شوية اسئله عن السياحه فى الاقصر واسوان

من فضلكم انا ناوى بأذن الله اطلع انا والمدام رحلة النايل كروزر ال 4 ايام 3 ليالى هتكون الجمعه 8 يناير وتنتهى بالاتنين 11 يناير

مش عارف هل حجز الطائره هيكون كويس ولا مبالغ فيه خاصتا ان الفرد ب 600 جنيه من اسوان للقاهره وكنا بنفكر نحجز طيران انا والمدام فى العوده

اما الذهاب فكرنا ف قطار الدرجه الاولى ب 135 الفرد للاقصر وتقريبا 12 ساعه وقطار النوم ب 600 كتير جدا وخاصتا انه نفس عدد الساعات

لسه بندور على باخره كويسه شامله المزارات واقامه كامله وكل اللى شفناه فحدود 1000 جنيه الفرد ال 4 ايام دى شامل المزارات والارشاد بالعربى

وعايز اعرف موضوع ان الحجز يكون شامل التوصيل من والى المطار او محطة القطار للباخره ده مهم ولا عادى ممكن بتاكسى؟؟

ورحلة البالون الطائر دى الل ب 300 هل تستاهل ولا اى كلام؟

ممكن معلومات للى راح هناك وايه اللى اخد بالى منه قبل الحجز وهناك بشكل عام؟؟

ابعد عن رحلة البالون الطائر تماما
كان فيه حادثة مميتة من حوالي سنتين البالون وقع من وسط الجو والناس ماتت
معايير السلامة غير جيدة بالمرة
وحضرتك في القاهرة ابقى روح البرج ب20 جنيه للفرد وهتتبسط من غير مخاطرة البالون

الموضوع حسب امكانيات حضرتك المادية ....
لو مش متعود على الجلوس فى القطار ل 12 ساعة ... بلاش احسن علشان متزهقش
لو ممكن تدفع 600 جنيه فى السفر .... السفر بالطائرة حيكون افضل

ممكن حضرتك تنزل فى محطة القطار ( لو اخترت السفر بالقطار ) و تاخد تاكسى عادى جدا
البواخر ... فى منها خمس نجوم و فيه 4 نجوم ... و فيه رحلات 4 ايام و ستة ايام

كان فيه احد الاخوة الاعضاء سافر بالعربية ...و بالمرة ... فى الطريق حتقابل معابد فى سوهاج و معابد فى المنيا .. و معابد دندرة فى قنا

ربنا يوفقك و تقضى وقت جيد ان شاء الله

اقتباس:

---

ابعد عن رحلة البالون الطائر تماما
كان فيه حادثة مميتة من حوالي سنتين البالون وقع من وسط الجو والناس ماتت
معايير السلامة غير جيدة بالمرة
وحضرتك في القاهرة ابقى روح البرج ب20 جنيه للفرد وهتتبسط من غير مخاطرة البالون

---

متشكر لرد حضرتك وفعلا انا كنت قلقان منه جدا

اقتباس:

---

الموضوع حسب امكانيات حضرتك المادية ....
لو مش متعود على الجلوس فى القطار ل 12 ساعة ... بلاش احسن علشان متزهقش
لو ممكن تدفع 600 جنيه فى السفر .... السفر بالطائرة حيكون افضل

ممكن حضرتك تنزل فى محطة القطار ( لو اخترت السفر بالقطار ) و تاخد تاكسى عادى جدا
البواخر ... فى منها خمس نجوم و فيه 4 نجوم ... و فيه رحلات 4 ايام و ستة ايام

كان فيه احد الاخوة الاعضاء سافر بالعربية ...و بالمرة ... فى الطريق حتقابل معابد فى سوهاج و معابد فى المنيا .. و معابد دندرة فى قنا

ربنا يوفقك و تقضى وقت جيد ان شاء الله

---

انا بفضل اكون رايح قطار وراجع طيران بس معرفش طيران كام ساعه من اسوان للقاهره

وكنت عايز اعرف هل الرحله هتكون ممتعه ولا اطلع شرم افضل ؟؟

من ناحية الاستمتاع فده مؤكد لو انت بتحب التاريخ و الاجواء الاسطورية اللى بيعملها التواجد فى وسط الاعجازات الحضارية للمصريين القدماء. . . احساس غير عادى لما تعرف تفاصيل ازاى الناس دى عاشت و انجزت اللى انجزته
انما لو انت عايز اجازة انتخه يبقى شرم افضل طبعا
بالاضافة للجو التحفة فى الوقت ده لدرجة انك بتلاقى نفسك لابس لبس خفيف يادوبك جاكت خفيف فى اسوان فى النهار
الرحلة من القاهرة لاسوان و بالعكس بتاخد حوالى ساعة

