبى مائل للروز فهل دى مش هتقابلها نفس مشاكل اللون الدهبى الخالص؟
زى التجريح وتغيير اللون وكده؟

وبالنسبه لماركات الساعات اللى حضرتك قولتلى عليها فهى ماركات مش رائده فى مجال الساعات اوى اعتقد عدا Fossil سمعت عنها كذا مره بس معرفش البلد بتاعتها ايه

المشاركة الأصلية كتبت بواسطة pepo2011

اسف لتاخر الرد ولكن frb استيك شبة بلاستيك
الماركات اللي قلت لحضرتك عليها رائدة في مجال الساعات طبعا ولكنها رائدة جدااااا بزيادة عشان كده محدش يسمعها كتير في مصر خصوصا اننا بنب نجري ورا الاسماء المشهورة بس
لكن طبعا هاتكون غاليا المهم انا شايف تخليكي في الكاسيو ماركة ومنتشرة وكويسة في الصيانة والمبلغ بتاع حضرتك كويس اوي كمان ممكن يجيبلك ساعتين مش واحدة

guess صيني طبعا لكنها نضيفة وماركة برضو

مافيش تأخير فى الرد ولا حاجه وربما يخليك
طيب الاوستيك اللى شبه البلاستيك ده معمر و كويس ولا فيه مشكله فيه وممكن يبوظ

و الساعه اللى وريتها لحضرتك الدهبى المائل للروز هل محتاجه معامله خاصه زى الدهبى ولا مش هيبان فيها اى مشاكل زى الفضى ولونها مش هيغير ؟

و بالنسبه للكاسيو هل ليها فروع صيانه فى مدينه نصر او مصر الجديده ؟
و نفس الكلام بالنسبه للguessايه نظام صيانتها وهل ليها صيانه فى الاماكن دى

المشاركة الأصلية كتبت بواسطة pepo2011

انا لا افضل الاستيك ده

ده غير انه ليس قيم اما الصيانة موجوده طبعا

بالنسبه للاوستيكفخلاص بلاشه ده
وبالنسبه للصيانه محتاجه اجابه كامله من حضرتك يعنى الماركتين دول ليهم صييانه فى مدينه نصر او مصر الجديده ؟
و ايه راى حضرتك فى الساعه دى من guess
http://ecx.images-amazon.com/images/...bL._UY879_.jpg

ولو حضرتك تعرف تمنها كام اتمنى تعرفنى

والاقى مكان موثوق فيه لبيع guess فين فى مدينه نصر ؟

المشاركة الأصلية كتبت بواسطة pepo2011

اسف لتاخر الرد بس للاسف معرفش السعر دلوقتي كام بالظبط لكن بالنسبة للمحلات والتوكيلات مفيش مشكلة عندك بغداد في عباس العقاد وعندك كذا محل في جنينة وعندك الكوربة مليانة ومحل توماس في اول الكوربة وصبحي توما في ش بغداد قدام كنيسة البازيليك

كده كده انا ليا خصم طبعا شوفي حضرتك الساعة فين وبكام وبلغيني

مافيش تأخير فى الرد ولا حاجه ولا يهمك وبالعكس انا بشكرك للرد على اسئلتى الكتير دى
و شكرا على الاماكن بتاعه بيع الساعات
بس ليه حضرتك بتاخد نص الكلام وترد عليه وبقيه الكلام مش بترد عليه؟

يعنى انا سألت حضرتك عن رأيك فى الساعه بتاعه Guess وشكلها على اساس ان حضرتك قولت انك اشتغلت فى الساعات قبل كده واكيد ليك نظره فى الساعه الشيك حتى لو مش غاليه اوى زى الساعه اللى انا عايزاها
بس حضرتك من تعاملك فى انواع كتير للساعات بتميز الساعه الانيقه من اللى نص نص فأيه رأى حضرتك فى الساعه اللى بعتلك صورتها قبل كده دى؟

وكمان سألتك مرتين على هل اللون الدهبى المائل للروز زى لون الساعه بتاعه Guess اللى بعته لحضرتك بيقابل نفس مشاكل الدهبى الفاتح ولا لا وبرضه حضرتك مارديتش عالسؤال

وايه رأى حضرتك فى محل الشابورى فى جنينه مول؟انا بفكر اجيب منه وشكرا على موضوع التخفيض بس ازاى انا هاخد التخفيض وهو معمول لحضرتك بس؟

و هل اجيب من الشابورى افضل ولا من بغداد عباس العقاد؟
وهل لو الساعه فيها مشكله لاقدر الله الشابورى او بغداد هم اللى بيصلحوها؟

وبالنسبه للساعه الهاى كوبى والكلام ده فأنا مش بقتنع بيه نهائيااااااااااااا
لانى مستحيل هدفع 200 ولا 500 جنيه فى ساعه اى كلام
ولما احب اشترى ساعه اى كلام هروح اجيب واحده من ام 25 جنيه ولما تبوظ ارميها
لكن ادفع مئات فى ساعه مش اصلى فبصراحه انا هبقى كده برمى فلوسى فى الارض ومش طالبه خالص يعنى

المشاركة الأصلية كتبت بواسطة pepo2011

انا بعت لحضرتك رسايل عالخاص قريتيها؟؟؟؟

اه قريتها بس عادى هبعت لحضرتك هنا مفيش مشكله