مساء الفل يارجاله طالب منكم شويه معلومات بعد اذنكم
انا انشاء الله نويت اجيب جنوط سبور للعربية وعاوز اجيب حاجة استعمال خارج تكون محترمة احسن من الجديد اللى كله صينى وتعبان ورايح فستين داهيه
فشايف احسن حاجة انزل بورسعيد المجال مفتوح اوى هناك والاستيراد هناك كتير جدا فأكيد الاختيارات والاشكال هتكون كتيرة واهم حاجة جنوط اصلى يعنى حاجة محترمة ونظيفة واكيد السعر هيكون اقل من عندى فاسكندرية دى معلومات من كذا حد اشترى قبل كدة من بورسعيد
بس المشكلة انا منزلتش بورسعيد ولا مرة ومعرفش اى حاجة هناك
فهل الموضوع يستاهل انى اخبط المشاور التقيل ده ولا هتعب وهسافر على الفاضى خصوصا لان انا من اسكندرية يعنى علقة تقيلة
المشكلة عندنا فاسكندرية عشان تنزل تدور على جنوط استعمال خارج بتنزل عند تجار قطع الغيار الاستعمال وهما يدوبك كام تاجر وانا عارفهم وتلاقى يدوبك كل واحد عنده طقم او طقمين بالعافية وفيه اللى معندوش خالص واللى عنده وتسئله على السعر تلاقيه حرامى حرامى حرامى
ياريت اللى نزل بوسعيد قبل كده واتعامل هناك يدلنى على الصح
شكرا ليكم