الرحلات ديه عايزه برنامج تبع شركة سياحية تمشى عليه
لإنك هتروح مكان متعرفهوش
أنا كنت فى الاقصر واسوان رحلة 4 ايام و 3 ليالى
تبع نقابه ب 850 جنيه للفرد فى الغرفة المزدوجه شاملة كل المواصلات والانتقلات
وفطار وغداء وعشاء اوبن بوفيه على النايل كروز 5 نجوم
فى نهاية الصيف بدأت فى رابع ايام عيد الاضحى الماضى
الرحلة كانت ممتعة جدا .. استمتعت بكل لحظة فيها
بس الحاجه الوحيده اللى طلعت عينى وارهقتنى جدا المشوار الطويل جدا والمرهق فى القطار
من القاهره الى اسوان استغرقت حوالى 13 ساعه
كنت رايح فى اولى مكيفه بس مستواها زفت ... ورجعت فى قطار ال V.i.p
قطار النوم هيبقى احسن كتير
-------------------------------------------------------------------
بالنسبة للبالون اكيد ممتعه والأمان فيها بقى عالى جدا بعد الحادث الشهير للسياح
بيكون واقف لتأمينك شرطة وجيش ومطافى ومش اى شركة بتقدمها
سعرها كان ب 250 جنيه تبع شركة مصر للسياحة وبسمع ان فيه شركات بتقدمها بأسعار اقل

اقتباس:

---

المشاركة الأصلية كتبت بواسطة new_man

متشكر لرد حضرتك وفعلا انا كنت قلقان منه جدا



انا بفضل اكون رايح قطار وراجع طيران بس معرفش طيران كام ساعه من اسوان للقاهره

---

الرحلة بالطائرة فى حدود الساعة ... و زى ما قلت لحضرتك .... الرحلة بالقطار حتكون متعبة جدا ... لو مش متعود عليها ... الله يكون فى عون اهل الصعيد

الاستمتاع .... ده على حسب رغبة حضرتك و استمتاعك بالمناطق الاثرية .... و لكن فى الغالب .... لو معاك اطفال ... مش حيتبسطوا ... و لو سنهم صغير حيتعبوك جدا

فى الاقصر .... معبد الاقصر .... معبد الكرنك .. الدير البحرى .. وادى الملوك .و لو عملت نايل كروز حتعدى على قناطر اسنا

اسوان ... معبد ادفو ... معبد كوم امبو .. معابد فيلة .... مدينة اسوان ... جزيرة النباتات .. اغاخان .. و التنقل فى النيل ...حديقة فريال .... سد اسوان .. و السد العالى

اهل اسوان يتميزوا بالطيبة الظاهرة .. انا عشت فى اسوان 3 سنوات .. بس الكلام ده كان من زمان اوى

شرم الشيخ مختلفة كتير عن اسوان

أولادى فى 5 ابتدائى و 2 ابتدائى كانوا زهقانين من المعابد
بس استمتعوا جدا بالإقامه فى النايل كروز
وبحمام السباحة عليها

اقتباس:

---

المشاركة الأصلية كتبت بواسطة new_man

من فضلكم انا ناوى بأذن الله اطلع انا والمدام رحلة النايل كروزر ال 4 ايام 3 ليالى هتكون الجمعه 8 يناير وتنتهى بالاتنين 11 يناير

مش عارف هل حجز الطائره هيكون كويس ولا مبالغ فيه خاصتا ان الفرد ب 600 جنيه من اسوان للقاهره وكنا بنفكر نحجز طيران انا والمدام فى العوده

اما الذهاب فكرنا ف قطار الدرجه الاولى ب 135 الفرد للاقصر وتقريبا 12 ساعه وقطار النوم ب 600 كتير جدا وخاصتا انه نفس عدد الساعات

لسه بندور على باخره كويسه شامله المزارات واقامه كامله وكل اللى شفناه فحدود 1000 جنيه الفرد ال 4 ايام دى شامل المزارات والارشاد بالعربى

