السلام عليكم
معروض عليا شقة في شارع احمد ماهر جنب مديرية أمن القاهرة علي احمد ماهر نفسه تاني او تالت عمارة من مديرية الامن
مساحتها صافي 85 متر
عمر العمارة 30 سنة
محتاجة تشطيب كامل لان صاحبها قفلها من زمان وهي دور رابع واخير
طال فيها نهائي 220
عرض للطباعة
السلام عليكم
معروض عليا شقة في شارع احمد ماهر جنب مديرية أمن القاهرة علي احمد ماهر نفسه تاني او تالت عمارة من مديرية الامن
مساحتها صافي 85 متر
عمر العمارة 30 سنة
محتاجة تشطيب كامل لان صاحبها قفلها من زمان وهي دور رابع واخير
طال فيها نهائي 220
مفيش حد عنده معلومة ولا اية ياجماعة
تشطيب كامل شوف هيكلف اد ايه....و اعمل حسابك فى العزل لانك فى دور اخير ...حار جدا صيفا بارد جدا شتاء....دور رابع مش قريب من الارض و بلا اسانير....عمارة قديمة...و مساحة مش كبيرة
المتر كدا واقف ب 2500 تاخد بها اجدع شقة فى المدن الجديدة و بسعر اقل
دى العيوب
المميزات انها وسط البد خاصة للى شغله هناك
كلامك مظبوط بس انا دورت في المدن الجديدة كلها مفيش 2500 دي نهائي دا غير ان كل المدن الجديدة بيسلمك الشقة طوب احمر واقل متر طوب 3000 ومبيبعلكش مساحة صافية ..يعني يقلك الشقة 120 متر وبيكون الصافي في حدود 95 ل100 متر ..فبتلاقي الشقة سعرها بدون تشطيب نهائي داخل علي 300000 او 350 الف وانتا لسة معملتش حاجة
انا محتار صراحة ومنتظر برضو اراء الاعضاء لو حد عنده نصيحة
حاجة تانية انا هاخدها كإستثمار وليس للسكن أنا عندي شقة تمليك الحمد لله
حسبتك فيها شوية ملاحظات ..
الشقة داخل فيها مياة وكهرباء وغاز ومتشطبة ..التشطيب اللي هتحتاجة ..سباكة حمام ومطبخ ودهان فقط نظافة وممكن سيراميك
حسبناها طلعت هتتكلف 15 الف تقريبا
نزلنا السعر دلوقتي ل200 الف وانا حطيت رنج 185 الف ..بحيث تكون 200 بالتشطيب
الايجار في المنطقة بحدود 1200 لنفس المواصفات
العائد السنوي يبقي حوالي 13.8
عموما انا برضو متردد واحتمال مخلصش فيها ولو في حد عنده منطقة تانية جديدة اسعارها تقسيط وكويسة يكون مشكور