سؤال عن الفلوانس والطرق الزراعية

**ziohausam** · 21-12-2015 02:12 PM

السلام عليكم يا شباب

أنا الحقيقة محتار بين الفلوانس واللانسر شارك.. أنا عارف ان فيه فرق بين الاتنين كبير لصالح الفلوانس.. بس لطبيعة الطرق ف مصر المقارنات أحيانا مبتمشيش على طبيعتها... فأنا بسألكم هنا (وسألت ف قسم المقارنات برضو بس محدش رد عليا).. أنهي فيهم هيقدر يتعامل مع الطرق الزراعية اللي مليانة حفر ومطبات أهالي عالية... مين أعلى ويشيل أحمال من غير ما يهبط.. وف نفس الوقت يستحمل بهدلة الطرق دي أكتر؟ اجابة السؤال ده عي اللي هتحسم عندي الاختيار لأن الموضوع ده أهم عندي من الركوبة والجمال الداخلي والخارجي.

رأيكم ايه؟

**تامر.محمد** · 21-12-2015 02:36 PM

انا مش عارف الكلام على الزيرو ولا المستعمل
بس دي ولا دي , بمساعدين مونروو مثلا هاتبقى انشف شوية بس هاتمشي في الاراضي دي عادي جدا

**Hany Saad** · 21-12-2015 02:56 PM

المشاركة الأصلية كتبت بواسطة ziohausam

السلام عليكم يا شباب

أنا الحقيقة محتار بين الفلوانس واللانسر شارك.. أنا عارف ان فيه فرق بين الاتنين كبير لصالح الفلوانس.. بس لطبيعة الطرق ف مصر المقارنات أحيانا مبتمشيش على طبيعتها... فأنا بسألكم هنا (وسألت ف قسم المقارنات برضو بس محدش رد عليا).. أنهي فيهم هيقدر يتعامل مع الطرق الزراعية اللي مليانة حفر ومطبات أهالي عالية... مين أعلى ويشيل أحمال من غير ما يهبط.. وف نفس الوقت يستحمل بهدلة الطرق دي أكتر؟ اجابة السؤال ده عي اللي هتحسم عندي الاختيار لأن الموضوع ده أهم عندي من الركوبة والجمال الداخلي والخارجي.

رأيكم ايه؟

العضو الفاضل تميم أجاب على حضرتك فيما يتعلق بالعفشة، ده غير أن الشارك عفشتها أنشف كتير عن الفلوانس
النقطة التانية اللى حضرتك يمكن مش واخد بالك منها هى وسع الشنطة طالما أن حضرتك بتدور على عربية تشيل أحمال....الشارك شنطتها ضيقة جداً بالنسبة لمثيلاتها و لا تقارن بوسع شنطة الفلوانس...أذا ما أصبحتش فكرة أنهو عربية هتعرف تشيل أحمال على قد ما هى أنهو عربية فيها مساحة لشيل هذه الأحمال

تحياتى

**ziohausam** · 21-12-2015 04:14 PM

المشاركة الأصلية كتبت بواسطة تامر.محمد

انا مش عارف الكلام على الزيرو ولا المستعمل
بس دي ولا دي , بمساعدين مونروو مثلا هاتبقى انشف شوية بس هاتمشي في الاراضي دي عادي جدا

شكرا جزيلا... الكلام ع الزيرو.. هل واحدة منهم أنشف؟

**ziohausam** · 21-12-2015 04:15 PM

المشاركة الأصلية كتبت بواسطة tameem2010

الفلوانس اقوى وتتحمل الطرق افضل
لان التعليق الخلفي فيها تورشن بيم اما اللانسر التعليق الخلفي بتاعها متعدد
التورشن بيم اقوى في التحمل من المتعدد ومفيش منه مشاكل ومش بيتغير له حاجة ولا بيتظبط زوايا ولا اي حاجة
اما المتعدد مشكلته بعد فترة كل شوية ظبط زوايا وتغير جلب مقصات واحيانا مسامير سنترلك بتاع الزوايا

ممتاز جدا.. اجابة قاطعة... طب هل فيه واحدة منهم بتهبط أكتر مع الحمل؟ ومين فيهم أعلى فعليا؟

شكرا جزيلا

**ziohausam** · 21-12-2015 04:17 PM

المشاركة الأصلية كتبت بواسطة hany saad

العضو الفاضل تميم أجاب على حضرتك فيما يتعلق بالعفشة، ده غير أن الشارك عفشتها أنشف كتير عن الفلوانس
النقطة التانية اللى حضرتك يمكن مش واخد بالك منها هى وسع الشنطة طالما أن حضرتك بتدور على عربية تشيل أحمال....الشارك شنطتها ضيقة جداً بالنسبة لمثيلاتها و لا تقارن بوسع شنطة الفلوانس...أذا ما أصبحتش فكرة أنهو عربية هتعرف تشيل أحمال على قد ما هى أنهو عربية فيها مساحة لشيل هذه الأحمال

تحياتى

كويس ان حضرتك أجبت على نقطة مين أنشف.
هو بس توضيح.. الأحمال هتكون ركاب مش شنط.. يعني مش محتاج مساحة كبيرة ف الشنطة أوي. محتاج 3 يقعدوا ورا وواحد قدام من غير العربية ما تهبط جامد... هل الفلوانس هتحافظ هلى ارتفاع أعلى؟ وهل أصلا هي أعلى من غير أحمال؟

**ziohausam** · 21-12-2015 04:19 PM

المشاركة الأصلية كتبت بواسطة yehya badr

تجربتي مع اللوجان علي طريق دمنهور - الأسكندرية أن عفشة الرينو في منتهي القوة بتوكل علي الله و هات فلوينيس خصوصا أن عالية عن الأرض و جنط 15 فما فوق و بالتالي حتقدر تمشي علي الزراعي من غير قلق

جميل جدا..

المشكلة ف الطرق الداخلية في.. طريق شبراخيت.. أو بسيون.. أو كفر الشيخ... المنصورة.. كدة يعني.

شكرا جزيلا.