وعايز اعرف موضوع ان الحجز يكون شامل التوصيل من والى المطار او محطة القطار للباخره ده مهم ولا عادى ممكن بتاكسى؟؟

ورحلة البالون الطائر دى الل ب 300 هل تستاهل ولا اى كلام؟

ممكن معلومات للى راح هناك وايه اللى اخد بالى منه قبل الحجز وهناك بشكل عام؟؟

---

الرحله ممتعه جدا لانها في صميم شغلي خاصة ال navigation.... في عندي عروض في الشركه بمراكب محتلفه كلملة البرامج لو مهتم ابعتلي الايميل او رقم التليفون علي الا يميل لو لنك صفحتك علي الفيس وانا ابعتللك العروض كلها

البالون كان ممتع جدا

http://nileup.com/up/uploads/nilemotors_14503468781.jpg


اى حاجه جديده حاول تجربها لانك ممكن ما تعرفش ترجع لها تانى

http://nileup.com/up/uploads/nilemotors_14503468782.jpg

http://nileup.com/up/uploads/nilemotors_14503473291.jpg

اقتباس:

---

من ناحية الاستمتاع فده مؤكد لو انت بتحب التاريخ و الاجواء الاسطورية اللى بيعملها التواجد فى وسط الاعجازات الحضارية للمصريين القدماء. . . احساس غير عادى لما تعرف تفاصيل ازاى الناس دى عاشت و انجزت اللى انجزته
انما لو انت عايز اجازة انتخه يبقى شرم افضل طبعا
بالاضافة للجو التحفة فى الوقت ده لدرجة انك بتلاقى نفسك لابس لبس خفيف يادوبك جاكت خفيف فى اسوان فى النهار
الرحلة من القاهرة لاسوان و بالعكس بتاخد حوالى ساعة

---

انا فعلا غاوى اثار جدا

اقتباس:

---

الرحلات ديه عايزه برنامج تبع شركة سياحية تمشى عليه
لإنك هتروح مكان متعرفهوش
أنا كنت فى الاقصر واسوان رحلة 4 ايام و 3 ليالى
تبع نقابه ب 850 جنيه للفرد فى الغرفة المزدوجه شاملة كل المواصلات والانتقلات
وفطار وغداء وعشاء اوبن بوفيه على النايل كروز 5 نجوم
فى نهاية الصيف بدأت فى رابع ايام عيد الاضحى الماضى
الرحلة كانت ممتعة جدا .. استمتعت بكل لحظة فيها
بس الحاجه الوحيده اللى طلعت عينى وارهقتنى جدا المشوار الطويل جدا والمرهق فى القطار
من القاهره الى اسوان استغرقت حوالى 13 ساعه
كنت رايح فى اولى مكيفه بس مستواها زفت ... ورجعت فى قطار ال v.i.p
قطار النوم هيبقى احسن كتير
-------------------------------------------------------------------
بالنسبة للبالون اكيد ممتعه والأمان فيها بقى عالى جدا بعد الحادث الشهير للسياح
بيكون واقف لتأمينك شرطة وجيش ومطافى ومش اى شركة بتقدمها
سعرها كان ب 250 جنيه تبع شركة مصر للسياحة وبسمع ان فيه شركات بتقدمها بأسعار اقل

---

انا ناوى بأذن الله على قطار النوم...وبرضه بدور على عرض لشركة سياحة فنفس الحدود الحدود ولقيت كذا حاجه بس لسه بقرر
انا قلقان من البالون بس هفكر فيه وممكن اتجنن واركبه..بس عايز اعرف هو حجزه من هنا من شركة السياحه ولا من هناك؟؟

اقتباس:

---

الرحلة بالطائرة فى حدود الساعة ... و زى ما قلت لحضرتك .... الرحلة بالقطار حتكون متعبة جدا ... لو مش متعود عليها ... الله يكون فى عون اهل الصعيد

الاستمتاع .... ده على حسب رغبة حضرتك و استمتاعك بالمناطق الاثرية .... و لكن فى الغالب .... لو معاك اطفال ... مش حيتبسطوا ... و لو سنهم صغير حيتعبوك جدا

فى الاقصر .... معبد الاقصر .... معبد الكرنك .. الدير البحرى .. وادى الملوك .و لو عملت نايل كروز حتعدى على قناطر اسنا

