عرض للطباعة
السلام عليكم
النهاردة اشتريت نظارة طبية من مغربي نوعها Ray-Ban , ولان سعر العدسات هناك غالي جدا قررت اعمل العدسات برة
المحل اللي وديتله النظارة علشان العدسات قاللي دي تقليد وسعرها 125 ج
لانها صنع في الصين وكمان لان الكتابة على الدراعين مكتوبة مش محفورة
هل الكلام دا صحيح؟ وهل ممكن يبيع مغربي نظارات مش اصلية؟
وشكرا مقدما لحضراتكم
معظم الray-ban دلوقتي صيني لكن ده مش معناه انها تقليد, ده مجرد outsourcing عشان يقللوا التكلفة..
مين قال ان الكتابة على الدراعين لازم تكون محفورة؟ هري وفتي وخلاص.
الريبان الاصلي تعرفها ان مخدات النضارة بيبقي مكتوب عليها حرف r
و ممكن عادي تكون مصنوعة في الصين و اصلي و ما بيبقاش محفور عليها و لا حاجة...كتابة عادية و بس
انا اشتريت نضارة من الامارات و كنت هرجعها لما لقيت مكتوب عليها مصنوعة في الصين بس البياع في المحل أكدلي ان كل الريبان الايام دي بيبقي جاي من الصين علشان رخص العمالة.
عموما انا كتبت الكود الموجود في الدراع على جوجل ، وظهرتلي صور النضارة
وكمان لقيتها بنفس الكود على موقع Amazon
كلام فارغ طبعا. مغربي مش بيبيع حاجة مضروبة
أول مرة أعرف إن الكتابة على الريبان حفر أو بارزة . ده الراجل اللى قالك كدة جاب التايهة .
إطارات ريبان تصنع فى الصين أحيانا لبعض الدول . كذلك يوجد نظارات ريبان فى الأسواق صنع فى إيطاليا و لكنها غير أصلية .
العبرة بالخامات المصنوع منها النظارات و جودة المظهر .
أنا شخصيا معي نظارة نظر من مغربى (الرياض ) مش مكتوب عليها بلد الصنع و الكتابة عليها مش محفورة بس أنا متأكد تماما إنها أصلية .
بالتأكيد مغربى مش حيخاطر بسمعته فى مصر أو أي بلد تانى و بالذات هو وكيل المنتج
فيه كتير من الناس بيفتوا بدون علم لإن حياتهم كلها جهل
في مصر توقع اي شيء من اي اسم مهما كان كبير لان مفيش لا رقابة على الجودة ولا محاسبة من اي نوع
المهم بقى تاخد بالك للراجل اللى قالك كده يبدل النظارة بتاعتك بواحدة صينى
العلبة بتاعتها تقدر تحددلك دي هاي كوبي ولا أصلي
اشتريتها بكام من المغربي ؟
1000اقتباس:
المشاركة الأصلية كتبت بواسطة mrbebo