مفتاح عربيتي صني الأساسي (الأسود) ضاع ومش لاقيه ... إيه الحل ؟؟؟

**EISultan** · 20-12-2015 11:16 AM

السلام عليكم ورحمة الله وبركاته
ازيكو يا جماعة
أنا معايا صني 2010 ..... المفتاح الأساسي بتاع العربية للأسف الميديالية كانت وقعت واتكسر الجزء اللي رابطه في الميدالية فكنت مخرجه من الميدالية ابني للأسف ضيع المفتاح جوا البيت قلبت عليه البيت ومش لاقيه بس فقدت الأمل أني ألاقيه حاليا ...
المشكلة دلوقتي أني لو عملت نسخة عالمفتاح الاسبير مابيفتحش الشنطة ودي مشكلة جامدة أني لا قدر الله ممكن لأي سبب لو البطارية فضيت أو مفتاح فتح الشنطة حصل فيه مشكلة من جوا العربية أو مفتاح الأمان بتاع الشنطة اللي بيمنع فتحها من جوا العربية اتعمل بالغلط ساعتها أنا مش حعرف أفتح الشنطة ..
هل في أي حد عنده افتراح أو حل للمشكلة دي وهل ممكن التوكيل يقدر يعمله نسخة من المفتاح الأصلي وهل في حل أقل تكلفة زي مثلا أني مثلا أخلي الشنطة تتفتح عادي بالمفتاح السبير وخلاص أو أي حل ...
بانتظار اقتراحاتكم ... وجزاكم الله خير

**محمد 2014** · 20-12-2015 11:36 AM

الشنطه ليها مفتاح من جوه العربيه زي ال بيفتح التانك او الكابوت موجود تحت جمب كرسي السواق دا في نيو صنى عندي دور عليه عندك هتلاقي واحد اكيد لغايه ما تشوف حل للمفتاح وهتلاقيه ان شاء الله

**EISultan** · 20-12-2015 11:57 PM

يعني مفيش حل لنسخ المفتاح الأصلي بأي طريقة ؟؟

**ahmed.zahra** · 21-12-2015 04:25 PM

التوكيل طلعا ممكن يعملك مفتاح جديد مشفر.و لو عندك نسخة من المفتاح المشفر بتاعها في محلات مفاتيح بتعمل المفاتيح المشفرة دي عادي

**mummy_47** · 21-12-2015 08:46 PM

اه طبعا التوكيل ممكن يطلعلك نسخة اصلية من المفتاح بحوالي 600 ج اتصل بيهم ....وفي ناس بتعمل نسخة من المفتاح المشفر . بحوالي150 او 250 ج تقريبا...اعمل بحث في المنتدى وهتلاقي الحل

**tasaka** · 23-12-2015 09:51 PM

المشاركة الأصلية كتبت بواسطة mummy_47

اه طبعا التوكيل ممكن يطلعلك نسخة اصلية من المفتاح بحوالي 600 ج اتصل بيهم ....وفي ناس بتعمل نسخة من المفتاح المشفر . بحوالي150 او 250 ج تقريبا...اعمل بحث في المنتدى وهتلاقي الحل

انسب حل بدل العك .. و فى الاخر حتلاقى نفسك صرفت نفس ثمن عمل المفتاح

و لو ب 250 جم مثلا بره .. يبقى ما تفكرشى كتير

**EISultan** · 21-12-2015 09:53 PM

هو مفتاح الصني 2010 أعتقد مش مشفر ... أنا ممكن أعمل نسخة من المفتاخ برا التوكيل بس المشكلة أن كدا المفتاحين اللي معايا حيبقوا مش بيفتحو الشنطة ودي مشكلة للأسف .... طبعا حرام أدفع 900 جنيه في عمل نسخة مفتاح إلا لو مفيش حل تاني ... هل في حل مثلا أني أغير قفل الشنطة أو حد يلعب فيه بحيث يشتغل عالمفتاح الاسبير وأبقى كدا خلصت من التكلفة دي ؟؟

**ahmed.zahra** · 22-12-2015 10:50 AM

اقولك على حل تاني حلو؟ ركب انذار وولف عادي ابو 250 جنيه و ده بيفتح الشنطة عادي من الريموت بتاعه و بكدة حيبقى معاك 2 ريموت بيفتحوا الشنطة غير الزرار اللي جوه العربية. و الإنذار ده كمان فيه ميزة انه العربية ماتدورش ابدا طالما انت قفلتها عن طريق الريموت بتاعه. انا كنت مركبه في عربيتي الاوبترا سابقا

**EISultan** · 23-12-2015 09:00 PM

طيب هل يمكن تعديل أو تغيير كالون الشنطة بحيث يشتغل عالمفتاح الاسبير ؟؟

**EISultan** · 24-12-2015 05:32 PM

يا جماااعة هي المشكلة أن المفتاح الأصلي الأسود هو اللي ضاع يعني ماعييش مفتاح أنسخ منه نسخة بره التوكيل ..... أنا بالفعل مركب الإنذار اللي ب 250 وبيفتح الشنطة ..... أنا بتكلم بس في حالة الطواريء لا قدر الله سواء البطارية فضيت أو لوك الشنطة اتقفل بالغلط اللي بيخلي الشنطة ما تتفتحش إلا بالمفتاح ...... المفتاح في التوكيل بحدود 900 جنيه على ما سألت .... أنا كل اللي عاوزه حل أخلي الشنطة تتفتح بالسبير في حالة الطواريء فقط .... كل اللي عاوز أعرفه في حل يوفر عليا الفلوس دي برا التوكيل أني أفتح الشنطة بالمفتاح السبير ولا لأ .... وشكرا جزيلا على مشاركات الأعضاء الكرام .