اسوان ... معبد ادفو ... معبد كوم امبو .. معابد فيلة .... مدينة اسوان ... جزيرة النباتات .. اغاخان .. و التنقل فى النيل ...حديقة فريال .... سد اسوان .. و السد العالى

اهل اسوان يتميزوا بالطيبة الظاهرة .. انا عشت فى اسوان 3 سنوات .. بس الكلام ده كان من زمان اوى

شرم الشيخ مختلفة كتير عن اسوان

---

حتى الان معنديش اطفال فأنا رايح بطولى كده انا ومراتى..وخلاص نويت على قطار النوم رايح جاى

اقتباس:

---

الرحله ممتعه جدا لانها في صميم شغلي خاصة ال navigation.... في عندي عروض في الشركه بمراكب محتلفه كلملة البرامج لو مهتم ابعتلي الايميل او رقم التليفون علي الا يميل لو لنك صفحتك علي الفيس وانا ابعتللك العروض كلها

---

هبعت لحضرتك رقمى وايميلى وهستنى عرض من عندك لانى لسه محجزتش

انا فعلا حابب اجربه اوى وشكلى هجربه من الصور دى...متشكر اوى استاذ MTAK

انت كاتب قطار النوم ب 600 .... والطائرة ب 600 للفرد
اكيد حضرتك غلطان

Sent from my GT-S6500D using Forum Runner

اقتباس:

---

انت كاتب قطار النوم ب 600 .... والطائرة ب 600 للفرد
اكيد حضرتك غلطان

---

الطائره الفرد الواحد ب 600 يعنى انا ومراتى هنكون ب 1200
اما قطار النوم الكابينه 2 فرد ب 600 يعنى الفرد ب 300

نزلت اهلا وحللت سهلا..... مرحبا بك في بلدك
اسوان
....بما اني من اسوان
اولا بالنسبة للمواصلات :
لو عايز متعة مباشرة بدون ارهاق سفر خليك في الطيران ساعه بالاقلاع وفي عروض حاليا للسفر لاسوان تبع شركة سياحية ب 350 يعني زي قطار النوم اللي هو 7 مساء من رمسيس..
وبما انك اقامتك حوالي 4 ايام ففي هذه الحالة القطار حياخد منك يوم كامل
مميزات القطار::
1-التعرف علي المعالم العامة حيث انك ستمر علي طول نهر النيل بكل محافظات
2-هناك متعه للسفر في القطار وتلاقي شخصيات وثقافات مختلفة
3-قليل التكلفة حيث ان الدرجه الثانية 72 جنية والاولي 137 جنية ومريح نسبيا مقارنة بالتوفيق
لو هناك تصميم في القطار اذن يوجد vip
..يوجد هناك سيارات للتنقل من محطات القطار الي اي وجهه تريدها


ثانيا بالنسبة للمزارات :
1-الافضل برنامج تابع لشركة سياحية لصعوبة تخطيطك في هذه المدة
2-الاقصر المتعة فيها الحضارة والاثار فقط ولا يوجد اي شئ اخر (وان لم يكن لك ميول تاريخية ممكن تلغي الأقصر
3-اسوان تجمع ما بين الطقس المعتدل والاثار والطبيعة
اثار اسوان... اول مركز في اسوان شمالا يوجد معبد حورس (المعبد الوحيد علي مستوي العالم المحتفظ بشكلة بناءه بنسبة كبيرة) ويوجد ايضا معبد الكاب كذلك في ادفو حيث محفور في قطع من الجبال
..المركز الثاني شمالا كوم امبو حيث يوجد معبد كوم امبو
اسوان المدينه يوجد بها الكثير من المعابد والوجهات السياحية واولهم ابوسمبل المرسوم علي الجنية المصري الورق... معبد فيلة.. جزيرة فرعون.. جزيرة التمساح... جزيرة النباتات الرحلات النيلية الخ
ثالثا: يفضل للمتعة الاشتراك في الرحلات النيلية بالباخرة من الاقصر لاسوان والعكس.. حيث المتعة في الابحار في النيل (فرصة علشان بعد كدا ممكن منلاقيش ميه في النيل)
والمقارنة بين شرم وأسوان لا تصلح لان هذا شئ بشكل ولون معين وهذا شكل اخر.. وهذا يرجع الي الشخص السائح
بالتوفيق

