الموضوع: ٣٢٠ لاكشرى و لا x3 2000 cc

مش هتندم لو أخدت x3
ماينفعش نقارن بين الأتنين خالص زي ماحضرتك عارف ، دي حاجه ودي حاجه ولكن من واقع تجربه ال x3 هتخليك تنسي عربيات واطيه تماماً مع الحفاظ علي متعة سواقة bm ، كفاية أنك هتركب عربية عاليه ومش هتشغل بالك بمطبات ، وهتحس بثقة جامدة وأنت راكب ال x3، ربنا يوفقك .

انا اسمع ان ال x3 2000 cc مفضينها خالص وشايلين منها كماليات كتير .... يا ريت حد عنده معلومة يقولنا كمالياتها ايه وموتورها مناسب لحجم العربية ولا لا

المشاركة الأصلية كتبت بواسطة haithamelhagar

انا اسمع ان ال x3 2000 cc مفضينها خالص وشايلين منها كماليات كتير .... يا ريت حد عنده معلومة يقولنا كمالياتها ايه وموتورها مناسب لحجم العربية ولا لا

مش عارف مفضينها أزاي ؟
العربيه فيها سقف بانوراما وفاتحة سقف وكراسي كهرباء بدون ذاكره ، الأي درايف عربي ، الفرش جلد يعني ماتفرقش كتير عن ال ٣٠٠٠ cc غير في الزينون والنواكل والجنوط والشنطه الكهرباء في فئة التانيه من ال ٣٠٠٠ cc
أنا مش شايف أن ماتور ال ٢٠٠٠ cc صغير علي العربيه كحجم وإن كان طبعاً ال ٣٠٠٠ cc هتكون أقوي ، لكن في مقابل الضريبه بتاعتها نار ، مش عارف دي وجهة نظري في العربيه ، لو محتاج تستفسر عن حاجه في العربيه أنا تحت إمرك .

ال 2000cc فيها كراسي كهرباء بذاكرة

بناء علي تجربة والعربية قعدت معايا إسبوعين وعملت بيها مشوار محترم (في حدود سبع الاف كم )
الموتور كويس ومش هتحس إنه ضعيف ألا لو جربت إل ٣٠٠٠ سي سي
تحت الميه تقريبا مفيش فرق لكن من ١٠٠ الي ١٥٠ في فرق كبير .... هو هيئدي كويس بس مش زي الستة سلندر أبدا ....
العربية حلوة وفخمه وهيبة علي الطريق ...
البي أم (سواء فئة تالتة أو x3 ) فيهم عيب قاتل اللي ركيب بيمر أكيد هارشه وهو إن الثبات مش حلو (خلي بالك تبات مش حلو مقارنة بالبي إم اللي قبليه لكن ما زالت أحسن من أي عربيه تانية في فئتها )....
لكن موديلات قبل ٢٠١٠ كانت راشقه في الأرض لحاد ٢٠٠ لكن الجديد من بعد ١٥٠ أخف سنه ...هما قالو إن دة إحساس وهمي عشان هما خلوها مريحة أكتر فبتدي الإحساس دة وأن التبات هو هو بس الصراحة الدرايف والهانلدنج في القديمة أحلي بكتير ومفيش علاقة أساسا .

بالنسبا لسألك في مصر تركب x3 من غير ما تفكر بس معنديش فكرة عن ماسكه سعرها ولا لأ

انا اشتريت 316 لاكشرى 2015 و مشيت بيها 95 كيلو رجعتها و جبت x3 مهانتش عليه بى ام فى المطبات في الأول كنت مستغرب ركوبت اكس الثرى لان 316 كانت القيادة ممتعة
بعد شهرين في اكس 3 هيبة مختلفة و سحب حلو و استبليتى رائع على 180 و 200 لدرجة ان صاحبى بيمر قدبم راكب معاى بيقولى ايه الصوت ده هي عزلها وحش لما بص على العداد لقاه 200 قال حقك تسمع صوت

موضوع استهلاك الوقود لو يهمك
2000 سى سى انا حاسس بفرق في الأستهلاك
الكمبيوتر بيوضح الأستهلاك
سرعة 180 كيلو 12 لتر ل100 كيلو
سرعة 120 كيلو 6 لتر ل 100 كيلو
المشكلة
داخل المدينة لاى تحرك و توقف الستهلاك 30 لتر ل 100 كيلو
طبعا البنزين بيطير الناس حتقول راكب بأكتر من نص مليون و بتتكلم على البنزين