موضوع مهم جدا قبل ما تغرم ثمن بطارية على الفاضى

**Sherif Saeed a** · 23-12-2015 03:01 AM

حبيت اشاركم بموضوع مهم جدا جدا جدا جدا
لو فى مره جيت تدور العربيه ولاقيت انوار الطابلوه ضعفت والمرش مش بيشتغل وفيه صوت تكه عند درج الطابلوه يبقى العيب فى البطاريه حتى لو كانت المره الاولى
بس قبل البطاريه وحتى لو محصلش الكلام اللى قولت عليه لازم تشيك على قطاش البطاريه وده اللى حصل عندى وخصوصا الموجب لانه كان مجنزر وكل ما انضفه بميه سخنه يجنزر تانى لحد ما قطعت والعربيه مادرتش
وزى الصورة كدا القطاش طالع بايظ دا بعد غسله بميه سخنه كمان وهو اللى فى الصورة
وعشان انا مبحبش اغير اى حاجه استندر فى العربية جبت طقم قطاش كورى موجب وسالب الموجب بغطاء احمر وده ركبته والسالب بغطاء اسود ودة اللى فى الصورة ومركبتوش لان السالب فى العربية سليم وكمان عشان متبرشم فى الكابل السالب اما الموجب بيتركب فى الكبل عن طريق ترامل ورباط عادى
وكانت النتيجة مفيش اى فصل للمرش وحاسس ان انوار العربية اضائتها بقت افضل ومفيش جنزرة ولا غيره
تمن الطقم ٣٥ جنيه من ٦اكتوبر عند واحد اسمه بيت العفشه فى مجمع علاء الدين وفيه نجم بس ملقتش عندة
بس اهم حاجه خلو بالكوا فيه انواع زى دى بس مش اصلى عباره عن حديد ودى كفائتها قليلة
وشكرا