اقتباس:

---

المشاركة الأصلية كتبت بواسطة new_man

الطائره الفرد الواحد ب 600 يعنى انا ومراتى هنكون ب 1200
اما قطار النوم الكابينه 2 فرد ب 600 يعنى الفرد ب 300

---

آه تمام كده مضبوط
على الاقل هيبقى فى خصوصيه وهتعرف تريح ظهرك وتمدد وتنام وتضيع الوقت الطويل الممل والعطلة اللى بتحصل على خط الصعيد المفرد
قطار النوم هيبقى افضل 100 مرة من قطار الدرجة الأولى المكيفة بتاع الصعيد
الدرجة الأولى للأسف مستواه زباله كراسى قديمة ومش نظيفة حممات زى الزفت وريحة زفت ومفيهاش مياه الشبابيك والابواب بتترج وبتخبط وعزلها زفت زى قطارات الدرجة الثالثه العاديه

طيب لو واحد مسافر لوحده فى قطار النوم هيحطوا فرد تانى معاه فى نفس الكابينه ؟
ولا هيبقى فى كابينه لوحده ؟

اقتباس:

---

المشاركة الأصلية كتبت بواسطة elawany13

طيب لو واحد مسافر لوحده فى قطار النوم هيحطوا فرد تانى معاه فى نفس الكابينه ؟
ولا هيبقى فى كابينه لوحده ؟

---

نعم بيتم اقامة اي شخص معاك بخلاف النساء لان الحجز بالبطاقة الشخصية

اقتباس:

---

المشاركة الأصلية كتبت بواسطة elawany13

والعطلة اللى بتحصل على خط الصعيد المفرد

---

خط القاهرة اسوان مزدوج من زمااااااان

انا بعمل التقرير ده علشانك مخصوص
وعلشان اعضاء المنتدى

http://www.nilemotors.net/Nile/48128...post3876038905

اقتباس:

---

المشاركة الأصلية كتبت بواسطة acura

خط القاهرة اسوان مزدوج من زمااااااان

---

ده الواحد مل وزهق من كتر الانتظار والوقوف كل شويه
حتى اثناء الرجوع ركبت قطار الـ v.i.p من الأقصر الى القاهره
وكنت متخيل انه فى اى بى بقى ياعنى مش هيقف ولا هيتعطل خالص
طلع العكس تماماً
المشوار من الاقصر الى القاهر كان نفس زمن المشوار من القاهره الى اسوان بالقطار العادى !!!
قبل دخوله محطة مصر اخدله بتاع ساعه ونص واقف كده وخلاص !!!

اقتباس:

---

المشاركة الأصلية كتبت بواسطة عبدالله برعى

نعم بيتم اقامة اي شخص معاك بخلاف النساء لان الحجز بالبطاقة الشخصية

---

تمام
طيب بيكون فيه وجبه تقريبا ؟
ايه مستواه ومستوى دورات المياه ؟

اقتباس:

---

المشاركة الأصلية كتبت بواسطة elawany13

تمام
طيب بيكون فيه وجبه تقريبا ؟
ايه مستواه ومستوى دورات المياه ؟

---

مستوي الوجبة 8/10
مستوي الحمام 8/10
ولكن
زمن السفر مالوش علاقة انه قطار فاخر
في حوالي ساعتين ونصف مهدرين في انتظار المحطات الرئيسية اسيوط والاقصر.. تبديل قائد القطار والكمساري

والله زمان يا سفر

انا يا فندم سافرت لهناك 4 مرات على مدار 10 سنين واخر مرة سافرت بالعربية انا وزوجتى واولادى السنة اللى فاتت
وبدات من السنة اللى فاتت اعمل تقرير بالرحلة دى بالتفصيل الممل بالصور والفيديو والاسعار ودلوقتى خلصت 4 اجزاء من الرحلة دى والمتوقع ان الاجزاء توصل 10 لانى بسافر عبر الزمن فى المواضيع

ودة رابط الجزء الاول ويلية 4 اجزاء بنفس الاسم

http://www.nilemotors.net/Nile/458110-a.html

ودة رابط الجزء الرابع وهتلاقى فى اولة روابط لباقى الاجزاء
http://www.nilemotors.net/Nile/466041-a.html

وحاليا شغال فى الجزء الخامس وهيكون عن مدينة هابو