إلى أستاذ هاني منسق القسم والإخوة الأفاضل، المساعدة

**Hany Saad** · 27-12-2015 04:05 PM

بالنسبة لفرع المقطم و لأنى من اسكندرية فمش هقدر افيدك قوى و هسيب الاخوة الاعضاء اللى بيتعاملوا مع فرع المقطم يفيدوا حضرتك عن مستوى الخدمة

بالنسبة للفئة، طبعاً التانية هى الحصان الأسود للفلوانس اللى فيها كل ما تتمناه من الكماليات و التكنولوجيا الحديثة، كفيلة انها تمتعك بشكل يومى طول فترة امتلاكك للسيارة و حتى لا تمل من سيارتك بعد فترة قصيرة....و لكن طبعاً يخضع الأمر لميزانية حضرتك
اذا توافرت يبقى نصحتى الفئة التانية دون ادنى تردد لانها من افضل فئات الفلوانس و اكثرهم مبيعاً على الاطلاق للقيمة مقابل السعر

تحياتى

**m6r1282** · 27-12-2015 04:10 PM

المشاركة الأصلية كتبت بواسطة hany saad

بالنسبة لفرع المقطم و لأنى من اسكندرية فمش هقدر افيدك قوى و هسيب الاخوة الاعضاء اللى بيتعاملوا مع فرع المقطم يفيدوا حضرتك عن مستوى الخدمة

بالنسبة للفئة، طبعاً التانية هى الحصان الأسود للفلوانس اللى فيها كل ما تتمناه من الكماليات و التكنولوجيا الحديثة، كفيلة انها تمتعك بشكل يومى طول فترة امتلاكك للسيارة و حتى لا تمل من سيارتك بعد فترة قصيرة....و لكن طبعاً يخضع الأمر لميزانية حضرتك
اذا توافرت يبقى نصحتى الفئة التانية دون ادنى تردد لانها من افضل فئات الفلوانس و اكثرهم مبيعاً على الاطلاق للقيمة مقابل السعر

تحياتى

معك حق فعلا وبشكرك على المتابع السريعة والله.

**aelsayed74** · 27-12-2015 10:58 PM

اولا احب اشكر م/ هانى على سرعة استجابته ومساعدة المتواصلة لاعضاء رينو وشرحه الوافى لكل اللى بيقرأ ردوده
ثانيا اتمنالك م / محمد التوفيق فى اختيارك وان كنت شايفك ميال للفلوانس
بالنسبة لمركز رينو المقطم ومن خبرة تعامل زميلى بالعمل معه انه مركز كبير وناس محترمة وصريحة وفعلا توكيل رينو من اكثر التوكيلات المحترمة فى مصر زيه زى توكيل تويوتا

**m6r1282** · 28-12-2015 08:53 AM

المشاركة الأصلية كتبت بواسطة aelsayed74

اولا احب اشكر م/ هانى على سرعة استجابته ومساعدة المتواصلة لاعضاء رينو وشرحه الوافى لكل اللى بيقرأ ردوده
ثانيا اتمنالك م / محمد التوفيق فى اختيارك وان كنت شايفك ميال للفلوانس
بالنسبة لمركز رينو المقطم ومن خبرة تعامل زميلى بالعمل معه انه مركز كبير وناس محترمة وصريحة وفعلا توكيل رينو من اكثر التوكيلات المحترمة فى مصر زيه زى توكيل تويوتا

أنا بشكر حضرتك على الرد والمتابعة، وأنا الآن بستخير وربنا يقسم الخير يارب

**marsguy** · 29-12-2015 01:56 PM

المشاركة الأصلية كتبت بواسطة m6r1282

بالنسبة ل الفتيس ال cvt هو سحبه هادي ولا سحب عادي بس مش أسابق بيه

أنا أحب العربية تكون صاحيه معاي مش وأنا بطلع من زحمه اللي ورايا يزمروا عشان العربية مش بتستجيب

فهل فلوانس هاديه في الطلعة زي صني 2003 اللي كانت معي ؟؟ أظن لأ ، أو أنا مش فاهم حضرتك في حتة الحرق دي، مش هي عربية جراية وكويسه، ولا هاديه ؟؟

أنا أثقلت وأطلت على حضرتك عارف والله، بس ده طمع في كرمك
وكمان أنا عارف إن حضرتك مقدر الحيرة اللي بنكون فيها في الموقف ده.

فبكرر الشكر والله لحضرتك.

السلام عليكم ورحمة الله وبركاته،،،

بالنسبه للفتيس فهو سحبه عادي في الطلعه. لكن العربيات اللي الفتيس بتاعها تروس عاديه هاتطلع منك في الطلعه الأولى لكن بعد كده الآداء بيتشابه. بس ال CVT هوفتيس مش بتاع حرق عامة.

بس دي مش مشكله أوي لملاك الفلوينس عشان معظم الناس اللي بتجيب العربيه ده مش بتاعت حرق وغرز وكده.

عامة أحسن طريقه للحكم هو إن حضرتك تعمل test drive بنفسك