تضمن حقك ازاى عند التعاقد على شقه ؟؟

**M_HaFeZ** · 23-11-2008 07:32 PM

ياجماعه لو فى حد فيكم محامى او له درايه بالقانون
ايه الخطوات القانونيه لضمان حق المتعاقد على شقه
مع العلم ان هناك مقدم واقساط والشركه ستسلم الشقه لاحقا فى ميعاد محدد

المسئول عن التسويق قال عمل صحة توقيع فى المحكمه فقط
وبعد البحث على الانترنت كان فى صحة نفاذ وهى اقوى من صحة التوقيع لان صحة التوقيع لاتثبت الملكيه ولكنها سند بالتوقيع
اى ان فلان وقع لى على بيع المترو فصحة التوقيع تثبت لى ان هذا توقيعه او تقره
ولكنها لن تقول هل هو يملك المترو ام لا بعكس النفاذ التى تقر بان الشخص الموقع يملكه او لايملكه

مندوب الشركه قال ان يكفى صحة التوقيع وصحة النفاذ (بديل التسجيل) يكون بعد سداد كامل القيمه

افيدونا افادكم الله ...

**abouelmaggd** · 23-11-2008 07:43 PM

بص يا زعيم ، انا باخد محامى معايا عند كتابة عقد اى شقة لاخواتى او صحابى بيشوف عقد ملكية الارض و الرخصة و حجة البيع و حاجات كده بس كان الدفع كاش اضمن خد محامى معاك بس يكون معرفة و مبروك مقدما .

**M_HaFeZ** · 23-11-2008 08:29 PM

الله يبارك فيك يابومجد وشكرا على ذوقك
والله زى ماقولتك دى شركه من شركات كتير بتدفع مقدم وتقسط معاها وتستلم بعد فتره
يعنى للتقريب مع الاختلاف زى التعاقد مع طلعت مصطفى فى مدينتى ...

**M_HaFeZ** · 23-11-2008 11:01 PM

ياجماعه لو حد عنده اى نصيحه يتفضل وشكرا مقدما

**boody2** · 23-11-2008 11:49 PM

نصيحتي في الزمن ده و بامانة بعد ما شفت اصحاب كتير ليا و تجاربهم و نصيحة ابويا الله يرحمه ما تشتريش حاجة في الهوا و لا حتستلمها بعد فترة و ما حدش عارف ايه الي في الزمن ده و الاسعار يمكن تنزل خصوصا بعد الازمة العالمية و نزول اسعار الحديدو الاسمنت

و بعدين ممكن بعد ما تدفع المقدم و يعدي عليك كام قسط ممكن يجي يقولك والله عايزين نزود الاسعار علشان كذا و كذا وفي الحالة دي لازم تدفع لانك ببساطة حتكون معاه في نص الطريق

و ابسط مثال علي مواضيع الشقق الي بتتسلم بعد فترة هي شركة طلعت مصطفي و الي جري فيها ؟؟

انا اسف ان كنت ظلمتها بس والله انا ماشي علي النصيحة دي و ربنا يوفقك للي فيه الخير ليك و لاسرتك

**A.Saad** · 24-11-2008 08:38 PM

انا بصراحة مع الشرا والاستلام فورا
انا اتنصب على فى شقة قبل كدة بسبب ان الاستلام متاخر
لكن
شوف الورق بتاع الارض
الرخصة

صحة النفاذ مش يعنى تسجيل
اكبر ضمانة ليك ان يكون معاك ملكية وحيازة
الحيازة ان الحاجة تكون قاعد فيها
الملكية يعنى تسجل شهر عقارى
لو الارض مش مشجلة يبقى انت مش هتعرف تسجل
اسال على ورق الارض فى الشهر العقارى
صحة التوقيع يعنى ان التوقيع صح
القاضى مالوش دعوة باللى جوة العقد
لو هتشترى من شركة اتاكد ان اللى ماضى على عقدك
معاه تفويض من الشركة بالتوقيع
او له توقيع فى السجل التجارى بتاع الشركة